Enigma (2001)

Mjög athyglisverð mynd, vel yfir meðallagi í leik og efnistökum. Kate Winslet eykst alltaf í áliti hjá mér, enda velur hún sér fjölbreytt hlutverk og kemst vel frá þeim. Dougray Scott þekki ég lítið en hér er hann bara hörkugóður í hlutverki hins týnda ofurgáfaða manns sem leitar að horfinni ástkonu sinni (Saffron Burrows)... Systir hennar (Kate Winslet) hjálpar honum og saman komast þau að ótrúlegum sannleika ráðgátunnar á bak við dulmálskóðun hersins og hvernig stúlkan hafði flækst í allt saman... Skemmtileg spennumynd fyrir hugsuði jafnt og aðra.

Þessi mynd fjallar um dulmálslesara sem að er að reyna að ráða dulkóða Þjóðverja. Myndin er mjög flókin og ekkert búið að gerast fyrir hlé. En þrátt fyrir það er hún sæmileg eftir hlé en dettur svo aftur niður. Allan hasar vantar í myndina og það koma sprengjur að meðaltali svona 3 min. af myndinni ef ekki minna. Hún höfðar frekar til fullorðna sem að vilja sjá flóknar myndir, dulspekismyndir sem að eru spennandi en samt engin hasar eða eltingaleikir og sprengjur. Unglingar sem vilja sjá myndina: ég mæli ekki með henni. Strax og maður byrjar að skilja hana fer hún að verða flóknari og lýkur með algjöru kjaftæði í endann.

Enigma er njósnadrama sem kostaði ekki mikið í framleiðslu, en hún segir frá stærðfræðingi nokkrum (Dougray Scott; betur þekktur sem illmennið í M:I-2) sem hefur verið beðinn af Bresku leyniþjónustunni, um að leysa dulkóða Þjóðverja en hefur takmarkaðan tíma til þess, og um leið rannsakar hann hvarf fyrrum kærustu sinnar (Saffron Burrows; hún fór mikið í taugarnar á mér í Deep Blue Sea, og heldur því áfram hér) og gerir þetta allt með hjálp vinkonu hennar (Kate Winslet). Svo fer þetta allt út í sömu gömlu klisjuna, og það er ástarsamband á milli aðalleikarana (Winslet & Scott), en í þetta sinn gengur það alls ekki upp. Hann Scott reynir sitt besta og tekst að skila ágætri frammistöðu, og Winslet er hvorki betri né verri, hún hefur samt staðið sig mun betur í fortíðinni (Heavenly Creatures var eina óaðfinnanlega hlutverk hennar, enda var það yndisleg mynd). Eftir hlutverk hennar í Titanic hefur hún bara yfirleitt leikið í ódýrum myndum (Hideous Kinky og Holy Smoke svo einhverjar séu nefndar) sem fljótlega gleymast, og er Enigma slík mynd. Burrows reynir líka að vera emotional en hjá henni gengur það bara ekki, því ekki get ég sagt að hún hafi mikla leikhæfileika. Helsta vandamál myndarinnar liggur í hvernig unnið er úr söguþræðinum. Hún er voðalega þreytandi fyrir hlé, og allar þær senur þar sem söguhetjan hugsar um minningarnar með kærustu sinni eru bara too-much. En eftirá fer hún aðeins að hífa sig upp í atburðarásinni. Samt nær myndin aldrei að byggja upp neina spennu, og lengd hennar var þess vegna alveg að fara með mig. Enigma er samt ekki misheppnuð mynd, þó að hún hefði komið betur út sem sjónvarpsmynd.