Diana (2013)

Díana Spencer, prinsessa af Wales, sem var jafnan kölluð prinsessa fólksins, lést í bílslysi þann 31. ágúst árið 1997. Þessi mynd fjallar um tvö síðustu árin í lífi hennar. Díana giftist Karli prins í júlí árið 1981, þá nýlega orðin tvítug, og var athöfninni sjónvarpað um allan heim og brúðkaupið kallað brúðkaup aldarinnar. Allt frá byrjun var hjónabandið í ágengu kastljósi fjölmiðla og óttuðust margir að hin unga, tilvonandi drottning myndi ekki standast álagið sem því fylgdi. Það liðu ekki mörg ár áður en fréttir tóku að berast af brestum í hjónabandinu og svo fór að því lauk með endanlegum skilnaði í ágúst 1996 þótt öllum væri ljóst að í raun hefði hjónasælunni lokið miklu fyrr. En hremmingum Díönu var þó ekki lokið því henni var fylgt stanslaust eftir af ljósmyndurum og vilja margir meina að sá ágangur hafi í raun valdið slysinu sem hún lést í ...