As Good as it Gets leikarinn Greg Kinnear og Zero Dark Thirty leikkonan Jennifer Ehle munu leika aðalhlutverkið í nýjustu mynd Love Is Strange leikstjórans Ira Sachs, en tökur myndarinnar hófust í gær, 25. júlí. The Wrap greinir frá þessu.
Upphaflega átti myndin að heita The Silent Treatment, en sem stendur hefur myndin ekkert heiti.
Kinnear og Ehle munu leika hjón sem erfa hús í Brooklyn í New York, en Paulina Garcia leikur einstæða móður sem rekur fataverslun á neðri hæðinni.
Hinir ungu Theo Taplitz og Michael Barbieri leika vini, en það reynir á vináttu þeirra vegna átaka foreldra þeirra um verslunina.
Þegar þeir verða peð í þeirri baráttu, þá heita þeir því að hætta að tala við fullorðið fólk í mótmælaskyni.
Alfred Molina, David Krumholtz, Yolonda Ross, Andy Karl, Stella Schnabel og Talia Balsam leika einnig í myndinni.