Nýtt á BluRay

Söguþráður Myndin fjallar um inngrip manns að nafni Callums Lynch í sögulega atburði á tímum spænska rannsóknarréttarins, en Callum þessi er afkomandi hins vígfíma Aguilar sem ásamt félögum sínum barðist á móti óréttlæti og illum mönnum sem voru uppi á þessum tíma. Með sérstakri tækni í nútímanum getur Callum ferðast aftur í tímann, tekið sér bólfestu í líkama Aguilar og haldið verkum hans áfram.

Söguþráður Kóalabjörninn Buster hefur verið að spreyta sig í skemmtanageiranum, án þess að njóta mikillar velgengni. Dag einn ákveður hann ásamt félaga sínum, sauðkindinni Eddie, að taka við rekstri á eldgömlu leikhúsi. Til að draga að áhorfendur efnir hann til söngvakeppni.

Söguþráður Kóalabjörninn Buster hefur verið að spreyta sig í skemmtanageiranum, án þess að njóta mikillar velgengni. Dag einn ákveður hann ásamt félaga sínum, sauðkindinni Eddie, að taka við rekstri á eldgömlu leikhúsi. Til að draga að áhorfendur efnir hann til söngvakeppni.

Söguþráður Þegar tólf geimskip koma óvænt til jarðar er málvísindakonunni Louise Banks ásamt vísindamönnum á öðrum sviðum falið að ná sambandi við geimverurnar í von um að komast að ástæðunni fyrir heimsókn þeirra. Það sem Louise og kollegar hennar uppgötva með rannsóknum sínum er langt fyrir utan allt það sem nokkur hefði getað ímyndað sér.

Söguþráður Sagan um hina skemmtilegu en seinheppnu Bridget Jones heldur hér áfram, en hún er nú komin á fimmtugsaldurinn og er á milli manna ef svo má segja því sambandið við Mark Darcy hefur verið losaralegt um leið og hún hefur kynnst nýjum manni, hinum heillandi draumaprinsi Jack Qwant. Eins og í fyrri myndunum um Bridget Jones er það húmorinn og rómantíkin sem ræður ríkjum í lífi og starfi Bridgetar þótt alvaran sé auðvitað aldrei langt undan. Þegar hún verður nú ófrísk af sínu fyrsta barni kemur í ljós að hún veit ekki hver er faðirinn ...

Söguþráður War Dogs er byggð á sannri sögu þeirra Davids Packouz og Efraims Diveroli sem árið 2007 lönduðu 300 milljón dollara vopnasölusamningi við bandaríska varnarmálaráðuneytið þrátt fyrir að vera aðeins rúmlega tvítugir að aldri.

Söguþráður Eftir að James Donahue uppgötvar nýjar vísbendingar um hvarf systur sinnar, Heather, í hinum drungalegu Svörtuhlíðarskógum í Marylandríki fyrir tuttugu árum ákveður hann að fá nokkra skólafélaga til að koma með sér inn í skóginn í könnunarleiðangur.

Söguþráður Heimildarmynd um Bítlanna og tónleikaferðir þeirra um heiminn á árunum 1963 til 1966 þegar vinsældir þeirra voru svo miklar að það lá við að tónleikagestir hreint og beint sturluðust af hrifningu og spennu. Myndin inniheldur nánast eingöngu efni sem hefur aldrei komið fyrir sjónir almennings og varpar enn einu ljósinu á þessa merku sveit!

Söguþráður Kubo lifir rólegu og venjulegu lífi í litlu þorpi við sjávarsíðuna, þar til hefnigjarn andi úr fortíðinni breytir öllu, með því að leysa úr læðingi aldagamla deilu. Þetta veldur allskonar vandamálum þar sem guðir og skrímsli elta Kbo sem, til að halda lífi, þarf að finna töfraklæði sem faðir hans heitinn, samúræinn, átti.

Söguþráður Suicide Squad er byggð á samnefndum teiknimyndablöðum frá DC-Comics og segir frá nokkrum and-hetjum sem hafa hingað til notað hæfileika sína til illra verka, enda eru þær allar í fangelsi. Dag einn býðst þeim að sameina krafta sína í sérsveit á vegum stjórnarinnar og takast á hendur það verkefni að stöðva yfirvofandi ógn. Verkið er lífshættulegt í meira lagi, en ef sveitin getur stillt saman strengi sína og náð árangri gæti það orðið til þess að dómar yfir þeim yrðu mildaðir. Og að sjálfsögðu slá and-hetjurnar til, enda hafa þær engu að tapa ...

Söguþráður Myndin fjallar um hina gleymnu Dóru og leit hennar að fjölskyldu sinni. Sagan gerist um sex mánuðum eftir atburðina í fyrri myndinni, Leitin að Nemó. Allt í einu byrja minningar úr æsku Dóru að rifjast upp fyrir henni og um leið að hún á fjölskyldu einhvers staðar. Þetta leiðir til þess að hún heldur ásamt Merlin og Nemó í leit að ættingjum sínum og liggur leiðin alla leið frá kóralrifinu þar sem þau eiga heima að ströndum Kaliforníu þar sem óvæntar uppgötvanir bíða.

Söguþráður Myndin gerist í blokk í Manhattan í New York. Líf Max, sem hingað til hefur verið uppáhalds gæludýrið á heimilinu, breytist skyndilega þegar eigandi hans kemur heim með hundræksni að nafni Duke. Þeir verða að semja frið þegar þeir uppgötva að hin mjög svo yndislega kanína Snowball er að setja saman her af yfirgefnum gæludýrum til að hefna sín á öllum gæludýrum sem lifa í góðu yfirlæti hjá eigendum sínum.

Söguþráður Nokkur ár eru liðin frá því Jason Bourne lét sig hverfa eftir atburðina sem sagði frá í myndinni The Bourne Ultimatum. Tímann hefur hann notað til að fá minni sitt aftur og nú er komið að því að hann vill fá lokasvör frá þeim sem þekkja fortíð hans betur.

Söguþráður Myndin gerist í blokk í Manhattan í New York. Líf Max, sem hingað til hefur verið uppáhalds gæludýrið á heimilinu, breytist skyndilega þegar eigandi hans kemur heim með hundræksni að nafni Duke. Þeir verða að semja frið þegar þeir uppgötva að hin mjög svo yndislega kanína Snowball er að setja saman her af yfirgefnum gæludýrum til að hefna sín á öllum gæludýrum sem lifa í góðu yfirlæti hjá eigendum sínum.

Söguþráður Á lítilli eyju úti á ballarhafi búa nokkur dýr í sátt og samlyndi og verða mjög hissa þegar nýtt dýr, maður, nemur land á eyjunni og byrjar að gera alls konar hluti eins og t.d. að byggja hús! Til að byrja með eru dýrin á eyjunni hálfsmeyk við nýja gestinn og þar sem þau tala ekki mannamál líða nokkrir dagar þar til þau átta sig á að það sem hann hefur fram að færa gæti stórbætt þeirra eigið líf og gert það skemmtilegra. Ekki síst verður páfagaukurinn Makki ánægður því hann hefur lengi verið forvitinn um hvað sé handan hafsins og ef til vill getur Robinson Crusoe svalað forvitni hans. En málin taka óvænta og alvarlega stefnu þegar undirförul og illa innrætt kattakvikindi af sjóræningjaætt nema land í eynni, staðráðin í að ná þar öllum völdum. Þá kemur sér sannarlega vel að vera úrræðagóður, fljótur að hugsa og eiga mennskan vin ...

Söguþráður Eins og allan annan mat í stórmarkaðinum dreymir pylsuna Frank um að einhver muni kaupa hann og fara með hann heim þar sem hann og eigandinn (og helst pylsubrauðið Brenda) muni lifa áhyggjulausu lífi allt þar til hann rennur út. En eins og allir með reynslu vita þá er þetta misskilningur hjá Frank og persónur myndarinnar mæta margar hverjar hroðalegum örlögum þegar heim er komið.

Söguþráður Eilíf leit Scrat að akorninu ýtir honum alla leið út í geim, þar sem hann hrindir af stað röð atvika sem breyta og ógna Jörðinni. Til að bjarga sér frá hættunni, þá leggja þeir Manny, Sid, Diego og hinir, upp í langferð og lenda í ýmsum ævintýrum.

Söguþráður Þegar draugaplága byrjar að gera Manhattan-búum lífið leitt kemur það í hlut rithöfundanna Erinar og Abby að bregðast við og það fyrsta sem þær gera er að fá í lið með sér neðanjarðarjárnbrautarvörðinn Patty og kjarneðlisfræðinginn Jillian. Þær eiga í höggi við hinn illa púka Rowan sem fer m.a. létt með að yfirtaka líkama fólks sem lætur ekki að hans vilja. Framundan er barátta sem er engri annarri lík og þótt þær Patty, Abby, Erin og Jillian hafi aldrei barist við drauga áður, hvað þá púka eins og Rowan, mæta þær ofureflinu algjörlega óhræddar ...

Söguþráður Bræðurnir Mike og Dave hafa sérstakt lag á því að eyðileggja allar samkomur sem þeir sækja vegna vitleysunnar sem þeir taka iðulega upp á að framkvæma. Þegar brúðkaup systur þeirra og unnusta hennar stendur fyrir dyrum krefst faðir þeirra þess að þeir finni sér stúlkur til að mæta með í brúðkaupið því hann heldur að þær geti komið í veg fyrir að þeir eyðileggi það eins og allt annað sem þeir koma nálægt. Þeir Mike og Dave ákveða því að auglýsa eftir stúlkum og vita auðvitað ekki að þær sem svara eru jafnvel enn villtari en þeir sjálfir.

Söguþráður Myndin gerist 20 árum eftir atburði fyrstu myndarinnar, metsölumyndarinnar Independence Day, og segir frá því þegar geimverurnar koma aftur til að ná yfirráðum hér á jörðu, af enn meira afli en síðast, en Jarðarbúar hafa notað tæknina sem þeir kynntust í fyrstu myndinni til að styrkja heri sína. Vandamálið er að geimverurnar hafa einnig þróað sína tækni á tímanum sem liðinn er frá því síðast!