S.W.A.T. (2003)

Ja... sko... ég hef ekki mikið um þessa mynd að segja. En mér finnst þessi S.W.A.T. snilldar mynd. Ég gef henni 3 og hálfa stjörnu fyrir að vera:

A) spennandi

B) rosalega fyndinn

og C) vel leikinn.

Ég veit að ég er aðeins 12 ára en... ég hef samt mína reynslu af myndum... Ef ég væri ekki búin að sjá hana myndi ég gera það, því ég hef sjálfur séð hana þrisvar, og móðir mín tvisvar.

En... hálfa störnu vantar því að mér finnst... að...

það vanti betri leikara fyrir franska óvininn.

HSK - D

Miðað við einvala lið leikara er þetta afskaplega slök mynd. Hefði getað orðið mun betri, til dæmis ef þessi hrikalega B-mynda (eða ef til vill tölvuleikja) tónlist hefði verið látin víkja fyrir einhverri áhrifameiri og meira viðeigandi tónlist. Myndin hélt illa athygli minni og ég man voða lítið eftir henni. Þyrfti eflaust að sjá hana aftur en held ég nenni því ekki, svo góð eða áhugaverð var hún ekki. Eiginlega var skemmtilegra að horfa á gerð myndarinnar en hana sjálfa. En ég er kannski bara svona vonsvikin af því ég bjóst við svo miklu af henni, einhverra hluta vegna. S.W.A.T gefur samt sem áður nokkuð ásættanlega skemmtun og ættu flestir að geta horft á hana með sæmilegri athygli og verið sáttir við útkomuna. Söguþráðurinn er ekki mjög sterkur en það gefur náttúrulega plús að hafa toppleik og svo fær maður aldrei nóg af herra Farrell... Ætli ég hefði ekki skemmt mér mun betur ef ég hefði farið á hana í bíó, ég hugsa það, sumar myndir eru ekki spólumyndir á meðan aðrar eru það eingöngu. Ég mæli ekkert sérstaklega með S.W.A.T, en hún er án efa mun betri en margar myndir af þessum toga, þótt hún jafnist ekki á við toppmyndir eins og til dæmis The Recruit.

S.w.a.t.



Þegar ég sá s.w.a.t varð ég fyrir smá vonbrigðum. Fyrir hlé var myndin mjög góð en eftir hlé breitist myndin í hasar og spennu út í gegn. Myndin hélt manni spenntum í sætinu allan tíman.

En það vantar eikvað í myndina. Hún er mjög fyirsjáanleg og kemur manni lítið á óvart. En þetta er góð afþreing og ég væri ekkert á móti því að sjá hana aftur á video spólu.

Myndir eins og S.W.A.T. eru ekki gerðar fyrir hugsunar áhorfandann. Hún er ein af þessum braindead spennumyndum sem krefst einungis þess að áhorfandinn drepi á heilanum á meðan að lengdinni stendur og njóti afþreyingarinnar. Það þarf a.m.k. ekki neitt gáfnaljós til að átta sig á því. Ég neita því ekki að myndin hafi tekist ætlunarverk sitt, en einhverra hluta vegna átti ég von á meiru. Ég bjóst við skárri söguþræði, en myndin er nánast bara laus við slíkan. Það plott sem myndin byggir upp tekur heilann klukkutíma til að komast af stað, og svo loks þegar af stað er farið, þá er ekkert á seiði annað en endalaus eltingaleikur út alla restina. Hasarinn er einnig til staðar að sjálfsögðu, þó ekki eins mikið af honum og sýnishornin gáfu til kynna. En hann skilar þó sínu, þó svo að hann sé framfærður á eitthvað svo 'hefðbundinn' hátt. Leikstjórinn notar mikið af snöggum klippingum (hver rammi endist ekki í meira en örfáar sekúndur), háværri tónlist og ýktum effektum til að auka spennuna. En ástæðan fyrir að ég gef S.W.A.T þessa einkunn er ekki einungis útaf hasarnum, heldur vegna þéttri keyrslu í seinni hlutanum, og þar að auki tekst henni ágætlega að byggja upp spennu einstaka sinnum (sem er eitthvað sem Bad Boys II (önnur mynd af nákvæmlega sömu sort) tókst EKKI að gera...) ásamt traustu liði leikara. Colin Farrell (sem fær hér hið óborganlega nafn...Jim Street!) & Samuel Jackson hafa sjálfsagt báðir staðið sig mun betur áður og eiga ekkert sérlega krefjandi hlutverk hér, en skila þó sínu á ágætan hátt. LL Cool J er líka bara eins og hann er alltaf (töffarastælar og one-linerar) og sömuleiðis Michelle Rodriguez (hörkukvendi sem lætur ekkert undan). Í heildina séð má líta á S.W.A.T. sem þokkaleg leið til að eyða tveimur tímum, en ég tek það fram að hér er hvorki frumlegt né eftirminnilegt á ferð. Myndin hverfur fljótt úr minningunni, en á meðan henni stendur má svosem alveg telja hana prýðilega skemmtun.6/10

Frábær kvikmynd. Þegar unnið er með efni eins og sérsveitina í Bandaríkjunum verður að vanda til verks. Mér finnst framleiðendum hafa tekist einstaklega vel upp sem lýsir sér í hnyttinni, hraðri, spennandi og umfram allt skemmtilegri mynd frá upphafi til enda. Samuel L. Jackson bregst ekki frekar en fyrri daginn og hin ört vaxandi stjarna Colin Farrell sýnir enn og aftur að hann er ekki bara sætt andlit. Án efa ein betri mynd þessa árs og hvet ég alla til að fara á hana. Svo minni ég í leiðinni á Kill Bill og Matrix Revolutions sem verða sýndar á næstu vikum.

Þetta er mynd sem fer inn og út og er alveg gleymd þegar bíllinn er kominn útaf bílaplani bíósins. Myndir fær hálfa stjörnu fyrir það hve vel þeir trekktu byssurnar alltaf. Þetta er svona að mínu mati harðhausa, engin hugsun, slökkva á heilanum, gæti alveg eins verið í baði með asbest öndina mína mynd. Býður ekki uppá neitt nýtt. Hún er keyrð á gömlum frösum úr öðrum myndum sem sem flikkað hefur verið uppá. Það var ekkert verulega svalt í þessari. Engin gæsahúð. Ekkert.

Ég sá þessa mynd á óvissusýningu og ég verð að segja að þessi mynd að mínu mati er sú leiðinlegast mynd ever sem ég hef séð. Í fyrsta lagi þá er hún mjög fyrirsjáanleg og í öðru lagi þá eru leikararnir bara beinlínis lélegir í þessum hlutverkum sem þeir eru í og í þriðju lagi þá á LL Cool Jay lélegur leikari. Hún fær hálfa stjörnu út af því að það er smá hasar sem mér fannst ágæt. Ég vara fólk við því að fara á þessa mynd. Þið getið eydd peninginum í aðrar betri myndir en þetta rusl. Daddy daycare er örugglega betri en þessi mynd.

Þetta er snilld, hröð mynd í anda Speed 1 þó svo að hún sé ekki á nokkurn einasta hátt lík henni. Myndin segir af sérsveitarliði, eins og nafnið gefur til kynna, en það ssem er frábrugðið við þessa ssérsveit er það að það er verið að reyna að setja hana á laggirnar. Gamall hertrukkur er fenginn til þess að byggja upp sérsveit sem á að verða sú besta en hann hefur hinsvegar ekkert allt of langan tíma til þess. Myndin fjallar þó ekki um uppbyggingu sveitarinnar heldur fyrsta verkefni þeirra, þeim hefur nefnilega verið falið það verkefni að koma alþjóða glæpamanni í fangelsi, gallin er sá að honum hefur tekist að auglýsa það að hver sá sem hjálpi honum að losna úr greipum þeirra fái það vel launað. Auðvita lenda þeir í meiriháttar hremmingum og fá versta mótherja sem völ var á, nefnilega einn harðann fyrrverandi sérsveitamann sem er mikið á móti kerfinu.

Þið þekki ð þessa sögu svosem, hún er ekkert ný en samt sem áður þá er þetta formúla sem virkar.

Þetta er mynd fyrir bíósalinn og ekkert annað, því skallt þú ekki missa af henni.