Jackie Brown (1997)

Mjög góð mynd, góðir leikarar og allt það. Snildalegur leikstjóri og handritshöfundur. En því miður ekki það frábær til þess að ná það bessta svo ég gef henni 2 og hálfa stjörnu.

Kvikmyndaunnendur höfðu lengi beðið eftir því að leikstjórinn og leikarinn Quentin Tarantino sýndi sitt rétta andlit eftir að hann sendi frá sér hina frábæru mynd Pulp Fiction árið 1994. Á eftir fylgdi Jackie Brown og það er óhætt að fullyrða að hvorki aðdáendur kappans né unnendur góðra kvikmynda almennt verða fyrir vonbrigðum með þessa mynd. Myndin skartar úrvalshópi leikara í öllum hlutverkum, s.s. Robert De Niro, Michael Keaton, Samuel L. Jackson, Bridget Fonda og Robert Forster, en það er leikkonan Pam Grier sem stelur hiklaust senunni með meistaraleik sínum í titilhlutverkinu sem flugfreyjan Jackie "það var mikil synd að hún skyldi ekki einu sinni vera tilnefnd til óskarsverðlaunanna árið 1997". Myndin, sem byggð er á einni af sögum hins vinsæla rithöfundar Elmore Leonard, segir frá flugfreyjunni Jackie Brown sem drýgt hefur tekjurnar með því að smygla peningum inn í landið fyrir vopnasalann Ordell Robbie. Dag einn er hún staðin að verki á flugvellinum og handtekin. Þeir sem hafa málið á sinni könnu, lögreglumaðurinn Mark Dargus og vopnaeftirlitsmaðurinn Ray Nicolet, bjóða henni tvo kosti: Annað hvort hjálpar hún þeim að fletta ofan af Ordell eða hún fær langtíma gistingu á bak við rimlana. Með aðstoð aðdáanda síns og hjálparhellu, Max Cherry, tekst Jackie að leggja fram tryggingu fyrir frelsi sínu, ákveðin í að velja þriðju leiðina út úr þessum vandræðum. Hún hefur engan áhuga á að fara í fangelsi og hún veit alveg nákvæmlega hvað verður um þá sem dirfast að svíkja Ordell. Hún tekur því þá ákvörðun að skjóta bæði Ordell og hjálparkokkum hans, þeim Louise og Melanie, og lögreglunni, ref fyrir rass, etja þeim saman á slyngan hátt og stinga síðan sjálf undan með ávinninginn, hálfa milljón dollara í beinhörðum peningum!!! Stórkostleg mynd sem vinnur á eftir því sem maður sér meira af henni. Ég gef "Jackie Brown" þrjár og hálfa stjörnur og mæli eindregið með henni. Hún er einfaldlega EINSTAKLEGA GÓÐ!!!!!!

Unaðslega góð kvikmynd um ráðsnjalla flugfreyju sem reynir að klóra sig út úr ógöngum eftir að hafa orðið uppvís að peningasmygli fyrir stórhættulegan vopnasala. Skáldsagan Rum Punch eftir Elmore Leonard var óneitanlega kjörin fyrir Quentin Tarantino, sem þegar hafði slegið í gegn fyrir kvikmyndirnar Reservoir Dogs og Pulp Fiction, frumleg en í senn afar persónuleg snilldarverk sem Jackie Brown jafnast fyllilega á við. Sem fyrr í myndum Tarantinos er réttur leikari í hverju hlutverki og persónusköpunin margbrotin. Pam Grier er ótrúlega heillandi í hlutverki flugfreyjunnar og veitir henni dýpt með lágstemmdum leik sínum. Það sama er að segja um Robert Forster, sem hefur sést allt of sjaldan á hvíta tjaldinu. Robert De Niro stelur þó senunni í hlutverki treggáfaðs síbrotamanns. Michael Keaton lék skömmu síðar sama lögreglumanninn aftur í kvikmyndinni Out of Sight, sem var einnig byggð á sögu eftir Leonard. Jackie Brown er sem betur fer fáanleg á breiðtjaldsformi, widescreen.