HrollvekjaSpennutryllirRáðgáta
Leikstjórn Christopher Landon
Söguþráður Tree Gelbman er ung kona sem vaknar upp í ókunnugu rúmi á skólavist og botnar ekkert í hvernig hún komst þangað. Um það þýðir þó lítið að hugsa því Tree á afmæli í dag og drífur sig bara heim. Dagurinn breytist hins vegar í skelfingu um kvöldið þegar á hana er ráðist og hún er myrt á hrottalegan hátt af grímuklæddum fanti. En um leið og Tree deyr vaknar hún upp aftur í ókunnuga rúminu á skólavistinni að morgni afmælisdagsins – eins og þetta hafi allt saman verið draumur.
Útgefin: 22. febrúar 2018
SpennutryllirVísindaskáldskapur
Leikstjórn Denis Villeneuve
Söguþráður Sérsveitarmaðurinn Officer K, kemst á snoðir um dularfullt mál úr fortíðinni. Til að aðstoða sig við rannsóknina þarf hann að hafa uppi á Rick sem hafði horfið þrjátíu árum fyrr, þ.e. eftir að hafa leyst sitt síðasta verkefni. Leit K ber árangur að lokum, en með ófyrirsjáanlegum afleiðingum ...
Útgefin: 15. febrúar 2018
DramaHrollvekjaSpennutryllirGlæpamyndRáðgáta
Leikstjórn Tomas Alfredson
Söguþráður Þegar rannsóknarlögreglumaðurinn Harry Hole fær til rannsóknar hvarf ungrar móður kemst hann fljótlega að því að málið tengist eldri morðmálum þar sem ungar mæður voru myrtar í vetrarbyrjun – um það leyti sem fyrsti snjórinn féll.
Útgefin: 15. febrúar 2018
GamanmyndHrollvekjaÆvintýramyndFjölskyldumyndTeiknimynd
Söguþráður Anton er þrettán ára gamall strákur sem er heillaður af sögum um hina dauðu og ódauðlegu og myndi gefa mikið fyrir að hitta eins og eina vampíru. Honum verður að ósk sinni þegar hann vingast við jafnaldra sinn Runólf, en hann er vampíra sem býr í gömlum kirkjugarði ásamt fjölskyldu sinni. Líf Antons breytist umsvifalaust í ævintýri en hætta steðjar að þegar hinn ógnvekjandi vampírubani Rökkfinnur mætir á svæðið, staðráðinn í að koma öllum vampírum fyrir kattarnef í eitt skipti fyrir öll. Það má ekki takast!
Útgefin: 15. febrúar 2018
SpennumyndSpennutryllir
Leikstjórn Martin Campbell
Söguþráður Eftir að yngsta og eina eftirlifandi dóttir veitingastaðareigandans Quangs lætur lífið í sprengjuárás IRA í London leitar hann bæði til lögreglunnar og leyniþjónustunnar til að fá það uppgefið hverjir séu grunaðir um verknaðinn, enda ákveðinn í að ganga á milli bols og höfuðs á þeim sjálfur – sem allra fyrst.
Útgefin: 8. febrúar 2018
SpennumyndGamanmyndSpennutryllirGlæpamyndSögulegÆviágrip
Leikstjórn Doug Liman
Söguþráður Myndin segir kostulega sögu flugmannsins, eiturlyfjasmyglarans og CIA-uppljóstrarans Barrys Seal sem var flugmaður sem eftir að hafa flogið vélum flugfélagsins TWA frá 1966 til 1974 ákvað að söðla hressilega um og gerast stórtækur eiturlyfjasmyglari fyrir hinn stóra, kólumbíska Medellín-eiturlyfjahring þar sem hann tók m.a. við skipunum beint frá Pablo Escobar.
Útgefin: 25. janúar 2018
GamanmyndDramaGlæpamynd
Leikstjórn Steven Soderbergh
Söguþráður Þegar Jimmy Logan er sagt upp vinnunni og fyrrverandi eiginkona hans ákveður að flytja með dóttur þeirra á fjarlægar slóðir sér Jimmy sæng sína útbreidda og leggur til við bróður sinn Clyde að þeir fremji bíræfið rán á milljónum dollara þrátt fyrir hina svokölluðu Logan-bölvun sem er sögð hvíla á þeim.
Útgefin: 18. janúar 2018
GamanmyndÆvintýramyndFjölskyldumyndSöngleikurTeiknimynd
Leikstjórn Jayson Thiessen
Söguþráður Lífið í höfuðborg smáhestanna gæti varla verið fullkomnara en það er, enda byggt á gleði, söng, ævintýrum og órjúfanlegum vinaböndum. En þegar hin vonda og valdagráðuga Tempest Shadow ákveður að taka völdin ásamt ófrýnilegum þjónum sínum neyðast smáhestarnir undir forystu prinsessunnar Skystar til að ferðast þvert í gegnum Smáhestaland og freista þess að finna nýja bandamenn sem geta hjálpað þeim.
Útgefin: 11. janúar 2018
GamanmyndRómantísk
Leikstjórn Michael Showalter
Söguþráður Uppistandarinn Kumail er Bandaríkjamaður af pakistönskum ættum og hefur um langt skeið þurft að hafna aragrúa kvonfanga sem foreldrar hans hafa fundið handa honum. En um leið og hann vill ráða ástalífi sínu algjörlega sjálfur vill hann hins vegar ekki styggja trúaða foreldrana og frændgarðinn ef þess er nokkur kostur. Þegar hann hittir Emily reynir á þetta en bæði þau Kumail, Emily og fjölskyldur þeirra þurfa að takast á við rótgróna fordóma og alls kyns vandamál sem skora þau bæði siðferðis- og menningarlega á hólm.
Útgefin: 14. desember 2017
GamanmyndVísindaskáldskapurÆvintýramyndFjölskyldumyndTeiknimynd
Leikstjórn Anthony Leondis
Söguþráður Gene býr ásamt aragrúa broskarla og alls kyns öðrum táknum í borg emoji-táknanna sem er falin á milli appanna í símanum. Táknin í borginni þrá að vera valin af eiganda símans og Gene er þar engin undantekning. Hann er svokallað „meh“-tákn og á að vera með tómlátan svip. Gene hefur þó litla sem enga stjórn á svipum sínum og hin táknin í borginni eru hrædd um að síminn verði straujaður komist eigandinn að þessu vandamáli. Gémmi Fimm og Töggur ganga til liðs við Gene og ferðast um símann þveran og endilangan í leit að kóðanum sem á að gera Gene að „eðlilegu“ emoji-tákni með einn fastan svip.
Útgefin: 7. desember 2017
SpennumyndSpennutryllir
Leikstjórn Michael Cuesta
Söguþráður Eftir að unnusta Mitch Rapp er myrt í hryðjuverkaárás ákveður hann að helga líf sitt baráttunni gegn hryðjuverkamönnum og gengur til liðs við bandarísku leyniþjónustuna. Þar nýtur hann leiðsagnar Stans Hurley sem er þaulvanur í baráttunni og áður en langt um líður er komið að fyrsta verkefninu: Að stöðva dularfullan hryðjuverkamann sem kallast „Draugurinn“ og er að reyna að koma þriðju heimsstyrjöldinni í gang.
Útgefin: 7. desember 2017
GamanmyndÆvintýramyndFjölskyldumyndTeiknimynd
Leikstjórn Cal Brunker
Söguþráður Íkorninn Surlí og hin dýrin í Eikarbæ hafa haft það gott frá því við hittum þau í samnefndri mynd árið 2014. Nú er tilveru þeirra hins vegar ógnað þegar borgarstjórinn í Eikarbæ ákveður að ryðja burt almenningsgarðinum sem þau búa í og nota svæðið í staðinn undir skemmtigarð. Það má auðvitað ekki gerast en hvað eiga Surlí og hin dýrin að taka til bragðs?
Útgefin: 1. desember 2017
DramaÆviágrip
Leikstjórn Destin Cretton
Söguþráður Jeannette Walls fæddist árið 1960 og ólst upp ásamt þremur systkinum í mikilli fátækt, óreiðu og afskiptaleysi. Faðir þeirra var drykkfelldur skýjaglópur sem hélst hvergi í vinnu og móðirin sagðist vera listakona þótt hún skapaði aldrei neitt af viti og virtist reyndar hvorki vita í þennan heim né annan löngum stundum. Fjölskyldan festi hvergi rætur, var stöðugt að flytja (flýja) og hvorki Jeannette né systkini hennar gengu í skóla á uppvaxtarárunum. Svo fór líka að þau lærðu fljótt að standa á eigin fótum og flúðu öll foreldra sína um leið og þau gátu, en foreldrana dagaði síðan uppi sem hústökufólk í New York.
Útgefin: 1. desember 2017
HrollvekjaVestriVísindaskáldskapurÆvintýramynd
Leikstjórn Nikolaj Arcel
Söguþráður The Dark Tower er viðamikið ævintýri um leit síðasta „byssumannsins“ Rolands Deschain að „Myrka turninum“ en það hugtak lýsir bæði raunverulegum turni og er jafnframt myndlíking, en turninn er ekki bara bygging heldur einnig hjartað og miðjan í þeirri veröld (eða veröldum) sem sagan gerist í. Falli þessi turn, falla allar veraldir að okkar veröld meðtalinni, og það er einmitt það sem byssumaðurinn vill koma í veg fyrir. Til þess þarf hann að tortíma „manninum í svörtu“ sem leitar einnig Myrka turnsins til að eyðileggja hann svo hið illa (eða dauðinn) öðlist öll völd til eilífðar.
Útgefin: 30. nóvember 2017
DramaSpennutryllirGlæpamynd
Leikstjórn Ric Roman Waugh
Söguþráður Jacob Harlon er hamingjusamur fjölskyldumaður sem gengið hefur vel í viðskiptum og á nú allt til alls. Kvöld eitt gerir hann þau hroðalegu mistök að aka drukkinn en þeirri ökuferð lýkur með hörðum árekstri og þeim afleiðingum að vinur hans sem var með honum í bílnum deyr. Í framhaldinu er Jacob dæmdur fyrir manndráp og vistaður í öryggisfangelsi þar sem hann neyðist fljótlega til að verja líf sitt eða deyja sjálfur ella.
Útgefin: 30. nóvember 2017
Teiknimynd
Söguþráður Adam er ósköp venjulegur strákur sem uppgötvar dag einn vísbendingar um hvað orðið hafi af föður hans sem hvarf sporlaust fyrir mörgum árum. Þessar vísbendingar verða til þess að Adam ákveður að stinga af út í skóg að leita að honum og þar kemst hann að því sér til ómældrar undrunar að faðir hans er enginn annar en þjóðsagnapersónan Stórfótur. Eftir að hafa útskýrt fyrir Adam hver hann er og hvers vegna hann lét sig hverfa kemur í ljós að Adam getur líka talað við dýrin og ekki nóg með það því hann hefur einnig erft alla aðra hæfileika föður síns og á fyrir höndum að verða eins og hann
Útgefin: 30. nóvember 2017
SpennumyndVísindaskáldskapurÆvintýramynd
Leikstjórn Luc Besson
Söguþráður Eftir að hafa lifað saman í sátt og samlyndi um margra alda skeið ógna nú ókunn öfl lífi íbúa í borginni Alpha, borg hinna þúsund pláneta, og þau Valerian og Laureline hafa aðeins tíu klukkustundir til að bjarga henni frá endanlegri eyðingu. Sagan gerist á 29. öld þegar viti bornar verur alheimsins geta auðveldlega ferðast í gegnum tíma og rúm. Vinsælasti áfangastaðurinn er borgin Alpha sem nefnd er borg hinna þúsund pláneta vegna þess að þar eru saman komnar verur frá öllum byggðum plánetum vetrarbrautanna, þar á meðal maðurinn frá plánetunni Jörð. Þessum verum hefur að mestu tekist að búa saman í sátt og samlyndi í nokkrar aldir og því bregður öllum í brún þegar óþekkt öfl gera árás á Alpha. Strax verður ljóst að árásin ber með sér gereyðingarógn og við henni verða þau Valerian og Laureline að bregðast í snatri, en þau eru nokkurs konar lögreglumenn 29. aldarinnar. Tekst þeim að finna hver það er sem stendur að bak árásinni og stöðva viðkomandi áður en það verður orðið of seint?
Útgefin: 23. nóvember 2017
SpennumyndGamanmyndVísindaskáldskapurÆvintýramyndFjölskyldumyndTeiknimynd
Söguþráður Þegar þeim Gru og Lucy er sparkað úr starfi eftir að þau klúðra mikilvægu verkefni og skósveinarnir ákveða að yfirgefa Gru vegna skorts hans á glæpsamlegu innræti ákveða þau Lucy að gera gott úr öllu og einbeita sér að heimilislífinu og uppeldi fósturdætranna. En þá uppgötvar Gru að hann á tvíburabróður.
Útgefin: 16. nóvember 2017
SpennutryllirÍslensk mynd
Söguþráður Ungt fólk sem er að gera upp hús á Hesteyri um miðjan vetur fer að gruna að þau séu ekki einu gestirnir í þessu eyðiþorpi. Á Ísafirði dregst nýi geðlæknirinn í bænum inní rannsókn á sjálfsmorði eldri konu, en svo virðist hún hafi verið heltekin af syni hans sem hvarf fyrir nokkrum árum og fannst aldrei.
Útgefin: 16. nóvember 2017
SpennumyndSpennutryllirRáðgáta
Leikstjórn David Leitch
Söguþráður Þegar einn af bestu njósnurum leyniþjónustunnar er myrtur í Berlín er Lorraine send þangað til að finna þá seku og lendir fljótlega ásamt samstarfsmanni sínum, David Perciva, í svakalegum hasar þegar þau uppgötva að morðið er bara yfirborðið á miklu stærra máli sem ógnar ekki bara lífi þeirra sjálfra heldur og lífi allra njósnara og annarra sem starfa hjá leyniþjónustum vestrænna ríkja. Og hvað getur Lorraine gert í því?
Útgefin: 16. nóvember 2017