Vinsælast á leigunni - 29. til 31. maí 2017

1. sæti - Aftur á lista
GamanmyndDramaFjölskyldumyndTónlistarmyndTeiknimynd
Leikstjórn Garth Jennings
Söguþráður Kóalabjörninn Buster hefur verið að spreyta sig í skemmtanageiranum, án þess að njóta mikillar velgengni. Dag einn ákveður hann ásamt félaga sínum, sauðkindinni Eddie, að taka við rekstri á eldgömlu leikhúsi. Til að draga að áhorfendur efnir hann til söngvakeppni.
2. sæti - Aftur á lista
RómantískDramaVísindaskáldskapurÆvintýramynd
Leikstjórn Morten Tyldum
Söguþráður Risageimferja er að flytja þúsundir manna til plánetu í fjarlægu sólkerfi þegar bilun í svefnbúnaði veldur því að tveir af farþegunum, þau James Preston og Aurora Lane, vakna af dásvefninum sem þau áttu að vera í, níutíu árum á undan áætlun. Eftir að þau James og Aurora vakna og átta sig á því að þeim mun ekki takast að falla í dásvefn á ný blasir við að þau þurfi að eyða því sem eftir er ævinnar í félagsskap hvors annars um borð
3. sæti - Aftur á lista
GamanmyndÆvintýramyndFjölskyldumyndSöngleikurTeiknimynd
Söguþráður Við fáum að kynnast drottningu lukkutröllanna, Poppí, sem mætir öllu með bjartsýni og söng. Hún þarf að taka höndum saman með hinum fúllynda Brans, sem býst ávallt við hinu versta. Við fáum einnig að sjá hina grátbroslegu, svartsýnu og ógurlegu bögga sem geta aðeins orðið ánægðir ef þeir fá tröll í matinn.
4. sæti - Aftur á lista
ÆvintýramyndFjölskyldumyndTeiknimynd
Leikstjórn Deane Taylor
Söguþráður Kóalabjarnarstrákurinn Billi Blikk heldur í sannkallaða hættuför inn í auðnir Ástralíu í leit að föður sínum sem hvarf sporlaust í könnunarleiðangri og allir nema Billi telja að sé dáinn.
5. sæti - Aftur á lista
Drama
Leikstjórn David Frankel
Söguþráður Howard Inlet er mikilsvirtur fyrirtækjaeigandi í New York sem segja má að missi trúna á lífið þegar ung dóttir hans deyr. Í framhaldinu dregur hann sig inn í skel sína en byrjar um leið að skrifa ástinni, tímanum og dauðanum bréf með áleitnum spurningum og póstleggur þau. Hvernig gat hann mögulega vitað að þau myndu öll svara honum í eigin persónu?
6. sæti - Aftur á lista
SpennumyndGamanmyndVísindaskáldskapurÆvintýramyndFjölskyldumynd
Leikstjórn Chris Wedge
Söguþráður Tripp er ungur bílaáhugamaður sem um nokkurt skeið hefur látið sig dreyma um að komast frá smábænum sem hann ólst upp í og út í heim að freista gæfunnar. Til að gera drauminn að veruleika þarf hann á keppnisbíl að halda en þar sem peningarnir eru af skornum skammti leggur hann út í að smíða bílinn sjálfur. Þegar slys verður í olíuborholu í grennd við bæinn leiðir það til þess að einhverju ókennilegu dýri úr iðrum jarðar skýtur upp á yfirborðið. Áður en hægt er að handsama það leggur það á flótta og felur sig síðan beint fyrir utan þar sem Tripp er að smíða bílinn. Þannig vill það til að Tripp og skrímslið, sem heitir reyndar Creech, hittast í fyrsta sinn og þegar í ljós kemur að Creech er áhugadýr um kraftmikla bíla tekur atburðarásin enn skemmtilegri stefnu ..
7. sæti - Aftur á lista
SpennumyndGamanmyndRómantísk
Leikstjórn Paco Cabezas
Söguþráður Eftir að hafa gengið í gegnum sáran skilnað, þá hittir Martha mann sem virðist vera sá eini rétti. En eftir því sem sambandið þróast, þá kemst hún smám saman að því að draumaprinsinn er fyrrum leigumorðingi. Það reynir á sambandið þegar þau reyna að bjarga hvoru öðru eftir að fortíð hans fer að valda miklum vandræðum, og gamlir óvinir enda með að ræna Martha.
8. sæti - Aftur á lista
SpennumyndSpennutryllirÆvintýramyndRáðgátaSöguleg
Leikstjórn Yimou Zhang
Söguþráður Söguleg, rómantísk vísindaskáldsaga og skrímslamynd um eina merkilegustu og stærstu byggingu veraldar, Kínamúrinn.
9. sæti - Aftur á lista
SpennumyndVísindaskáldskapurÆvintýramynd
Leikstjórn Scott Derrickson
Söguþráður Saga Dr. Stephen Vincent Strange er rakin frá upphafi, eða allt frá því að hann slasast svo illa á höndum í bílslysi að hann verður ófær um framkvæmd hinna nákvæmu skurðaðgerða sinna. Til að leita sér lækninga heldur hann út í heim og hittir að lokum "hinn forna" (The Ancient One) sem kennir honum að nota hendurnar og hæfileika sína á alveg nýjan hátt svo úr verður hinn rammgöldrótti og svo gott sem ofurmannlegi Doctor Strange sem verndar upp frá því Jörðina fyrir svartagöldrum illra afla.
10. sæti - Aftur á lista
DramaSpennutryllir
Leikstjórn Andy Goddard
Söguþráður Walter Stackhouse er vinsæll arkitekt í New York á sjöunda áratug síðustu aldar. Hann er kvæntur hinni fögru Clara, og lífið gæti ekki verið betra. En áhugi hans á óupplýstu morðmáli, leiðir hann inn í hringiðu óreiðu, og hann neyðist til að spila leik kattarins og músarinnar, við snjallan morðingja, og metnaðarfullan rannsóknarlögreglumann. Á sama tíma girnist hann aðra konu.
11. sæti - Aftur á lista
Ævintýramynd
Leikstjórn Tim Burton
Söguþráður Þegar Jakob var lítill drengur hafði afi hans sagt honum sögur af barnaheimili þar sem munaðarlaus börn voru ekki bara undarleg og öðruvísi heldur bjuggu einnig yfir óvenjulegum hæfileikum. Nú þegar Jakob er orðinn sextán ára ákveður hann að athuga hvort eitthvað hafi verið til í þessum sögum. Það sem hann uppgötvar á eftir að flækja hans eigið líf verulega.
12. sæti - Aftur á lista
SpennumyndRómantískDramaSpennutryllirStríðsmynd
Leikstjórn Robert Zemeckis
Söguþráður Breskur leyniþjónustumaður, Max Vatan, heldur til Marokkó til að taka hættulegan nasistaforingja af lífi og fær sér til aðstoðar frönsku andspyrnukonuna Marianne Beauséjour. Verkefnið heppnast eins og best verður á kosið og í framhaldinu verða þau Max og Marianne ástfangin, giftast og eignast barn. En þá gerist nokkuð sem umturnar lífi þeirra.
13. sæti - Aftur á lista
Gamanmynd
Leikstjórn John Hamburg
Söguþráður Ned er ástríkur faðir en ofverndar dóttur sína og fjölskyldu. Þau fara í heimsókn til dóttur sinnar í Stanford yfir jólin, og þar hittir hann fyrir sína mestu martröð: hinn viðkunnalega en félagslega klaufalega Silicon Valley milljarðamæring og kærasta dóttur sinnar, Laird. Hinn stífi Ned telur að Laird, sem er mjög blátt áfram og opinn, sé algjörlega kolrangur maður fyrir dóttur sína. Átökin á milli þeirra stigmagnast þar til að pabbinn kemst að því að Laird er um það bil að fara að biðja um hönd dóttur hans.
14. sæti - Aftur á lista
GamanmyndFjölskyldumyndTeiknimynd
Leikstjórn Pete Docter
Söguþráður Inside Out segir frá ungri stúlku, foreldrum hennar og tilfinningunum sem bærast innra með þeim og stjórna daglegri líðan þeirra og skapsveiflum. Inside Out segir frá ungri stúlku, Dagnýju, sem er nýflutt ásamt foreldrum sínum á nýjan stað þar sem hún er byrjuð í nýjum skóla, en saknar auðvitað gömlu heimaslóðanna og vinanna. Um leið og við kynnumst henni, foreldrum hennar og aðstæðum þeirra kynnumst við einnig sumum af þeim tilfinningum sem bærast innra með þeim og fara þar fremst í flokki þau Gleði, Sorg, Óbeit, Reiði og Ótti. Dag einn verður dálítið óhapp til þess að ein af minningum Dagnýjar dettur út, en sú ólukka á eftir að hafa kostulegar afleiðingar í för með sér ...
15. sæti - Aftur á lista
GamanmyndFjölskyldumyndTeiknimynd
Söguþráður Eins og allir vita eru storkar hættir að koma með börnin og sendast nú með alls konar pakka þess í stað. Dag einn ýtir hins vegar storkurinn Júníor á rangan takka og framleiðir óvart litla stúlku sem hann verður nú að koma til einhverra foreldra.
16. sæti - Aftur á lista
SpennumyndVísindaskáldskapurÆvintýramyndSöguleg
Leikstjórn Justin Kurzel
Söguþráður Myndin fjallar um inngrip manns að nafni Callums Lynch í sögulega atburði á tímum spænska rannsóknarréttarins, en Callum þessi er afkomandi hins vígfíma Aguilar sem ásamt félögum sínum barðist á móti óréttlæti og illum mönnum sem voru uppi á þessum tíma. Með sérstakri tækni í nútímanum getur Callum ferðast aftur í tímann, tekið sér bólfestu í líkama Aguilar og haldið verkum hans áfram.
17. sæti - Aftur á lista
SpennumyndHrollvekjaSpennutryllirVísindaskáldskapur
Leikstjórn Paul W.S. Anderson
Söguþráður Resident Evil: The Final Chapter er beint framhald af síðustu mynd, Retribution, þar sem Alice stóð ein eftir af þeim sem lögðu í lokabardagann við Regnhlífasamtökin. Nú neyðist hún til að snúa aftur þangað sem martröðin byrjaði og freista þess ásamt örfáum bandamönnum að verjast síðustu árásinni. Takist þessi lokatilraun hennar ekki er úti um mannkynið ...
18. sæti - Aftur á lista
SpennumyndGamanmyndÆvintýramyndFjölskyldumyndTeiknimynd
Söguþráður Aðalpersónur myndarinnar eru tvær, annars vegar löggukanínan Judy og hins vegar svali rebbinn Nick sem er þekktur fyrir að vera ekki alltaf alveg réttum megin við lögin og er nokkuð hrekkjóttur í þokkabót. Þegar Nick er ranglega sakaður um alvarlegt afbrot kemur það í hlut Judyar að hafa hendur í skotti hans. Það reynist ekki auðvelt enda er Nick háll sem áll og á auðvelt með að láta sig hverfa. Málin taka hins vegar nýja stefnu þegar Nick og Judy flækjast bæði inn í sama samsærið og neyðast til að snúa bökum saman til að endurheimta heiður sinn og orðspor.
19. sæti - Aftur á lista
SpennumyndVísindaskáldskapurÆvintýramynd
Leikstjórn Gareth Edwards
Söguþráður Jyn Erso, uppreisnarhermaður og glæpamaður, tekst á við sína stærstu áskorun til þessa þegar Mon Mothma biður hana um að stela teikningunum að Dauðastjörnunni. Með hjálp uppreisnarmanna, sverðameistara, og fleiri aðila, þá er ljóst að Jyn tekst hér á hendur verkefni sem er mun stærra en hún hélt í upphafi.
20. sæti - Aftur á lista
GamanmyndÆvintýramyndTónlistarmyndTeiknimynd
Leikstjórn Walt Becker
Söguþráður Myndin segir frá því þegar Davíð kynnir þá Alvin, Símon og Theódór fyrir unnustu sinni, Selmu. Íkornunum líst vel á hana en sömu sögu er ekki að segja um son hennar sem er á unglingsaldri. Sá er nefnilega alltaf að stríða íkornunum og er svo leiðinlegur við þá að þeim hættir alveg að lítast á blikuna. Af þessum sökum vilja íkornarnir alls ekki fá hann fyrir stjúpbróður og ákveða að reyna að koma í veg fyrir að Davíð biðji Selmu að giftast sér. Vandamálið er að þau Davíð og Selma eru farin til Flórída og ef Alvin og íkornarnir ætla að tala við hann verða þeir auðvitað að fara til Flórída líka. Þar með hefst kostuleg ævintýraferð í lofti, á láði og legi ...
Vinsælast í bíó - 29. til 31. maí 2017