Wild Card (2015)

Eftir að hafa tapað öllu sínu í spilavítum Las Vegas-borgar ákveður spilafíkillinn Nick Wild að snúa við blaðinu og gerast „verndari“ þeirra sem eiga undir högg að sækja gagnvart glæpaklíkum. Draumur Nicks Wild hefur lengi snúist um að eignast svo mikla peninga að hann geti flutt til Feneyja á Ítalíu og haft það náðugt. Vandamál hans er hins vegar að hann er forfallinn spilafíkill sem tapar alltaf öllu sem hann er með á sér. Hann getur ekki hætt fyrr. Dag einn er vinkonu Nicks misþyrmt illa af glæpamönnum og í framhaldinu ákveður hann að gjalda hrottunum líku líkt. Þetta verður til þess að hann gerist nokkurs konar „verndari“ annarra sem eiga undir högg að sækja og þegar milljónamæringur að nafni Cyrus Kinnick ræður hann sem lífvörð sinn fara hlutirnir að gerast ...