GamanmyndFjölskyldumyndTeiknimynd
Leikstjórn Christopher Jenkins
Söguþráður Gæsapiparsveinn, þarf að tengjast tveimur týndum ungum nánum böndum á leið sinni suður á bóginn. Önd, önd, gæs er glæný teiknimynd um unglingsgæsina Peng sem heldur að hann sé snjallasta gæsin í gæsahópnum og þurfi ekkert að æfa sig fyrir haustferðina suður á bóginn. Þetta viðhorf á eftir að koma honum í koll ... en þó með þeim óvæntu afleiðingum að hann eignast tvo fósturunga! Það skemmtilegasta sem Peng gerir er að fljúga um loftin blá á miklum hraða og taka alls konar áhættu. Hann á hins vegar erfitt með að fylgja reglum og halda aga og er af þeim sökum t.d. óhæfur til að fara fremstur í oddafluginu sem gæsir nota til að komast lengra og fljúga léttara þegar þær eru að ferðast á milli staða, ekki síst heimsálfa eins og þær gera flestar tvisvar á ári. Dag einn gerir Peng mistök í áhættufluginu með tvöföldum afleiðingum. Annars vegar meiðir hann sig í öðrum vængnum sem kemur tímabundið í veg fyrir að hann geti flogið og hins vegar verður honum á að tvístra andahóp þannig að tveir litlir andarungar verða viðskila við fjölskyldu sína. Þótt Peng hafi síst af öllu ætlað sér að gerast fósturfaðir getur hann ekki skilið ungana eftir og þar með hefst nýr kafli í lífi hans ... og andarunganna tveggja.
Útgefin: 11. október 2018
SpennumyndVísindaskáldskapurÆvintýramynd
Leikstjórn J.A. Bayona
Söguþráður Myndin gerist um fjórum árum eftir atburðina í síðustu mynd en síðan þá hafa risaeðlurnar gengið frjálsar á eyjunni Nublar. Því frelsi er ógnað verulega þegar eldgos hefst skyndilega á eynni og ákveðið er að flytja sem mest af risaeðlunum upp á fastalandið. Það er auðvitað hægara sagt en gert og því er kallað í risaeðlusérfræðingana og fyrrverandi kærustuparið Claire Dearing og Owen Grady sem geta ekki annað en orðið við þeirri beiðni að aðstoða við flutningana. Þau vita að sjálfsögðu ekki að á bak við „björgunina“ eru brögð í tafli og með því að aðstoða við að fanga risaeðlurnar hafa þau í raun komið þeim úr öskunni í eldinn. Við það geta þau ekki unað og ákveða að finna saman leið til að snúa vörn í sókn ...
Útgefin: 11. október 2018
GamanmyndÆvintýramyndFjölskyldumyndTeiknimynd
Leikstjórn Will Gluck
Söguþráður Pétur kanína á í útistöðum við landeigandann herra McGregor, en honum er alveg meinilla við öll dýr, ekki síst kanínur sem vilja borða uppskeruna hans. Með Pétri í liði eru systur hans þrjár, Lúffa, Múffa og Bómullarhnoðri, ásamt frænda þeirra Benjamín og listakonunni Beu sem ólíkt McGregor er vinveitt dýrunum.
Útgefin: 4. október 2018
SpennumyndDramaSpennutryllirGlæpamynd
Leikstjórn Stefano Sollima
Söguþráður Fíkniefnastríðið á landamærum Bandaríkjanna og Mexíkó hefur magnast, og dóphringirnir eru byrjaðir að flytja hryðjuverkamenn yfir landamærin til Bandaríkjanna. Til að ná árangri í baráttunni þá leiða þeir saman hesta sína á ný þeir alríkislögreglumaðurinn Matt Graver og Alejandro.
Útgefin: 4. október 2018
SpennumyndGamanmyndÆvintýramyndFjölskyldumyndTeiknimynd
Söguþráður Gaving og félagi hans Matthew eru í leit að ævintýrum, og skrá sig á skipið Ship Mice, en í þann mund kemur hinn ungi Chester og grátbiður um hjálp. Þeir lenda á Draumaeyju, þar sem þeir þurfa að vernda fjölskyldu Chester fyrir Winston the White Weasel, og gengi hans.
Útgefin: 4. október 2018
SpennumyndRómantískDramaSpennutryllirÆvintýramynd
Leikstjórn Baltasar Kormákur
Söguþráður Myndin byggð á sannri sögu þeirra Tamiar Ashcraft og Richards Sharp sem hittust árið 1983 og féllu hvort fyrir öðru. Nokkrum mánuðum síðar, eða í október sama ár, tóku þau að sér að sigla 44 feta skútu, Hazana, frá Tahiti-eyju í Pólýnesíu til viðtakenda í San Diego, um 6.500 kílómetra leið yfir opið Kyrrahafið. Það reyndist feigðarför.
Útgefin: 27. september 2018
Gamanmynd
Leikstjórn Bill Holderman
Söguþráður Æskuvinkonurnar Diane, Sharon, Vivian og Carol hafa allar upplifað með árunum að blossinn í sambandi þeirra við karlmenn hefur orðið daufari og daufari. Hlutirnir breytast hins vegar snarlega þegar þær lesa hina erótísku bók Fifty Shades of Grey enda fyllir sagan þær allar löngun til að endurnýja kynni sín af ástinni eins og hún gerðist best fyrr á árum.
Útgefin: 27. september 2018
GamanmyndÆvintýramyndFjölskyldumyndTeiknimynd
Söguþráður Stórskemmtileg teiknimynd um kanínustrákinn Max sem fyrir mikla tilviljun finnur leynilegan kanínuskóla þar sem hann á eftir að læra ýmsa galdra. Kanínuskólinn er enginn venjulegur skóli heldur læra kanínurnar þar að verða páskakanínur sem skreyta egg og fela þau fyrir mannfólkinu sem leitar þeirra á páskum. Þær gegna einnig því hlutverki að gæta hins gullna eggs sem er nokkurs konar fjöregg páskakanínanna og gráðugir refir reyna í sífellu að komast yfir. Það má þeim alls ekki takast!
Útgefin: 21. september 2018
SpennumyndGamanmyndVísindaskáldskapurÆvintýramynd
Leikstjórn David Leitch
Söguþráður Deadpool, öðru nafni Wade Wilson, glímir hér við hinn öfluga glæpamann Nathan Summers, en hann er betur þekktur sem Cable. Einn og sér uppgötvar Wade fljótlega að hann á ekki nokkra einustu möguleika í Cable og því neyðist hann til að kalla til leiks fleiri bardagahetjur sem geta með samtakamætti sínum sett strik í reikninginn og leitt til þess að réttlætið sigri ...
Útgefin: 20. september 2018
GamanmyndÆvintýramyndFjölskyldumyndTeiknimynd
Leikstjórn Carlos Saldanha
Söguþráður Allt frá því að nautið Ferdinand var kálfur hefur hann verið ólíkur öðrum nautum. Á meðan aðrir kálfar vildu helst stangast á og létu sig dreyma um að komast í nautaatshringinn í Madrid hafði Ferdinand mun meiri áhuga á að njóta náttúrunnar, blómanna og litanna sem umhverfi hans býður upp á, auk þess sem hann getur ekki hugsað sér að gera flugu mein. En örlögin haga því samt svo að Ferdinand er fyrir misskilning sendur til Madridar til að berjast og verður með aðstoð nokkurra félaga sinna að losa sig úr ánauðinni og finna leiðina heim áður en það er orðið of seint ...
Útgefin: 6. september 2018
SpennumyndGamanmyndÆvintýramyndFjölskyldumyndTeiknimynd
Leikstjórn Nick Park
Söguþráður Hér segir frá steinaldarunglingnum Dug sem lifir hamingjuríku lífi ásamt fjölskyldu og vinum í hringlaga dal, talsvert langt frá helstu hættum heimsins eins og eldfjöllum, risaeðlum og loðfílum. Dag einn verður heldur betur breyting á högum þeirra þegar bronsaldarkeisarinn Nooth uppgötvar dalinn og ákveður að sölsa hann undir sig. Við það er Dug skiljanlega ósáttur en má sín til að byrja með lítils gegn allri þeirri nýmóðins tækni sem bronsöldin hefur fært Nooth með tilheyrandi yfirburðum á flestum sviðum. En Dug er úrræðagóður og svo fer að hann nær að skora Nooth á hólm í fótboltaleik um hin endanlegu yfirráð. Vinni bronsaldarliðið eignast Nooth dalinn en vinni steinaldarliðið þarf Nooth að hypja sig. Vandamálið við þetta er að það er ekki til neitt steinaldarlið í fótbolta ...
Útgefin: 6. september 2018
RómantískDramaSöguleg
Leikstjórn Mike Newell
Söguþráður Juliet Ashton er ungur og upprennandi rithöfundur í London árið 1946 sem í gegnum bréfaskipti við einn af meðlimum Bókmennta- og karöflubökufélags Guernsey-eyju fær mikinn áhuga á að kynna sér reynslu eyjaskeggja eftir að Þjóðverjar hertóku Guernsey í síðari heimsstyrjöldinni. Svo fer að hún ákveður að skella sér í heimsókn og skoða málið persónulega.
Útgefin: 23. ágúst 2018
BarnamyndTeiknimynd
Leikstjórn Árni Ólason
Söguþráður Krummi klóki er lífsglaður og fjörugur krummi en dálítill galgopi á köflum. Dag einn leiðir glannaakstur hans um skóginn til að hann ekur á birgðageymslu með þeim afleiðingum að allar matarbirgðirnar sem dýrin í skóginum höfðu safnað til vetrarins fara forgörðum. Úr vöndu er að ráða en þá fær Krummi þá hugmynd að taka þátt í spennandi skógarkappakstri þar sem sigurvegaranum er heitið 100 gullpeningum. Það ætti jú að nægja til að bæta skaðann. Í framhaldinu lendir Krummi klóki síðan í alls konar skringilegum ógöngum og óvæntum uppákomum og hvort sem honum tekst að sigra í kappakstrinum eða ekki á hann eftir að læra að sumt er jafnvel meira virði en gullpeningar, t.d. sönn vinátta og samvinna ...
Útgefin: 23. ágúst 2018
Gamanmynd
Leikstjórn Kay Cannon
Söguþráður Þegar þau Lisa, Mitchell og Hunter uppgötva að dætur þeirra, Julie, Kayla og Sam, hafa bundist samkomulagi um að missa meydóminn eftir útskriftarball menntaskólans ákveða þau að gera allt sem í þeirra valdi stendur til að koma í veg fyrir það.
Útgefin: 9. ágúst 2018
GamanmyndRómantísk
Söguþráður Þegar hinn hrokafulli og gjörspillti milljónamæringur Leonardo fellur út af snekkju sinni eina nóttina og skolar síðan minnislausum í land ákveður fyrrverandi ræstitæknir hans, Kate, að nýta sér aðstöðuna og telja honum trú um að þau séu hjón. En hrekkurinn á fljótlega eftir að vinda upp á sig ...
Útgefin: 3. ágúst 2018
SpennumyndVísindaskáldskapurÆvintýramynd
Leikstjórn Steven S. DeKnight
Söguþráður Nokkur ár eru liðin síðan Stacker Pentecost og mönnum hans tókst að ráða niðurlögum síðasta Kaiju-skrímslisins og loka fyrir gátt þeirra á botni Kyrrahafsins. Það verður því uppi fótur og fit þegar í ljós kemur að einhver hefur opnað gáttina aftur og að yfirvofandi er ný árás enn öflugri skrímsla en áður.
Útgefin: 23. júlí 2018
BarnamyndTeiknimynd
Söguþráður Bangsi er ofursterkur vegna þess að hann borðar stundum þrumuhunang sem amma hans útbýr handa honum. Hér lendir hann hins vegar í miklum vanda þegar gráðugur rebbi sem vill meira en hann hefur rétt á ákveður að ræna ömmu Bangsa svo Bangsi verði sem minnst mótstaða við skuggalegar áætlanir hans. En auðvitað eiga Bangsi og félagar hans eftir að sjá við honum ...
Útgefin: 28. júní 2018
RómantískDramaSpennutryllir
Leikstjórn James Foley
Söguþráður Eftir að hafa beðið Anastasiu í síðustu mynd ganga þau Christian nú í hjónaband og halda í brúðkaupsferð til Suður-Evrópu þar sem þau njóta alls þess besta sem peningar geta keypt. En þegar þau snúa aftur heim til Seattle bankar fortíðin upp á og þau standa bæði frammi fyrir alvarlegum vanda sem verður að leysa ef ekki á illa að fara fyrir þeim og hjónabandi þeirra.
Útgefin: 14. júní 2018
SpennumyndDramaSpennutryllirGlæpamynd
Leikstjórn Eli Roth
Söguþráður Eftir að grímuklæddir innbrotsþjófar myrða eiginkonu læknisins Pauls Kersey og stórslasa dóttur hans ... og lögreglan segist ekkert geta gert vegna skorts á vísbendingum, ákveður Paul að taka málin í eigin hendur, finna morðingjana og refsa þeim sjálfur með miskunnarlausum dauðadómi og aftöku.
Útgefin: 7. júní 2018
DramaStríðsmyndSögulegÆviágrip
Leikstjórn Joe Wright
Söguþráður Myndin gerist öll í maí 1940 og lýsir aðdraganda þess að Winston Churchill var skipaður forsætisráðherra Bretlands svo og fyrstu dögum hans í embætti, en óhætt er að segja að hann hafi tekið við erfiðu búi. Þjóðverjar höfðu ráðist inn í Frakkland og áttu síðar í mánuðinum eftir að króa Bandamenn af í Dunkirk þar sem 400 þúsund hermenn horfðu fram á að verða stráfelldir tækist ekki að ferja þá yfir Ermarsundið í tíma.
Útgefin: 2. júní 2018