The Quiet American (2002)

Sá sem skrifaði á undan mér lýsti myndinni alveg nógu vel svo ég ætla ekki að endurtaka, en þessi mynd er mjög góð á köflum en mér finnst Brendan Fraiser ekki vera rétti maðurinn í þetta hlutverk, persónan er þannig gerð að óþekktur leikari hefði gert þetta betur, vegna þess að allir hafa skoðun á Brendan og á þetta hlutverk ekkert við neinn karakter sem hann hefur sýnt í gegnum árin. Brendan nær sér ekki á strik hér en Caine fer samt með sitt hlutverk af nærgætni og stendur sig alltaf vel enda reynslubolti í bransanum. Góð mynd þótt hún geti dregist soldið á köflum þá mæli ég með henni, en ekki gera þér neinar vonir því þá verða myndirnar alltaf betri fyrir vikið.

The quiet American gerist í Saigon í Víenam í miðju stríði á milli Frakka og kómmúnista árið 1952. Myndin fjallar um blaðamanninn Robert Fowler (sem er snilldarlega leikinn af Michael Caine). Hann vinnur fyrir London Times og flytur fréttir af stríðinu. Í Saigon á hann sér ástkonu sem hann er ástfanginn af. Ungur Bandaríkjamaður (leikinn af Brendan Fraiser) stingur upp kollinum og virðist vera þessi hægláti maður. Hann verður ástfanginn af ástkonu Fowlers og úr verður einn sérstæðasti ástarþríhyrningur sem sést hefur í kvikmynd.En þessi hægláti Bandaríkjamaður er ekki allur þar sem hann er séður. The quiet American er gæðakvikmynd og ein besta mynd sem ég hef séð lengi. Handritið er í einu orði sagt frábært og kvikmyndatakan er frábært. Ég hvet alla kvikmyndaunnendur að sjá þessa mynd (það voru allt of fáir á frumsýningunni). Mynd fyrir vandláta.