The Punisher (2004)

Ég hafði beðið með mikilli eftirvæntingu eftir þessari mynd. Sem mikill Punisher fan, þá varð maður að búast við einhverju. En það er því miður ekki hér. Þessi mynd er ekki nálægt því eins góð og ég átti von á. Ef ég á að segja eitthvað, þá er hún stór vonbrigði. Þó að Thomas Jane er fínn sem The Punisher, dugar það ekki til að halda myndinni uppi. Þó er atriðið þar sem að hann berst við rússann virkilega fyndið atriði. Svo vantar alla spennuna og actionið sem að einkenna Punisher blöðin. Það er nú samt bara nýbúið að kynna persónuna þannig að ég ætla að gefa myndinni break. Það er aldrei að vita að ef að framhald verði gert, þá fái maður að sjá alvöru Punisher mynd. En við verðum víst að bíða þangað til.

Ég sá 'The Punisher' á DVD í gærkvöldi. Ég hef verið misjafnlega hrifinn af kvikmyndum byggðum á Marvel teiknimyndasögunum. Á meðan mér fannst 'X-Men' 1 og 2 snilld, og 'Spider-man' 1 og 2 jafn mikil snilld, þótti mér 'The Hulk' ansi léleg og 'Daredevil ' einfaldlega hörmuleg. Í teiknimyndasögunum lenda Spider-man og The Punisher til dæmis oft í slagsmálum, enda er The Punisher drápsmaður en Spider-man verndari. Einnig hefur hann lent í einhverjum ævintýrum með Daredevil. Mér finnst heimur sögunnar passa vel inn í aðrar nýlegar Marvel myndir, þó svo að engir ofurkraftar, yfirnáttúrulegir atburðir eða stökkbreytingar eigi sér stað í þessari sögu. Þetta er einfaldlega hrein spennumynd þar sem aðalhetjan er samkvæmt formúlunni látin þjást af hendi illmenna af eins mikilli heyft og kvöl og hægt er að hugsa sér, og sem síðar hyggur á hefndir - reyndar segist Castle (The Punisher) að hann sé ekki að hefna, þar sem tilfinningalíf hans er dautt, segist hann einungis refsa. Söguþráðurinn er eins einfaldur og hugsast getur. Sonur mafíuforingja er drepinn í umsátri sem FBI snillingurinn Castle, sem talar reipbrennandi 6 tungumál og er sérfræðingur í hernaðarlist, hefur skipulagt. Mafíuforinginn kemst að því hver skipulagði framkvæmdina og hefnir sín á Castle. Castle kvelst. Castle snýr aftur með tonn af byssum og sprengjum. Hann segist ekki vera pirraður, ekki reiður, búinn að jafn sig eftir allt. Hann hefur breyst í vopn sem ræðst gegn öllum þeim sem réttarkerfið nær ekki yfir vegna spillingar og vanmátts. Refsarinn er einfaldlega böðull götunnar. Eins grunn og þessi saga er, þá er hún merkilega vel leikstýrð. Tónlistin er góð, og stíll spennuatriðanna er skemmtilega útfærður, oft með blöndu af Sergio Leone víðskotum sem stökkva í nærmynd og öðrum klassískum blæbrigðum á formúlunni. Leikur Thomas Jane er mjög góður, og sýnir hann nú aftur, eftir að hafa gert það einu sinni áður í hinni alltof vanmetnu 'Deep Blue Sea', að hann er klassísk hasarhetja. Þetta er hæfileikaríkur leikari sem mér sýnist verðugur arftaki hasarleikara eins og Bruce Willis, Clint Eastwood og Sean Connery. Kannski yrði hann góður James Bond? Hann er trúverðugur sem útsjónarsamt hörkutól, sem þó er ekkert ofurmenni. Skemmtileg mynd og óhætt að mæla með henni fyrir þá sem hafa gaman af hasar og spennu.

Nú, jæja. Skil ómögulega hvað gagnrýnendur voru að agnúast út í þessa ræmu. Sá hana í bíó og fannst hún fín, m.a.s. rétt yfir meðallagi. Það sem mér fannst einna helst skorta var meira ofbeldi og blóð, líkt og er í blöðunum nú til dags (en blöðin má einmitt fá í Nexus á Hverfisgötu). Þykir þó líklegt að þetta hafi bara verið upphitun og planið sé jú að gera fleiri myndir um okkar mann. Var einmitt að fjárfesta í myndinni á dvd rétt áðan og hlakka mikið til að komast heim úr vinnunni að góna.

The Punisher er ágæt mynd en ég bjóst við miklu meira af því að John Travolta er í myndinni og hann er mjög góður leikari finnst mér. en hann Frank Castle sem er the punisher í myndinni eftir hvert bardagaatriði þá er búið að lemja hann í klessu eða skjóta hann mikið svo það fer mikill tími í að hann sé að jafna sig. myndin er samt flott og endirinn er flottur þegar hann sprengir bílana og þá kemur sama merki og er á bolnum hans. myndin er góð í heildina takk fyrir.

Þetta er allt öðru vísi ofurhetjumynd en maður hefur séð nýlega til að byrja með eru engir ofurkraftar í myndinni hvorki hjá aðal söguhetjunni né óvininum og ofurhetjan punisher er á mörkunum á því að vera vondikallinn.

Fjölskylda Frank Castle er myrt af mafíu og nánast ganga frá honum,hér kemur það óvænta Frank Castle ákveður að hefna sín eða refsa mafíósanum sem leikinn er af John Travolta.

Það sem gerir þessa mynd betri en aðrar ofurhetju myndir (þó hún sé ekki nálægt því að vera jafn góð og spider man)er það að hún er svo mannleg og grimm, Frank eða The punisher sýnir enga miskunn.

Það sem mér finnst verst er að það hefði verið hægt að gera hana mun betri og meira spennandi en þetta er eng að síður skemmtileg mynd en ég efast um það að allir fýli þessa mynd.

Ég vona að myndin græði nógu mikið til að það komi framhaldsmynd þar sem þessi mynd fer aðallega í það að kynna persónurnar og það er ekki fyrr en í endann sem virkilegi hasarinn byrjar.

Vissi í raun ekkert hvað ég var að fara að horfa á ég sá The Punisher. Er ekki mikið í þessum heimi, og var þar að auki ekkert búinn að sjá um hana. Gerði mér því ekkert of miklar væntingar. Því kom það mér þægilega á óvart að um alveg hreint ágæta mynd var að ræða. Mjög mannleg mynd um mann sem missir mikið og leitar réttlætis. Eða eins og hann orðaði það: 'This is not revenge. It's punishment'.


Myndin er mannleg að því leyti að aðalsöguhetjan Frank Castle, er algjörlega mannlegur, sem og aðrir í myndinni, þ.e.a.s. engir ofurhetjukraftar. Einnig má segja að maður finni virkilega til með Frank Castle og skilur virkilega afhverju hann gerir það sem hann gerir. Það vill verða í sumum myndum að maður hefur enga samúð með aðalsöguhetjunni og vonar jafnvel að 'vondi kallinn' vinni. Það er ekki dæmið hér, sem er gott.


Ég mæli með þessari mynd fyrir þá sem eru að leita sér að góðri skemmtun og flottri mynd. Þess má geta að ég horfði á hana með nokkrum vinum og bjórum, en ég er viss um að ég hefði notið hennar þrátt fyrir það.

Alltaf er soldið gaman af þessum myndum sem eru byggðar á teiknimyndasögum. Þær hafa reyndar ekki allar verið góðar í gegnum árin en...svona flestar. Og í þetta sinn er það The Punisher eða Refsarinn eins og hann kallast á íslensku. Ég ætla ekki að fara nánar út í söguþráðinn þar sem að allir ættu að þekkja hann nokkurn veginn en ég var bara nokkuð sáttur við myndina, ég bjóst við þriggja stjörnu mynd og það var einmitt það sem ég fékk. Leikurinn er smellinn, Tom Jane er illa svalur í titilhlutverkinu og John Travolta sýnir góða takta að ógleymdri Rebbecca Romijn Stamos(sem ég þekki alltaf betur sem Mystiqe úr X-men). Þessi mynd er þó ekki gallalaus, hún inniheldur nokkra dauflega og klisjukennda kafla sem setja vissan blett á heildina en sem hasarmynd er The Punisher vel þriggja stjörnu virði. Svo má kannski sjá hana aftur seinna meir en ég veit ekki hvernig hún á eftir að eldast. Góða skemmtun.

Mér hefur líkað vel við allar Marvel myndirnar hingað til. Sumar hafa verið betri en aðrar en núna virðist Marvel vera að missa flugið fyrir mér, annaðhvort það eða The Punisher sé bara svo slöpp saga.

Myndin snýst um Frank Castle (leikinn af Thomas Jane), FBI agent sem er hættur að vinna til að lifa góða lífunu með fjölskyldunni. Það stendur þó ekki yfir lengi því að bófinn Howard Saint (John Travolta) sendir vonda karla til Puerto Rico til að drepa hann og alla fjölskylduna hanns í fríinu.

Hann var víst eitthvað sár yfir því að sonur hanns hafi verið drepinn í seinasta verkefni Frank Castle's.


Hinsvegar lifir Castle þetta af þrátt fyrir að falla meðvitundalaus í vatnið með þrjár kúlur í líkamanum og allavegana ein af þeim var skotin af mjög stuttu færi.

Eftir að hafa lifað í 5 mánuði með vini sínum galdralækninum ákveður hann að fara og refsa Howard Saint og öllum þeim sem báru ábyrgð á dauða fjölskyldu sinnar.

Þegar hér var komið leist mér bara ágætilega á myndina, það var búið að leggja góðan grunn fyrir dark karakter sem gæti verið mjög miskunnarlaus og tilfinningarlaus við alla.


En þá byrjar myndin að detta niður. Frank Castle hefur ákveðið að drepa alla sem báru ábyrgð á dauðanum, ég skil það og hvað gerir hann? Hann keyrir útum allan bæ og tekur myndir af skotmörkum sínum og býr til afar flókið ráðabrugg!

Aha! En hvað það er svakalega eðlilegt fyrir mann sem er ekki tilfinningalega stöðugur...

Sérstaklega þegar það sem hann ætlar í raun að gera er bara að drepa þau, maður myndi halda allavegana að hann væri smá æstur?


Eina sem þetta gerir er að pína (refsa) áhorfendum með því að horfa í tvo tíma á eitthvað plot sem Jonathan Hensleigh (leikstjóri og screenwriter) hefur dottið í hug, en það er bara svo þunnt að maður tekur varla eftir því.

Fyrir hasarmynd þá er lítið að hasar í gangi mikinn part myndarinnar, nema einn bardagi við Rússan sem var skemmtilegasti partur myndarinnar að mínu mati.

Það væri gaman að segja að persónusköpunum væri þá bara meiri í staðinn en því miður er svo ekki. Það er reynt að búa til fjölskyldu fyrir Frank Castle með outcasts úr lífinu með gengilbeinunni Joan (Rebecca Romijn-Stamos), tölvuleikafríkinu Dave (Ben Foster) og feita kokkinum? Bumpo (John Pinette). Þessi fjölskylda er bæði óspennandi og klisjukennd því að karakterarnir bara steríótýpur af outcasts úr lífinu og á líklega að minna okkur á að þau eru fólk líka.


Einnig átti þessi mynd að vera svakalega dark eitthvað, en ég var bara ekki að finna það. Mér þótti fáranlega lítið blóð á mörgum stöðum, t.d. þegar það var búið að pynta Dave með því að

rífa þessa teina og hringi úr andlitinu á honum. Honum blæddi ekkert? What the hell!?

Einnig var ég bara ekki að kaupa þennan karakter (punisher),hann átti að vera í svakalegum hefndarhug og drakk til að halda sér sane en samt var hann svo ótrúlega yfirvegaður í öllu sem hann gerði. Hver tekur sér tíma t.d. til að tengja sprengjur á skrilljón bíla svo að þeir

brenni í hauskúpu?


Hvað var málið með hauskúpuna bara yfirleitt og að segja síðan, they can call me the punisher er alveg svakalega cheesy og bara passaði engan veginn í þennan heim fannst mér.

Ég get skilið þetta í heimi þar sem t.d. í spiderman eru hobgoblin, green goblin og fleiri nöfn að menn gangi yfir fleiri nöfnum og auðvitað ekki trúanlegur heimur en hann er þó samkvæmur sjálfum sér.

The punisher reyndi að vera raunveruleg á meðan hún reyndi að vera með töff línur eins og they can call me the punisher sem komu bara hallærislega út.

John Travolta kom mjög flatur út í þessari mynd og virtist bara hafa engan persónuleika jafnvel Thomas Jane var betri.


Ég vona bara að Marvel vandi sig við Spiderman 2 betur.

Bjóst ekki við að sjá svona góða mynd. Myndinni gekk nokkuð illa fyrstu 20 mínúturnar og þá var ég fullviss um að myndin væri léleg. En, það breyttist allt. Myndin er auðvitað byggð á Punisher myndasögunum og gerir það sæmilega. Myndin er ekki rosa nákvæm en það var kannski nauðsynlegt að breyta sögunni aðeins. Persónur myndarinnar voru líka sæmilegar. Frank Castle eða The Punisher var langbestur. Ekki er verið að klippa ljót atriði út, myndin er grimm. Mjög grimm, Punisherinn fær alveg að refsa og hella blóði. Thomas Jane var mjög góður sem Punisher. John Travolta var svona miðjumoð sem óvinurinn en var mjög góður á pörtum. Í heild er ég afar sáttur við myndina, eini gallinn voru þessi hræðilegu fyrstu 20 mínútur.

Hef sjaldan séð jafn illa farið með góðan efnivið og þetta. Veit vart hvor myndin er verri, þessi eða sú sem Dolph Lundgren lék í. Leikur, myndataka og klipping er hörmuleg og ekki er hljóðið heldur neitt til að hrópa húrra fyrir. Mæli ekki með þessari fyrir neinn Marvel aðdáanda.

The Punisher er mjög góð mynd um FBI manninn Frank Castle sem verður vitni að því að öll fjölskylda hans er myrt og á kveður að refsa þeim sem eru ábyrgir fyrir morðunum. Myndin er að mínu mati flott og vel gerð og tölvubrellur eru í lágmarki.

Til að lyfta myndinni aðeins upp úr sorg og spennu eru líka þrír bráðsmellnir nágrannar og atriðið með Rússanum en líka ansi fyndið. Thomas Jane og John Travolta leika hlutverk sín af mikilli snilld. Jane er nánast gjörsneyddur öllum tilfinningum nema reiði og sorg eins og Refsarinn á að vera og Travolta er góður sem illmennið. Myndin er að mínu mati svakalega góð.

,,Frank Castle is dead, call me The Punisher.

Hér er á ferðinni ofurhetja sem er ekki með skikkju, er ekki í latexbúning og er jafn dauðleg og ég og þú, hér er á ferðinni venjulegur maður í hefndarhug sem á nóg af bissum er hrikalega reiður og gefur engan grið. Massa ræma á ferðinni þar sem ofurhetjan er bara venjulegur maður sem hefur misst fjölskildu í hrikalegu fjöldamorði. Honum tekst með naumindum að lifa af og er reiðurbúinn til þess að hefna, hvað sem það kostar. Það eru miklir snillingar sem koma að myndinni og má þar helst nefna snillinginn og diskókónginn John Travolta, það er þó ekkert diskólegt við hlutverkið sem hann fer með í þessari mynd þar sem hann leikur illmenni sem ekkert á að fá stöðvað. Thomas Jane er síðan sá sem fer með hlutverk reiða mannsins, Punisher, og verð ég að viðurkenna að hann leysir þá þraur með prýði og þó svo að hann sé líkur Christopher Lambert :) þá er hann mun betri leikari. Niðurstaða myndarinnar er flottur smellur sem gæti vel skellt unglingahetjunni Spiderman ef hún bara höfðaði til jafn margra. Mæli þó ekki með því að yngstu Spiderman áhorfendurnir sjá þessi því Punisher er ekki jafn mildur við sína óvini eins og one sice fits all klædda kóngulóin er við sína.