John Tucker Must Die (2006)

Það getur alveg komið fyrir að ég horfi á stelpumyndir. Til eru nokkrar virkilega fínar stelpumyndir eins og Clueless eða Mean Girls. John Tucker Must Die er því miður einhæf, stefnulaus og ófyndin móralsmynd (og mórallinn er ekki einu sinni það góður!) sem reynir að vera miklu meira en hún er. Hugmyndin á bakvið myndina er nokkuð góð, og úr þessu hefði verið hægt að móta skemmtilega, sótsvarta gamanmynd, en nei... Myndin er merkilega bitlaus og til að bæta gráu ofan á svart er hún gríðarlega klisjukennd og fyrirsjáanleg. Ég spyr sjálfan mig hvort að þetta sé leikstjóranum að kenna eða bara handritinu. Allavega, síðast þegar ég vissi þá hefur Betty Thomas ekki gert góða mynd síðan Private Parts (það var fyrir áratugi síðan). Það þýðir lítið að eyða fleiri orðum í þessa mynd. Stelpur á aldrinum 12-16 ára munu eflaust fíla myndina betur heldur en aðrir - eins og ég - sem að setja vissan standard áður en horft er á bíómyndir, jafnvel unglingamyndir.3/10

Þessi mynd á skilið margar stjörnur, mér finnst þessi mynd alveg frábær og þetta er svona mynd sem maður getur alltaf horft á .. en ég mundi samt segja að þetta væri meira svona stelpu mynd en þarf samt ekkert að vera. En annas er þessi mynd um gaur sem er algjör player og hann á 3 kærustur og þær fatta að hann er að deita margar gellur og þær fara að hefna sín á honum og svona ,, allvega ég mæli með þesari mynd ;)