Eins og við sögðum frá í gær þá verður sjöunda árlega Big Lebowski festið haldið þann 16. mars nk.
Á festinu í ár er bryddað upp á þeirri nýjung að í fyrsta lagi fer hátíðin fram á nýjum stað, þ.e. í nýrri og glæsilegri keiluhöll í Egilshöll, en síðan verður haldið eftirpartý á Lebowski bar, en þangað verða gestir ferjaðir í rútu frá Egilshöll.
Á Big Lebowski fest er jafnan mikið um dýrðir og meðal annars eru veitt verðlaun fyrir bestu búningana.
Hér að neðan má sjá þá sem lentu í fyrsta og öðru sæti í búningakeppninni á Big Lebowski fest í fyrra:
Samkvæmt upplýsingum frá hátíðarhöldurum þá mættu 130 manns á Big Lebowski fest í fyrra.
Nánari upplýsingar má finna hér, á Facebook síðu hátíðarinnar.