Nýverið kom upp á yfirborðið mynd af Agent Mulder sem leikinn er af David Duchovny þar sem hann er teiknaður sem einhvers konar varúlfur og var þá ljóst að henni hafði verið lekið út af framleiðendum X-Files 2 sem verður frumsýnd í Bandaríkjunum 25.júlí 2008.
Myndin vakti gríðarlega eftirtekt í kvikmyndaheiminum og menn voru fljótt farnir að tala um að X-Files 2 yrði stórt flopp ef Mulder ætti að breytast í einhverskonar varúlf! Einhver komst þó á stúfana yfir kynningarmynd fyrir Californication þættina sem David Duchovny lék nú síðast í og það er greinilegt að þetta er photoshoppuð mynd! Við leyfum ykkur að dæma!
Í ljósi þessa er greinilegt að söguþráður X-Files 2 er kominn undir feld og það verður spennandi að sjá hver útkoman verður. Það er allavega greinilegt að framleiðendur X-Files tókst ætlunarverk sitt, að skapa umræðu og eftirtekt.