Miami Vice (2006)

Miami Vice er gífurlega svöl mynd, byrjunin er hörkuleg og hröð, engum tíma er sóað í andskotans byrjunar kreditlista sem ég hef nokkuð óbeit af, þessari hörku er haldið í þó nokkurn tíma, en alls ekki út alla myndina. Það sést við miðjuna að Michael Mann hafði nánast ekki hugmynd hvað ætti að gerast eftir helming, sem er galli sem handritsskrif á að hafa lagfært. Colin Farrell hefur að mínu mati staðfest sjálfan sig sem nokkuð góðan og svalan leikara, sérstaklega eftir The New World. Hann og Jamie Foxx virka vel saman, persónusköpunin er alls ekki flókin milli þeirra en sem ´shootem-up´ teymi þá sannast þeir flottir saman. Þegar Michael Mann gerir hasarsenur, þá gerir hann virkilega hasarsenur, enginn nær að skapa eins flott byssuhljóð og þessi maður fyrir kvikmyndir og allur hasarinn í Miami Vice var frábær. Seinni helmingurinn tekur allt sem fyrri helmingurinn kynnti til sögunnar og dregur það eins lengi og langt og hægt er, þar verður atburðarrásin frekar þreytt og augljóslega óskipulögð. Svo það augljósasta var skortur á hæfanlegum endi, margar kvikmyndin eiga það til að enda án þess að skilja neitt eftir sig, með Miami Vice þá fannst mér eins og Mann hafi gleymt að taka upp endinn. Ég verð að vera sammála því sem gagnrýnendur segja, Miami Vice er ofurflott mynd, en þurfti meiri undirbúning. Ég fílaði Farrell og Foxx, mér fannst hasarinn frábær og sagan virkaði vel við fyrri hlutann en við lokin þá er eins og allur krafturinn sé löngu eyddur. Ég hef aldrei séð Miami Vice þættina, en ég er nokkuð viss um að þessi mynd sé betri þar sem þættirnir eru víst hallærislegir 80's poprugl. Miami Vice er mjög fín mynd, ekki eins góðar og flestar Michael Mann myndir en samt góð.

Skelfing var þetta leiðinlegt bull. Innantómt og bara handónýtt. Leikstjórinn er Michael Mann og hann hefur áður gert t.a.m. Collateral en Miami vice er víst gerð eftir samnefndum sjónvarpsþáttum sem ég hef ekki séð en ef þeir eru hálft eins leiðinlegir og þessi mynd þá þarf ég að fara að passa mig. Miami vice er mynd sem maður heldur að sé góð en í rauninni er hún vægast sagt mjög illa gerð og það er eins og það sé ekkert verið að reyna að gera hana góða því hún er svo klisjukennd og eins og eitthvað sem margoft hefur verið gert áður. Það þyrfti kannski ekki endilega að vera slæmt en þá þyrfti að vera eitthvað sem bætti það upp t.a.m. flott sviðsmynd eða athyglisverð umgjörð eða kryddað handrit eða bara eitthvað sem vekti áhuga. En það er ekkert. Colin Farrell er góður leikari en hlutverk hans hér er alveg steindautt alveg eins og stemningin í myndinni. Steindauð. Bara engin. Í rauninni á þessi mynd ekki skilið neitt annað en algjöra falleinkunn en hún fær samt hálfa stjörnu fyrir jú flottan hasar og vegna þess að ég hef nú samt séð það verra. Forðist þessa sem skrattann með horn og hala.

Já nú er ég nýr hér og ef ég segi of mikið þá endilega kommenta.


Myndin er um þá Crockett og Tubbs félaga sem eru saman í lögreglunni í Miami og vinna við að leysa upp hasshringi og komast undercover inn í hættulegustu klíkur á svæðinu og vilja gera það með stæl. En eins og öllum mannverum er eðlislægt lenda þeir félagar í klóm ástarinnar sem gerir þetta fulldramantískt fyrir minn smekk. En Crockett og Tubbs koma sér í innsta hring dópsmyglara og framleiðenda með að bjóða uppá flutninga á dópi fyrir þennan dópsmyglara. Crockett kynnist þar hinni heillandi Isabelle sem einmitt vinnur náið með höfuðstjóra dópsamtkanna. Þar með hefst heljarinnar hasar og meira segi ég ekki um söguþráðinn.


Myndin er flott gerð með góðri lýsingu, myndatöku og leikararnir í sjálfu sér ekki slæmir þó Colin Farell eigi frekar að vera í hlutverkinu að handtaka fólk, skjóta úr byssum og buffa mann og annann í spað. Jamie Foxx stendur sig vel í hlutverki Ricardo Tubbs og sama er hægt að segja um alla aðra leikara í þessari mynd.


Öll myndin er flott gerð með góðum leikurum og maður spyr sig, hvað þarf til að klúðra þessu? Handritið að mínu mati er slakasti parturinn í þessari veislu en eins og allir vita er það mikilvægt og get ég því ekki gefið þesari mynd meira en falleinkun og hálf stjarna verður niðurstaða.


Niðurstaða: 0,5/5 stjörnum

Þar sem ég er mikill aðdáandi af gömmlu þáttunum var ég með mikklar væntingar varðandi þessa mynd, víð félagarnir skelltum okkur i VIP sal til að njóta þessarar myndar eins og best gat kosið, og ég verð að segja að ég var orðlaus eftir að syninguni var lokið, þetta er án vafa lélegasta mynd sem ég hef séð i langann tima og efast um að ég eigi eftir að sjá eins slæma mynd á þessu eða næstu árum, söguþráðurinn er virkilega hrár og innantómur og ekkert sem heldur manni spenntum eða hvað þá athygli til að skemmta sér, ég held að Michael Mann hefði betur sleppt að setja nafn sitt við þessa mynd þar sem hún er blettur á hanns glæsta ferli sem Leikstjóra. Mér fynnst persónulega að þessu tima sem ég borgaði fyrir að leiðast hafi verið rænt af mér og ég mun aldrei fá hann aftur þvi annað eins sull hef ég aldrei séð,

Þeir sem telja að Michael Bay sé sá eini í kvikmyndaheiminum í dag sem að getur borið fram almennilega gott ofbeldi, þeir vita því miður ekki mjög mikið um kvikmyndir. Michael Mann er einn af mínum uppáhalds leikstjórum, og alltaf þegar ég er að fara á nýja mynd eftir hann, þá er ég ánægður, eða a.m.k. bjartsýnn. Miami Vice er kannski ekki beint eitthvað sem leit út fyrir að vera hentugt verk fyrir manninn upphaflega, sérstaklega ef miðað er við hversu miklir tískuþættir þetta voru, og hreinlega einkenndu þeir og héldu e.t.v. þéttast í '80s stílinn. Þessi kvikmynd á lítið sameiginlegt við þessa þætti (ekki segja mér að það sé slæmur hlutur!), og ég er feginn hvernig leikstjórinn hefur náð að snúa stílnum gjörsamlega við. Við erum að ræða um sama mann og færði okkur meistarastykki á borð við The Insider ásamt Heat - einhverja bestu glæpamynd sögunnar - og þetta bendir sjálfkrafa til þess að það sé virði að sýna manninum traust hvað þetta efni varðar. Það sést annars vegar strax að myndin er í nákvæmlega sama dúr og síðasta mynd Manns, Collateral (önnur mynd sem ég fílaði einnig vel). Útlitslega er myndin voða hrá og dimm. Kvikmyndatakan sem og tónlistarnotkunin mótar ákveðin undirtón sem gefur myndinni voða raunsætt umhverfi. Maður einhvern veginn trúir flest öllu sem að maður sér á skjánum, jafnvel þótt að leikstjórinn eigi til með að leika sér einum of mikið með stafrænu tökurnar, og það er sömuleiðis ljóst að hann sé mikið fyrir öfgakenndar uppstillingar. Fyrir mitt leyti segi ég hins vegar að myndin nái að halda sér á góðu róli, sérstaklega varðandi andrúmsloftið. Söguþráðurinn er ógurlega basic, en myndin spjarar sig með góðu handriti. Colin Farrell og Jamie Foxx eru einnig mjög fínir saman, og móta í sjálfu sér eftirminnilegt tvíeyki - sem skiptir miklu máli. Persónudýpt þeirra er annars vegar fremur takmörkuð, og maður finnur auðveldlega fyrir því hvar myndin teygist meira en hún í raun þurfti, sem veldur því náttúrlega að hún er fulllöng. Þetta eru helstu gallarnir við Miami Vice. Nú, burtséð frá því er þetta fjandi athyglisverð og nokkuð spennandi afþreying. Ofbeldið kemur í litlum skömmtum, en þegar að það staldrar við skilur það eftir sig stórskemmtilegan hvell. Að venju eru skothríðirnar brútal og raunverulegar, engan veginn eins og sést í venjulegum Hollywood-myndum, sem er orðið nokkurs konar trademark hjá Mann. Ég get ekki sagt að Miami Vice risti eitthvað djúpt. Hún skilur sitt og hvað eftir sig, en á endanum nær hún ekki að vera mikið meira en bara þrusugóð glæpamynd, og í besta falli er hún með þeim betri sem sést hafa í ágætan tíma.7/10

Myndin er byggð á þáttum sem nutu vinsælda in the 80's. Colin Farrell og Jamie Foxx leika félagana eins og þeim er lagið og eru verulega svalir. Myndin stólar mest upp á góða uppbyggingu sem heldur manni spenntum út myndina, myndatakan er frábær, þau action atriði sem koma í myndinni eru alveg meiriháttar, útlitið er mjög realistic eins og einkennir Michael Mann mynd, leikstjórn brilliant og hljóðvinnan er í toppmálum, og heyrist best í byssubardaganum í endanum sem er einn mest realistic byssubardagi sem ég hef séð í langan tíma. Lokaniðurstaða: Miami Vice er góð viðbót við bíóárið 2006 og svalasta mynd sem mun koma á þessu ári.