Collateral (2004)

Ansi hress ræma. Michael Mann kann alveg að gera bíó og Tom Cruise er ákaflega sannfærandi sem vondi kallinn.

Ansi skemmtilegt að því var haldið fram statt og stöðugt að hér væri Tom Cruise í fyrsta sinn í hlutverki illmennis - eins og hann hefði verið eitthvað sérstaklega indæll í Interview with a Vampire.

Annars, mjög skemmtileg og trúverðug í flesta staði, synd að Jason Statham var ekki meira til svæðis í ræmunni.

Þessi mynd er alveg hiklaust besta mynd sem Tom Cruise hefur leikið í og besta mynd sem Michael Mann hefur leikstýrt. Þessi mynd er spennandi allan tímann, Tom Cruise og Jaime Foxx eru geðveikt góðir saman og handritið er mjög gott á þessari mynd. Það er gaman að fá að sjá Tom Cruise loksins sem the bad guy og tekst honum að skila hlutverki sínu vel frá sér. Ef ég ætti að tala um frammistöðu hans þá væri hægt að líkja því við frammistöðu Denzel Washington í Training Day. Mér finnst Tom Cruise mun betri í hlutverki the bad guy en the good guy. Jamie Foxx er leikari sem maður hefur séð oft í svona litlum aukahlutverkum í myndum á borð við Any given Sunday o.fl. en hérna er hann í aðalhlutverkinu og nær hann að sýna virkilega vel hvað í honum býr. Skilar hann frammistöðu sinni í myndinni mjög vel. Vonandi að við fáum að sjá fleiri góðar myndir með þessum leikara í framtíðinni. Lokaniðurstaðan mín er fullt hús.

Collateral er frábær mynd í alla staði og er hún besta mynd ársins á eftir Kill Bill vol.2 það sem af er árs. Myndin fjallar um dreymin leigubílstjóra að nafni Max (Jamie Foxx) sem dreymir um betra líf. Eitt kvöld fær hann upp í bílin sinn mann að nafni Vincent (Tom Cruise) sem er líka á leigumarkaðinum nema það að hann vinnur sem leigumorðingi. Hann tekur Max í gíslingu og þarf Max að keyra hann á milli staða þar sem Vincent hefur verið ráðinn til þess að kála vitnum í stóru eiturlyfjamáli. Hann þarf að stoppa á fimm stöðum og nú verður Max að beita öllum sínum ráðum til þess að komast lífs að frá Vincenti og kannsik að ná að bjarga lífi einhverja af fórnalömbum Vincents. Myndin geris að nóttu til í stórborginni Los Angeles og var hún því nær öll tekin upp á stafrænar vélar því að sú tækni nær nóttinni miklu betur en filman gerir. Þetta gerir það að verkum að myndin er mjög raunveruleg og sér maður L.A. í mun skýrara ljósi en í öðrum myndum og er bogin því eitt að aðalhlutverkum myndarinar og er það mjög flott. Michael Mann er mjög virtur leikstjóri í kvikmyndabrasanum en verð ég að viðukenna að Collateral er fyrsta myndin sem ég sé eftir hann og skil ég vel afhverju hann er talinn einn af bestu spennumynda leikstjórum í brasanum enda er Collateral gæða spennu mynd þar sem spennan eykst með hverju andartaki sem líður. Handrit myndarinar er skrifað af Stuart Beattie sem virðist vera mjög góður handrits höfundur og vonandi eigum við eftir að sjá meira af honum í framtíðinni. Leikurinn í myndinni er mjög góður og eru það leikarar á borð við Jada Pinkett Smith, Mark Ruffalo, Peter Berg, Bruce McGill og Irma P. Hall sem koma fram í myndini og eiga þau öll fínan leik en þau falla þó öll í skuggan af þeim félögum Tom Cruise og Jamie Foxx en eiga þeir báðir stjörnuleik í myndini og er samleikur þeira eitt af þeim atriðum sem gerir myndina jafn góða og hún er. Samleikur þeirra byggist á svona týpiskri baráttu góðs og ills. Tom Cruise sýnir það og sannar í þessari mynd að hann er einn af fremstu leikurum í bransanum og túlkar hann hann hinn bráðsnjalla, miskunnarlausa brjálaðing sem Vincent er af stakri snilld og á Cruise skilið að fá óskarsverðlauna tilnefnigu fyrir myndina en hann sýnir hér og sannar að hann getur bæði leikið hetju og illmenni. Þetta er að ég held fyrsta mynd sem ég sé með Jamie Foxx innanborðs og hann sýnir það í þessari mynd að hér er á ferðinni einn af skærustu stjörnum framtíðarinar og stendur hann sig með stakri prýði í hlutverki leigubílstjórans Max og finnst mér að hann eigi eins og Cruise að verða tilnefndur til óskarsverðlaunana fyrir leik sinn í myndinni enda gefur hann stórstjörnunni ekkert eftir. Reyndar er hann að gera það gott í mynd sem heitir Ray og fjallar um blinda tónlistamanni Ray Charles en það eru margir á því að hann eigi að fá óskarinn fyrir þá mynd og má það vel vera en mér finnst að hann eigi að vera tilnefndur til verðlaunana fyrir Collateral. Í heildinna litið er Collateral trúlega best leikna mynd ársins það sem af er og er hún mjög góð spennumynd en hún er ekki bara spennumynd heldur er hún mynd sem fjallar um taugatrekkjandi aðstæður og álagið sem fellur á einstaklinginn sem er hótaður að gera rangt af sér af leigumorðingja. Einni galli myndarinar er sá að myndin er full lengi í gang og dettur hún stundum niður á milli atriða fyrir hlé en eftir hlé fer hún á fullt. Það að myndin fer full hægt af stað kemur í veg fyrir að hún fær fullt hús hjá mér. Og svona í lokinn ælla ég að enda þessa gagnrýni með minnstæðustu setningunum úr myndini: Max : You... you killed him?

Vincent : No, I shot him. The bullets and the fall killed him. Takk fyrir.

Ég á varla orð yfir þessari mynd! Ég hafði hlakkað töluvert til að sjá þessa mynd og verð ég að viðurkenna að ég fór með nokkrar væntingar á hana. Því er skemmst frá að segja að það er mjög langt síðan mér hefur leiðs eins ofboðslega í bíó. Við þá sem eru að spá í að sjá myndina vil ég benda á að horfa bara á trailerinn því að það gerist akkurat ekkert meira í myndin en í annars ágætum trailer.

Já eða eins og einn vinur minn sagði Næst þegar þú ætlar að draga mig á Tom Crusie í bíó þá vil ég benda þér á að það er nóg til að leiðinlegum myndum með honum á næstu leigu

Hann stóð svosem alveg fyrir sínu í myndinnim hélt alveg uppi coolinu sem kakterinn átti að búa yfir en hann fékk bara ekkert meira til að vinna úr. Myndin bauð ekki upp á neitt.

Ég skil ekki hvað leikstjórar og klipparar vilja með því að toga og teygja allar myndir yfir 100 mínúturnar þessa dagana. Þessi mynd hefði átt pínu séns sem rúmar 80 mín. en ekki meira því að sagan var akkurat ekkert... engin twist and turns bara hvert fyrirsjánlegt atriðið á fætur öðru með alltof löngum sló-mó klippum sem minntu hellst á baywatch eða lélegt tónlistarmyndband.

Svo toppar myndin sig alveg í lokin með þykku lagið af Hollywood smjöri....



Hreint út sagt sorgleg mynd!

Það er erfitt að dæma mynd sem er svo öðruvísi en flestar aðrar myndir. Michael Mann gerir það líka oft, að gera einkennandi myndir. Kvikmyndatakan í Collateral er afar einkennandi, algerlega óskipulögð og byggist alveg á myndatökumanninum. Hvort það sé gert til þess að halda raunverufíling það veit ég ekki en það er greinilegt að það tók ekki langan tíma að taka myndina upp. Collateral heldur uppi voða anti-hollywood stíl nema á einstöku stöðum, t.d er endirinn ekki nógu sannfærandi að mínu mati og út af þessum endi þá get ég ekki nema pælt í að myndin hefði getað verið betri. Tom Cruise og Jamie Foxx eru nógu sannfærandi í hlutverkum sínum, Jada Pinkett Smith fannst mér vera vandamál myndarinnar. Endirinn snýst voða mikið um hana og mér fannst það klúðra málunum. Collateral er líka afar sérstök í persónusköpun, það er ekkert tekið mark á mikilvægi neinna persóna né gæði. Kannski þarf ég aðeins að sjá myndina aftur, það er erfitt að dæma Collateral eftir fyrstu sýn. Eftir fyrstu sýn get ég þó sagt að Heat er betri en að Collateral er afar góð og mér finnst að hún virki sem heild þrátt fyrir að endinn hafi ekki verið nógu sannfærandi.

Leigubílstjóri flækist inn í verkefni leigumorðingja. Cruise virðist fara batnandi með aldrinum og er sérlega spennandi í hlutverki gáfaðs, miskunnarlauss og hæfileikaríks launmorðingja.


Söguþræðinum vindur fram á frumlegan máta án þess þó að áhorfandanum þyki aðstæður hæpnar, -þó svo atburðarás sem verður að teljast í hæsta lagi tilviljanakennd ráði nokkru um hvernig söguþráðurinn verður þykkari og áhugaverðari. Þannig hefði myndin ekki verið neitt síðri þótt mjög svo tilvilljanakenndu samband leigubílstjórans (Jamie Foxx) við síðasta fórnarlambið hefði verið klippt aftan af myndinni.


Þetta hlutverk er líklega það safaríkasta sem Foxx hefur leikið til þessa. Hann bæði skilar hann sínu prýðilega og fellur engan veginn í skuggan af Cruise.


Áhugaverð glæpamynd með vitsmunalegri og frumlegri framvindu.

Michael Mann er verulega hátt settur leikstjóri samkvæmt mínu persónulega áliti. Heat t.d. var einhver albesta glæpasaga síðustu aldar og The Insider var einnig kröftugt meistarastykki. Og þrátt fyrir frekar ónýta tilraun með Ali þá kemst Mann aftur upp á æðri stall með Collateral. Efniviðurinn sem hér er um að ræða er síður en svo frumlegur, en myndin er samt svo vel gerð, svo vel borin uppi af frammistöðum sínum ásamt fyrsta flokks leikstjórn að heildarniðurstaðan reynist skila frá sér einhverri bestu mynd ársins. Það sést að hún er borin er uppi af fagmönnum, út frá öllum hliðum, og þar að auki er þetta skólabókadæmi um hversu mikilvægir leikararnir geta verið með mynd sem þessa. Jamie Foxx er ógurlega vanmetinn leikari (stóð sig m.a. með stakri prýði í Ali) og fær hér rétta hlutverkið til að sanna sig. Þessi maður er á leiðinni að verða næsti Denzel Washington, ef ekki eitthvað mun betra. Svo er það náttúrlega hann Cruise kallinn - sem er búinn að jarða fasta hlutverk ''hetjunnar'' - en hann sýnir einmitt skuggalega og öfluga hlið að sér og er hreinlega bara frábær við hlið Foxx. Hinn dularfulli persónuleiki hans er líka eitthvað svo skemmtilegur og athyglisverður að ég í vafa um hvort ég eigi eftir að sjá trúverðugra illmenni í bíómynd á næstunni. Svo er hann e.t.v. svalari hér en í jafnvel Mission: Impossible-myndunum. Cruise og Foxx eru virkilega eftirminnilegir saman og með vel skrifuðum samtölum og skotheldum samleik sjá þeir til þess að áhorfandinn tapi ekki athyglinni. Maður festir sig nánast við hvert orð sem sagt er. Aukaleikarar eru einungis bara pappafígúrur. Þótt það sé gaman að hafa nöfn eins og Mark Ruffalo, Jada Pinkett Smith, Irma P. Hall og Peter Berg til að fylla upp í myndina hverfa þau óneitanlega í skugga hinna tveggja. Myndin er líka vel keyrð að öllu leyti og flæðir heldur þétt í gegn án þess að detta út í dauðan kafla. Spennan er líka á köflum vel uppbyggð og fer stór heiður af því í notkun tæknivinnslunnar, sem leikstjórinn er orðinn mjög þekktur fyrir. Hann leikur sér með fjölbreytt sjónarhorn, dimm skot af strætum L.A. borgar og alls kyns stílbrögð með upptökuna. Kvikmyndatakan er annars vegar glæsileg. Stór hluti myndarinnar er tekinn upp á stafrænar vélar, sem gefur myndinni pínu hráan og nokkuð áhrifaríkan raunsæisblæ (smá film noir-fílíngur í þessu líka) sem einstaka sinnum veldur manni óþægindum (in a good way). Senur sem innihalda skothríðir og ofbeldi eru líka með þeim raunverulegri sem undirritaður hefur orðið vitni af lengi. Collateral er samt ekki spennumynd í hefðbundinni merkingu þess orðs. Myndin gengur meira út á taugatrekkjandi aðstæður og álagið sem fellur á einstaklinginn sem er hótaður að gera rangt af sér af leigumorðingja. Á blaði hefði þetta getað litið út eins og hver önnur klisjan, en Mann tekst að gera svo margt ferskt og sérstætt úr þessu handriti. Svo er meginundirstaða gæða hennar vegna leikaranna. Ég vildi samt að aðstandendur hefðu breytt endinum, enda helsti veikleikinn, en hann tilheyrir einmitt einni af nokkrum klisjum sem hér eru að finna. Hefði leikstjórinn treyst sig í að breyta því hefði ég líklega hækkað einkunn mína upp í níuna. En þetta er einungis minniháttar kvörtun sem hefur ekki svo mikil áhrif á rest. Það er spurning hvort nafnið Tom Cruise sé orðið staðlað merki um gæði. Sama hvort svo er eða ekki er víst að Collateral ætti ekki valda neinum vonbrigðum, svo lengi sem viðkomandi geri sér grein fyrir því hvers konar mynd þetta er.8/10

Ég sá Collateral á forsýningu í Sambíónum og var ekki vonsvikinn. Tom Cruise leikur leigumorðingja sem þarf að drepa fimm gaura, og tekur leigubílstjóra (leikinn af Jamie Foxx) í gíslingu og lætur keyra sig á milli staða. Myndin gerist aðeins á þessu eina kvöldi. Collateral er hasarmynd eins og þær gerast bestar, hasaratriðin eru ofbeldisfull og raunsæ, ekkert slow motion rugl eða menn að hlaupa á veggjum. Hann Tommi var fæddur fyrir svona hlutverk og er svaðalegur sem illræmdur morðingji, hann brýtur meðal annars nokkra hálsa, stappar á hausum og myrðir mann með því að skjóta hann þrisvar í hausinn. Persónurnar eru frábærar og Jamie Foxx stendur sig líka mjög vel í sínu hlutverki. Það eina sem dregur myndina niður er klisjukenndi endirinn sem er ekki alveg í takt við restina af myndinni.

Ég fór að sjá Collateral í Laugarásbíói með nánast engar væntingar en svo reyndist þetta vera andskoti góð mynd og spennandi. Sú var tíðin þegar mér þótti Tom Cruise vera slakur leikari en hann er búinn að batna soldið undanfarið. Hann túlkar hér kaldrifjaðan morðingja mjög vel og gerir hann alveg ofboðslega svalan. Jamie Foxx er líka ágætur en persónulega finnst mér hann standa alveg í skugganum af Tom. Peter Berg er þarna líka í einu aukahlutverkinu, hann hefur ekkert látið sjá sig lengi.(Var þetta ekki annars hann eða er ég að rugla honum saman við einhvern annan?)Gallarnir eru að vísu til staðar en ef þú ignorar þá þá ættirðu að njóta þessarar kröftugu myndar, spennandi og bara skemmtilegu. Ég ætla að gefa Collateral þrjár stjörnur og hlakka ég mikið til að sjá meira af Tom Cruise í framtíðinni. Þ.e.a.s. ef að hann misstígur sig ekki alltof mikið.

Vá vá vá, ekki grunaði mig né þeim sem með mér voru á ferð á þessa MÖGNUÐU mynd að Tomsi getur verið svona líka vondur !!! Bara frábær frammistaða once again, og þessi mynd ætti enginn þá meina ég ENGINN láta fram hjá sér fara!!! Tom skilar sko sínu hlutverki og það með stæl....