Phone Booth (2002)

Ég bara skil ekki hvað er svona gott við þessa mynd. Er virkilega spennandi að myndin gerist í símaklefa?! Colin Farrel leikur auðjöfur sem fer í einn sérstakan símaklefa til að tala við konu og halda fram hjá konunni sinni. Þá er Kiefer Sutherland leiniskytta sem heldur honum í símaklefanum. En skyttan drepur rappara sem hann er búinn að gera samning við (rapparinn átti örugglega að vera Eminem í útfærslu lélegs leikara) og þá halda allir að Farrel drap hann og bla bla bla. Ég mæli ekki með þessari spennumynd eða réttara sagt drömu.

Mjög léleg spennumynd og örugglega lélegasta mynd sem Forest Whitaker hefur leikið í. Colin Farell leikurríkan og sjálfselskan gaur sem heldur framhjá kærustu sinni með því að fara í einn sérstakan símaklefa á hverjum degi og hringja í hana og tala við hana og eitthvað svoleiðis illa skrifað. En einn dag fer hann í símaklefan og lendir í leyniskyttu og skaut einhvern gaur sem hannn gerði samning við og þá halda allir að hann skaut hann sjálfur. En leyniskyttan heldur þessu áfram þangað hann játar að hann heldur framhjá kærustu sinni. Illa leikin og mjög væmin mynd sem ég hélt að væri mjög góð en hún reyndist vera mjög léleg.

Hörku spennumynd sem heldur spennu allan tíman. Schumacher fellur ekki í þá grifju að hafa myndina of langa. Frásögnin er hnitmiðuð og þétt og leiðist áhorfandanum aldrei. Colin Farell stendur sig vel í aðalhlutverkinu. Aðrir leikarar standa sig einnig vel.

Afskaplega góð mynd, frumleg og snúin. Joel Schumacher með annan smell. Colin Farrell leikur frábærlega ásamt Forest Whitaker og Kiefer Sutherland er snillingur sem hringjarinn. Handritið er einum of vel gert miðað við aðstæður. Myndin er kannski mjög stutt en hún sannar bara að góðar myndir þurfa ekki að vera langar. Þessi mynd á þétt pott skilið að fá þrjár og hálfa stjörnu. Bara synd ég sá hana ekki í bíói.

Hræðilega góð spennumynd með toppleik. Colin Farrell er alltaf að vaxa í áliti hjá mér, hann sýnir algjöran stórleik í þessari athyglisverðu og um leið skelfilegu háspennumynd. Fáir hefðu svo getað staðið sig betur sem hringjandinn en sjálfur Kiefer Sutherland. Aðrir leikarar voru flestir að sýna góða frammistöðu, nema ef til vill Katie Holmes sem er alltaf mjög svipuð en hún kemst samt sæmilega frá sinni rullu. Samtölin -eða samtalið er frábærlega vel skipulagt og leikstjórn og handritsgerð í góðum höndum. Grimmdarlegasta sálfræðimeðferð sem hugsast getur... heldur manni í heljargreipum. Það helsta sem ég set út á myndina er endirinn -en misjafn er smekkurinn. Tónlistin mjög góð -og ég endurtek -Colin Farrell var frábær. Ég hef ekki fleira að segja um þessa mynd. -Sjáið hana.

Skemmtileg og velheppnuð mynd sem hittir beint í mark. Hér segir frá sjálfselskum og allt að því sjálfumglöðum manni að nafni Stu Shepard (Colin Farrell), sem er kynningarfulltrúi á Broadway. Hann lendir í þeirri einkar óskemmtilegu lífsreynslu að vera haldið í gíslingu í símaklefa af óþekktri leyniskyttu. Hann verður að gera hreint fyrir sínum dyrum ef ekki á illa að fara og hann drepinn af leyniskyttunni sem er með hann í sigtinu. Honum er bannað að segja frá leyniskyttunni, þannig að þegar hann drepur melludólg sem áður angraði Stu er hann undir grun. En hvernig fer hann að því að láta lögregluna vita um hið sanna án þess að byssumaðurinn komist að því og hvernig fer hann að því að höndla ástandið þegar eiginkonan (Radha Mitchell) og hjákona hans (Katie Holmes) mæta báðar á svæðið. Spurningarnar eru tvær, hvað gerir Stu til að þóknast leyniskyttunni og á hann sér einhverja undankomu auðið með góðum hætti. Mögnuð spenna - klukkan tifar. Colin Farrell er að mínu mati sífellt að vaxa sem leikari og á framtíðina fyrir sér eftir margar góðar leikframmistöður á seinustu árum. Þessi mynd er ein af hans bestu, hann og hans karakter eru burðarásar myndarinnar. Það er reyndar líka leyniskyttan dularfulla sem aldrei sést, er huldumaður hinn mesti. Ekki ósvipað vörubílstjóranum í Duel, mynd Spielbergs sem aldrei sást í myndinni. Semsagt; Phone Booth er mögnuð kvikmynd og reyndar einhver mest spennandi mynd sem ég hef lengi séð. Kostur við hana er líka að hún er ekki of löng og heldur manni í spennu allan tímann. Ekta afþreying fyrir spennufíkla. Í sannleika sagt er Phone Booth er spennandi og vel leikin kvikmynd sem ég mæli hiklaust með.

Myndinn er mjög góð hugmynd af mynd. Það hlýtur að vera erfitt að gera mynd sem raun og veru gerist á einum stað og það í gegnum síma. Myndinn fjallar um framleiðenda sem hugsar ekkert um nema rassinn á sjálfum sér.Hann heldur framhjá konunni sinn með Pam sem er ung söngkona. Hann er vanur að hringja í hana úr símaklefa svo kona hann sjái ekki að hann var að hringja í Pam. Áður en hann hringjir í hana tekur hann gitfingarhringinn af sér. Síðan hringir síminn í símaklefanum og hann svarar þá breytist líf hans..........

Mér finnst Phone Booth mjög góð mynd sem enginn ætti að láta framhjá sér fara.


Þess vegna gef ég Phone Booth þrjár og hálfa stjörnu

Phone Booth er afar einföld að ytri gerð en innviðirnir þeim mun flóknari. Samband kynningarfulltrúans í símaklefanum við leyniskyttuna, lögregluna og sína nánustu þeim mun flóknari.



Gott handrit, fín myndataka og síðast en ekki síst frábær leikur gera Phone Booth að sérlega athyglisverðri mynd.

Phone Booth er mjög fersk mynd að miklu leytu þó að við höfum séð svipaðann söguþráð áður. Myndin fjalllar um mann (Stu) sem leikinn er af Colin Farrell, Stu er sjálfumglaður, hégómafullur og montinn með sig. En þegar hann lendir í slíkum aðstæðum sem ég get aðeins ímyndað mér í mínum verstu martröðum breytist hann flótt. Söguþráðurinn er mjög góður og handritið með einsdæmum vel skrifað og ekki er leikurinn að verri endanum þar sem Collin Farrell fer fyrir hópi af fríðum leikurum. Það eina sem mér fannst hefði mátt sleppa í þessari mynd var hléið í bíóinu, en það er ekkert sem þeir sem gerðu myndina geta gert af. Þannig að það sem uppi stendur með þessa mynd er góður leikur, vel skrifað handrit og mikil spenna.

Myndin fjallar um umboðsmann sem kemur fólki á framfæri. Hann heldur framhjá konunni sinni og til að hún komist ekki að því hvert hann er að hringja, þá fer hann alltaf í sama símaklefann í New York. Hann veit ekki af því að maður hefur verið að hlera símtölin. Einn daginn er hann í símaklefanum kemur pítsusendill með pítsu til hans, hann afþakkar hana og rekur hann í burtu. En þetta var bara undirbúningur fyrir langa gíslatöku. Svo þegar hann er farinn út úr klefanum hringir síminn. Hann svarar og maður segir í símann: Ef þú skellir á, þá drep ég þig. Þá sér hann leisermiðið á bringunni á sér. Svo eru hórur að reyna að komast inn í klefann til að hringja. Þær segja yfirmanni sínum frá því. Hann kemur með beisbolkylfu og brýtur klefann og ætlar að lemja gaurinn, en þá skítur leyniskyttann manninn með kylfuna. Hórurnar segja að hann hafi gert það og brjálast. Nú safnast fólk í kring og löggan kemur. Þá byrja miklar tiltölur sem ég ætla ekki að segja frá sem innihalda bæði húmor og alvöru. Svo endar myndin þannig að...

Ég ætla ekki að vera að skemma meira fyrir þér.

En allavegana. Þetta er snilldarmynd. Einn flóknasti eða einfaldasti söguþráður sem hefur komið frá Hollywood. Það er bara persónulegt álit hvers og eins. Þessi mynd er gríðarlega spennandi frá upphafi til enda og hin besta skemmtun um leið.

Ég mæi því eindreigið með henni.

Hugmyndin er vissulega góð. Sjálfumglöðum og sjálfselskum manni er haldið í gíslingu í símaklefa af óþekktri leyniskyttu og verður að gera hreint fyrir sínum dyrum gagnvart ástvinum sínum ef hann vill ekki verða skotinn. Úrvinnslan er kannski eitthvað sem maður hefur svo sem séð áður í öðruvísi formi en engu að síður er Phone Booth vel gerð og oft hörkuspennandi mynd og blessunarlega ekki of löng.

Colin Farrell leikur hér Stu Shepard, kynningarfulltrúa á Broadway sem lendir í þessari óþægilegu aðstöðu. Leyniskyttan er búin að banna honum að segja einhverjum frá því að honum sé haldið í gíslingu svo að löggan heldur að sjálfsögðu að Stu sé byssumaðurinn eftir að leyniskyttan drepur melludólg sem var að angra Stu. Stu verður einhvern veginn að segja lögregluforingjanum (Forest Whitaker) að hann sé ekki morðinginn og einnig þarf hann að vernda eiginkonu sína (Radha Mitchell) og viðhaldið (Katie Holmes) sem báðar eru mættar á svæðið.

Myndin stendur og fellur mikið með tveimur hlutum. Annar þeirra er trúverðugleiki Colin Farrell í þessari stöðu. Skemmst er frá því að segja að hann stendur sig með stakri prýði og nær vel að túlka þá örvæntingu sem Stu gengur í gegnum í þessari klípu. Hinn hluturinn er að rödd byssumannsins sem aldrei sést (nánast) verður að vera nógu ógnandi. Skemmst er einnig frá því að segja að það er hún. Menn völdu svo sannarlega réttan mann til þess að vera byssumanninn. Ef þið hlustið vel þá getið þið örugglega fattað það en ég ætla ekki að upplýsa um það.

Joel Schumacher hefur að mínu mati alltaf verið mjög mistækur leikstjóri og sjaldan risið upp úr meðalmennskunni. Hann á að baki ágætis myndir eins og Falling Down en einnig hreint afleitar ofurbombur eins og Batman & Robin. Phone Booth er ein af hans betri myndum. Hún er oft hörkuspennandi, heldur manni vel við efnið, mjög fókúseruð (heldur sig við þetta viðfangsefni en fer ekki út í aðra sálma) og vel leikin. Handrit Larry Cohen hefur þar örugglega mikið að segja enda myndin mjög vel upp byggð og skrifuð. Schumacher hefði hugsanlega getað útfært sumt af efninu betur en það kemur svo sem ekki að mikilli sök. En það sem ég er einna hrifnastur af er að myndin er ekki nema 81 mínúta og er því laus við þessa bólgnun á myndum sem mér finnst vera orðin svo algeng í afurðum frá ,,draumaverksmiðjunni.

Phone Booth er spennandi og vel leikin mynd sem mér finnst óhætt að mæla með.

Finnst ykkur Colin Farrell ekki vera líkur Baltasar Kormák? Hmmmm....já en jæja, hvað sem því líður þá var undirritaður bara nokkuð sáttur við Phone booth, hún er vönduð og spennandi og minnir örlítið á Changing lanes(einhvern veginn). Myndatakan er fagmannlega unnin og tónlistin er svona þokkaleg. Það er eiginlega voða fátt sem hægt er að setja út á þessa mynd, þetta er bara góð mynd sem fólk ætti ekki að láta framhjá sér fara.