The Transporter (2002)

Myndir eins og Transporter fá oftast ekki mörgum orðum lýst, enda er bara spurning um skemmtanagildi þegar svona tilfelli er að ræða. Það skilar sér sjálfsagt hér, sem er að vísu eina ástæðan fyrir að myndin fái þessa ágætu einkunn, og já, plús Jason Statham. Statham minnir ótal mikið á Vin Diesel, helst á þeim grunni að þeir eru báðir fæddir töffarar, þótt hvorugur þeirra geti leikið fyrir fimmaur. Statham gerir sig líka örlítið frábrugðnari frá hefðbundnum hasarhetjum; Hann reynir sem minnst að ''leika'' og passar bara upp á það að vera töff og alvarlegur allan tímann, og ég tel það vera augljóst að hann hafi náð því takmarki. Söguþráðurinn er í raun bara bull og vitleysa (hvað annað?...), handritið er pappírsþunnt (með fullri virðingu fyrir Luc Besson, þótt mér finnist kallinn mætti vel snúa sér aftur að leikstjórn í stað handritaskrif) og samtölin eru meðal þeirra allra fáránlegustu sem uppi hafa verið í kvikmynd. Svo tala ég nú ekki um leikinn, enda ættu þessir ofannefndu gallar alveg að útskýra allt um gæði hans. En ég ætti nú svosem ekkert að vera að minnast á svona galla, því satt að segja, þá eru myndir af svona gerð lítið gefnar fyrir að fókusa á annað en sprengjur, hasar og læti, og myndina skortir það svosem ekkert. Hasarinn er þó verulega góður (fíla sérstaklega slagsmálin þar sem menn leika sér að olíu), atburðarásin er líka þétt, hröð og flæðir prýðilega í gegn. Ég býst nú við því að flestir fari á Transporter til að sjá góðan hasar, netta hetju og heilmikla töffarastæla; og ég get lofað því að þeir sem búast við slíku verða varla svekktir. Myndin fær þó feitan mínus fyrir asnalegan bláendi. Úrlausn svokölluðu sögunnar var bara glötuð og algerlega úr takt við afganginn á myndinni.6/10

Mögnuð mynd í anda Leon sem vekur upp gamlar minningar. Luc Besson kann að gera góðar spennumyndir með flottum upptökum. Þeir mega eiga það að mörg atriðin voru frumleg og sviðsetningin hrein snilld.

Jújú, Transporter er algjör þvæla. Hún er engu að síður frekar skemmtileg þvæla, sem er að sumu leyti betri en hún ætti að vera vegna þess hve skemmtilegur leikari Statham er. Hann er í fyrsta lagi afar trúverðugur sem hasarhetja, í hörkuformi og greinilega búinn að læra eitthvað kung-fu, en meira en það þá hefur hann óneitanlega mikla nærveru á skjánum. Það er einhvernveginn skemmtilegt að fylgjast með honum, og hann heldur myndinni eins mikið á jörðinni og hægt er með sinni bresku jarðtengingu. Fyrir utan hann þá er nánast ekkert að gerast í myndinni, fyrir utan háværar sprengingar, óendanlega lélega tónlist og söguþráð sem er bæði heimskulegur og einfaldur. Þetta er ekta svona heimskulegt 3 bíó, sem maður annað hvort tekur á þeim forsendum, skilur heilann eftir heima og reynir að skemmta sér eins og hægt er, eða þá maður gengur út með vonda tilfinningu í maganum. Ég tók fyrri kostinn, og þannig fékk ég ágætis skemmtun út úr myndinni. Þeir sem eru að leita að einhverju meira, er ráðlagt að halda sig fjarri.

Stutt lýsing á The Transporter er þessi: Þetta er slöpp mynd en með nokkrum flottum atriðum.

Jason Statham,sem margir kannsast við sem Turkish úr hinni stórgóðu Snatch, er eini ljósi punkturinn í þessari mynd, og stendur hann upp úr af annars afspyrnu slöppum leikarahóp. Hann er asni svalur og furðulega lunkinn að sparka í menn og málleysingja, og það kæmi mér ekki á óvart að við mundum sjá meira af honum í svona hlutverkum á næstu árum.

Handritið var ábyggilega skrifað á leiðinni í fyrsta tökudaginn, en það er s.s. ekkert óvanalegt með svona hasarmynd.

Það besta við þessa mynd fyrir utan Jason Statham, er að hún er ekkert að taka sig allt of alvarlega. Ég held að allir sem voru að vinna að þessari mynd hafi gert sér fulla grein fyrir að þetta væri algjört bull og hafa því ekki lennt í þeirri gryfju að reyna að gera eitthvert metnaðarfullt verk. Þegar þú hefur svona handrit og svona leikarahóp, þá eru hendurnar á þér nokkurveginn bundnar fastar saman, svo afhverju ekki að reyna að skemmta sér bara við gerð myndarinnar.

Niðurstaðan: Ef þú vilt sjá heilalausa hasarmynd með nóg af spörkum og höggum þá er þessi mynd fín til að slappa af yfir. En ef þú ert að leita af mynd sem lætur þig hugsa, haltu þá áfram að leita.

Myndin byrjar vel með klassískum hasarmyndabyrjun en fer svo út í vitleysu. Jason Statham leikur mann sem er ráðinn að flytja burt pakka 200 kílómetra. Á leiðinni heyrir hann bank úr skottinu og sér að þetta er ekki bara venjulegur pakki heldur þetta er lifandi manneskja. Síðan fer söguþráðurinn beint út til tunglsins og fer út í algjört kjaftæði og endalaus slagsmála atriði sem ganga allt út á það að Jason er ber að ofan og hann hittir allt og alla en enginn hittir hann.

Myndin byrjar vel og gefur fyrirheit um góða hasarmynd, hraði og húmor einkenna upphafið (það er eitthvað sérstakt við Besson-húmor). Eftir hlé, hinsvegar, tapar Besson sér gjörsamlega og söguþráðurinn verður ansi þunnur þrettándi. Allt of mikið af lausum endum út um allt. Einnig verður Besson á nokkuð mörg klassísk mistök eins og til dæmis að Statham kemur rennandiblautur uppá bryggju en sekundubroti síðar er hann orðin þurr og annað...hvernig getur maður brotið rúðu áður en maður kemur við hana (í einu bílaatriðinu)??

Annars kemur Statham sínu bara ágætlega til skila og er glæsilegur í bardagatriðunum ansi flottir Lee/Chan-taktar ef þið skiljið hvað ég er að fara. Atriðið á verkstæðinu var flott (ég má ekkert segja um það því þá er ég búin að skemma það). Löggan, sem ég man ekki nafnið á í augnablikinu, var nokkuð góður í sínu. Aðrir karakterar eru frekar litlausir og það á við um kvenhetjuna líka.

En Besson tekst vel með myndatökuna enda snillingur mikill og bílaatriðin eru líka flott, enda ætti hann að kunna til verka eftir Taxi myndirnar. Húmorinn er klassiskur Besson húmor, alveg frábær. Ég gef þrjár stjörnur en ekki meira þó.

Þessi mynd er snilld, Luc Besson er að gera sína bestu hluti með þessari mynd sem er stútfull af flottum bíla og slagsmálaatriðum.

Toppmaðurinn Jason Statham(Snatch) leikur fyrrverandi hermanninn Frank sem er flóttabílstjóri glæpamanna, hann setur sér reglur sem hann fer alltaf eftir eins og nr.2 engin nöfn og svo framvegis.

Nágranni Franks sem er lögreglumaður grunar hann um græsku en Frank hilur slóð sína svo vel að ekkert getur sannast. Síðan er Frank beðinn um að flytja pakka sem mun valda honum vandræðum það sem eftir er myndarinnar og er gaman að fylgjast með því...

Mér fannst þetta vera Þrusugóð mynd með flottum og frumlegum bardagaatriðum og eins og segir hér fyrir ofan er þetta eftir LUC BESSON sem er einn besti leikstjóri hasarmynda leikstjora sem sogur fara af nú á dögum. myndin inniheldur þrusugóðan söguþráð sem grípur mann heljartökum frá uphafi til enda. Jason sratham er er bara einn mesti töffari dagsins í dag enda er Vinnie Jones og Bruce Willis ekki búnir að leika nein sniðug hlutverk upp á síðkastið enn ekki er eg að draga úr Jason hann er mjög góður leikari eins og sést í þessari mynd og nokkrum öðrum td:Snatch hann var roslaegur þar, síðan sást hann síðast í Mean Machine.ég veit ekki mikið um hina leikarana í myndinni enn þó þeir séu meira en minna fremur óþekktir þá er þetta eingu að síður toppmynd og ég hvet alla til að fara með 800 kall út í bíó og skella sér á þessa mynd.

Er kominn hvítur Jet Lee?

Dæmi nú hver fyrir sig. Myndin er svakalega Cool og skemtilega útfærð, enda Leikstjórinn Luc Besson búinn að festa sinn sess sem mjög góður leikstjóri sem kann að útfæra myndir sínar mjög skemmtilega eins og bersýnilega kemur fram í Taxi myndunum og Yamakasi og fl.

Einnig er leikarinn Jason Statham réttur maður í hlutverkið, vel cool og yfirvegaður náungi semer meira en hann sýnist.

Þetta er mynd sem enginn ætti að láta fram hjá sér fara.

Hörkugóð mynd, er með fín spennuatriði og slagsmál. En þrátt fyrir að söguþráðurinn var fremur skrítinn angraði það mig ekkert því ég var heltekinn af spennu sem fylgdi með. Slagsmálaatriðin eru algjör snilld og bílaeltingaleikirnir eru einnig mjög góðir svo ég gef myndinni 3 stjörnur. Ef myndin hefði borið með sér aðeins meiri hugsun á bak við sig (verið raunverulegri) hefði hún fengið mun betri einkunn. Samt sem áður inniheldur hún engin sjáanleg tölvugerð atriði (ég tók nú ekki eftir neinu) og er hún því enn betri að mínu mati. Hún hefur svona Hollywood stíl yfir sér. Fín mynd, góð afþreying.