Síðar í kvöld stendur til að frumsýna fyrstu stikluna fyrir nýja sjónvarpsseríu frá Marvel teiknimyndasögufyrirtækinu, sem kallast Marvel´s Agents of S.H.I.E.L.D. , sem sýnd verður á ABC sjónvarpsstöðinni bandarísku næsta vetur.
ABC gefur fólki smá innsýn í það sem koma skal í kitlu sem fyrirtækið hefur sett á netið, og sjá má hér fyrir neðan:
Eins og sést er kitlan einungis 7 sekúndna löng, en gefur góð fyrirheit um það sem koma skal; Slagsmál, Agent Coulson, leikinn af Clark Gregg í fínu formi, ofl.
Höfundur og leikstjóri sjónvarpsþáttanna er enginn annar en Joss Whedon, leikstjóri The Avengers kvikmyndarinnar, sem sló í gegn í fyrra.
Við munum svo birta stikluna hér á síðunni um leið og hún kemur á netið.
