Kill Bill: Vol. 2 (2004)

Þessi mynd er algjör snilld en er langt frá því að vera betri en 1. hlutinn. Það er meira af samtölum í þessari mynd en í hinni og er það það sem dregur myndina niður í einkunn hjá mér. Það hefði mátt bæta við miklu meiri action í þessa mynd. Skemmtanagildið í fyrstu myndinni er mun meira en í þessari. Það eru samt mörg atriði góð um þessa mynd. Eins og handritið að myndinni er mjög gott, allir helstu leikarar standa sig með prýði og leikstjórn Quentins Tarantinos er mjög góð. Í heildina litið er þessi seinni partur Kill Bill mjög góður en nær ekki að gera eins góð skil hvað varðar skemmtun eins og sú fyrsta. Fær samt 3 og hálfa stjörnu hjá mér í einkunn.

Þó fyrri myndin hafi verið góð, bjóst ég ekki við betri mynd númer 2. Í þessari mynd er sagt ítarlega frá því sem gerist í fyrri myndinni sem áhorfandinn fékk ekki að vita, og skýrast sumir hlutir betur. Ekki er alveg eins mikið um jafn blóðuga bardaga hér og í fyrri myndinni en þó eru þeir þó nokkrir og eru allir mjög flottir. Eitt af því sem ég er mjög ánægður með er að mörg atriðin eru ekki fyrirsjáanleg og býst maður oft við allt öðru en gerist. Mikla reiði og kvöl fékk maður að sjá og var það vel túlkað með góðum leik og myndatöku. Tónlistin er mjög svipuð og í fyrri myndinni en er ekki notuð við mjög mörg atriði. Þó finnst mér að endirinn hefði mátt vera betri, og ekki alveg svona langdreginn. Myndinni tókst heldur betur að bjarga kvöldinu og er þetta ein af betri bardaga myndum sem ég man eftir.

Kill Bill vol.2 er að mínu mati örlítið síðri heldur en vol.1. Það munar að vísu ekki miklu en einhverju. Það er soldið langt síðan ég sá vol.1(tæpt ár)en sá dálkur fékk þó þrjár stjörnur frá mér á meðan þessi fær ekki nema tvær og hálfa. Ástæðan? Tja...ég verð að segja að mér fannst þessi mynd þ.e.a.s.dálkur vera stórgóð skemmtun svona fyrstu þrjá fjórðu partana en missti síðan alveg flugið og síðasti hálftíminn er bara pappírsþunnur. Endirinn fullnægði ekki mínum kröfum(kannski er ég of kröfuharður hver veit?)sem kom á óvart miðað við hvað vol.1 lofaði svo góðu. En þetta er ágætis afreying engu að síður, slagsmálaatriðin eru snilld og samtölin vel skrifuð. Uma Thurman á þokkalega frammistöðu en ekkert meira samt(hún var nú betri í Pulp fiction)en aftur á móti á Daryl Hannah alveg stórglæsilega frammistöðu, hún ætti að fá svona hlutverk oftar. Semsagt, Kill Bill vol.2 er hin þokkalegasta skemmtun en mér bara finnst hún ekki vera eins góð og öllum öðrum finnst. Tvær og hálf stjarna.

Tvílík snilld! Ég hélt ad vol.2 gæti ekki komist nálægt vol.1 en jú, svo sannarlega gerdi hún tad. Tad voru einstaka atridi í fyrri myndinni sem fóru svolítid í taugarnar á mér sem koma ekki í seinni myndinni, eins og hvad blódid spýttist eins og í japönskum teiknimyndum, og tónlistin var ordin svolítid treytandi. En Kill Bill 2 er alveg laus vid tessa smágalla. Hún er meira gerd uppá sögutrádinn en sú fyrri og sögutrádurinn er góóóódur. Kom mér líka mjög á óvart tví ég var búin ad gera mér ákvedna mynd af framhaldinu tegar ég gekk út af mynd 1, sem ég sá sídan trisvar í vidbót.
Kill Bill 2 er mynd sem allir verda ad sjá, hvort sem teim líkadi Kill Bill 1 eda ekki, tessi er allt, allt ödruvísi...
Góda skemmtun.

P.S. afsakid ad tad vantar íslensku stafina, er í iMac tölvu sem stendur :)

Kill Bill Vol.2 er ein mesta snilld sem hefur verið sýnd í bíó. Þegar ég fór á hana var ég ný búinn að horfa á Kill Bill vol.1 í 4 skipti svo ég vissi nákvæmlega hva var búið að gerast og bjóst við að skemmta mér vel með því að horfa á góða mynd, en þegar ég kom út var ég í losti yfir snilldinni sem hún er, snilldarlega skrifuð og frábærlega leikinn. Þessi hluti er ekki nærri jafn blóðugur og sá fyrri en það skiptir engu. Í staðinn fyrir blóðið eru snilldar samtöl á milli charactera og í einu atriði fékk fékk ég ásamt vinum mínum innilokunar tilfiningu í kirkjugarðs atriðinu því það var svo vel tekið og leikurinn hja Uma Thurmann var frábær. En eitt fannst mér vanta og það voru flestir characternir úr fyrstu myndinni sem að voru drepnir, það hefði mátt segja meira um þá. Síðan vantaði líka Sophiu (besta vin O-Ren Ishii) sem að the bride skar hendina af og setti svo Shopie í skotið á bílnum sínum í lok fyrsta hluta og yfirheyrði, mér hlakkaði svo til að sjá hva Bill mundi gera við hana þar sem að fyrsta myndin endar á því að þau eru að tala saman en það er ekkert talað um það í hluta 2. En samt sem áður mæli ég með að allir fari á hana í bíó og taki hana út á leigu eða jafnvel kaupi hana þegar hún kemur út

,,Listaverk,, er það eina sem varð eftir í huga mínum eftir að hafa gegnið út af KILL BILL VOL 2. Ég er í raun orðlaus en sá mig þó knúin í að lofa þessa mynd, slík var hrifningin. Það er bara eitthvað svo óendanlega töff við myndina að orð fá því ekki lýst. Þessi tveggja mynda sería hefur að mínum mati markað tímamót og fyrir þá sem er orðnir leiðir á formúlumyndunum er þetta það sem þið hafið verið að leita að. Leikurinn, atburðarrásin, bardagaatriðin, allt þetta myndar þetta einhverja heild sem hrífur mann með sér. Um leið og myndin byrjaði þá var ég einhvernmegin orðin handviss um að þetta yrði eitthvað nýtt og framandi eins og fyrri myndin, og þvílíkt listaverk eins og áður segir.


En það er eitthvað ólýsanlega frumlegt og áhugavert við KILL BILL að ég get einfaldlega ekki komið því frá mér á skilvirkan hátt. Í myndinni er einnig að finna húmor en þó einhverja spennu sem ég hef ekki fundið áður því að þú veist einhvernmegin að þér á eftir að koma á óvart með því sem skeður næst, ég finn ekki oft fyrir þessari tilfinningu en í þessari mynd gerði ég það mjög sterkt. Ég vissi ekki af mér fyrr en hún var búin, sat inni í öllu hlénu og fannst eins og það ætlaði aldrei að enda, maður gæti eytt klukkustundum saman við að horfa á kvikmyndaverk sem þetta. Myndir sem ég hef áður séð hafa færst á lægri stall, ég er orðlaus...

Kill Bill vol.2...hmmm...hvað getur maður sagt um hana sem sýnir meistaraverkið í réttu ljósi? Við svona umfjöllun verður maður að vanda orð sín til þess að þið skiljið mann.

Kill Bill vol.1 var (er) ein uppáhaldsmyndin mín árið 2003 og ég gat ekki beðið til að sjá nr.2. Og nú get ég fullvissað fólki um það að þessi mynd (vol.2) er æðisleg. Það er bara allt í Kill Bill vol. 2 sem er gott. Það leið ekki sekúnda sem ég efaðist um seinni hlutann á Kill Bill. Fyrsta myndin var mjög blóðug og ofbeldisfull. Nr.2 er ekki með eins mikið af splatti, en reyndar fannst mér ofbeldið skemmtilegra (þegar þið sjáið hana skiljiði mig), og er atriðið með Uma og Daryl alveg brennt inn í mig ;) Það gefur orðinu 'Bitch' góða skýringu. Húmorinn í vol.2 slær út fyrri helminginn (finnst mér). Ég verð að þakka Gordon Liu fyrir að vera í Kill Bill. ÖLL atriðin með honum eru bara snilld! David (Bill) er mjög góður leikari (finnst mér eftir að sjá Kill Bill báðar). Hann setur sérstakan svip, eða eitthvað á myndina....gerir hana að Kill BILL! Bara röddin á honum, hann er Bill, who you must kill! Quentin T. hefur enn einu sinni sannan fyrir sér hversu góður leikstjóri hann er, og hversu góðar myndirnar hans eru ;) Mæli með þessari mynd, reyndar með báðum!!! Hehe...þessar myndir(þessi mynd, ef maður talar um þær í heild) eru ÆÐISLEGAR!! Verðið að fara á KILL BILL (nema þeir sem eru MJÖG viðkvæmir...og of ungir)!!!

Þegar ég gekk út af volume 1 hugsaði ég með mér hvort Tarantino gæti mögulega gert betur í seinni hlutanum. Svarið var án efa já. Kill Bill volume 2 er sennilega besta mynd sem ég hef farið á í bíó um ævina. Myndin er hreinlega as good as it gets. Að öllu er komið mjög fagmannlega og er það hreinn unaður að horfa á myndina. Volume 2 bætir fyrri hlutann gífurlega og líkur sögunni um brúðurina sem hefur hefnda að harma á snilldarlegan hátt. Reyndar hef ég verið að brjóta heilann um að reyna að finna einhverja galla á myndinni en ekki hefur það tekist(sem betur fer), allt er fyrsta flokks, handritið er frábært, fyndið,sniðugt,frumlegt og umfram allt heillandi. Leikstjórnin er ólýsanlega góð og vönduð og sannar Tarantino endanlega að hann er sá hæfileikaríkasti í Hollywood. Leikararnir eru allir fæddir í hlutverk sín. Uma Thurman sýnir eina bestu frammistöðu sem sést hefur á silfurtjaldinu og fer David Carradine á kostum í hlutverki titilpersónunnar. Einnig eru Michael Madsen og Daryl hannah stórgóð sem einhverjar skítlegustu persónur sem sést hafa. Það sem svo virkilega bætir vol 2 er að samtöl og persónusköpun eru nú í aðalhlutverkum í stað ýkts ofbeldis, þó það sé en til staðar í flottum bardögum og er sami frábæri húmorinn en til staðar. Einnig er tónlistin notuð á einstaklega góðan hátt. Volume 2 er ekki bara allt að ofangreindu heldur líka sorgleg ástarsaga milli tveggja einstaklinga sem getur aðeins endað með dauða annars hvors þeirra. Sem heild er Kill Bill vol 1 og vol 2 ein besta mynd sögunnar en aðskildar ber volume 2 höfuð og herðar yfir volume 1 og get ég ekki beðið eftir að sjá hana aftur og í þriðja sinn og kannski í fjórða sinn en svo er komið nóg, þar til hún kemur á dvd því þá verð ég fremstur í röðinni.

Ég hélt þetta væri ekki hægt!! Þær gífulegu væntingar sem ég hafði til þessarar myndar stóðust 200%!!. Hvernig er hægt að gera svona fullkominn seinnihluta af mynd eins og Kill Bill?? Ég er ekkert síður orðlausari eftir þessa mynd en eftir hina fyrri - myndina sem ég hafði engar væntingar til! Báðir partarnir eru þó gífurlega ólíkir. Á meðan partur 1 sér um allt actionið er partur 2 langtum meira sagan. Samt var þetta svo ótrúlega góð mynd að mér fannst hún vera svona hálftími á lengd. Það er líka þessvegna sem mér þykir volume 2 alveg þola talsvert meira efni - en getgátur hafa verið uppi um Director's cut DVD útgáfu, og trúi ég því að hún yrði enn betri en þessi upprunalega útgáfa. Aldrei neinar langlokur(bara íslenskt brennivín :), alltaf allt fullkomið. Engar tæknibrellur til að taka sjónar manns af myndinni í smá stund (og ég sem er nú hálfgert tæknibrellufan). Þetta er svo fullkominn endir á góðri mynd að það er eiginlega ekki til orð fyrir það. Eftir að hafa séð báðar Kill Bill er alveg á hreinu að hér er á ferðinni mynd sem lækkar allar aðrar myndir í mínu áliti og í heildina séð held ég að ég geti með nokkuri vissu staðfest að Kill Bill er besta mynd sem ég hef séð!!

Já það virðist svo vera að eg er sá eini herna sem gefur þessari mynd minna en 4 stjörnur ;( .

En já eins og við mátti búast þá heldur Quentin Tarantino snilldini sinni í þessari mynd, þó að eg verð að segja að eg fílaði Kill Bill volume 1 betur en þessi seinni hluti.

Það eru margar aðstæður T,D ; þá voru fleiri og flottari bardagatriði í nr 1 síðan fanst mer nr 1 líka vera fyndnari en það er samt eitt sem kill bill vol.2 hefur sem nr 1 hefur ekki og það eru míkið betri sammtöl og persónusköpun.

En í raun á nú að líta á þetta sem eitt stórt meistaraverk.

Allavega mæli eg eindregið með þessari mynd hún er frábær í alla staði, og ætti ekki að svikja neinn. Enda hefur engin Tarantino mynd svikið mig hingað til alveg hreynt ótrulegt hvað þessi fyrirverandi vídeoleigugúru hefur gert stórkostlegar myndir, kemur altaf á óvart.

Takk fyrir tíman sem þið eyddu í það að lesa þessa grein.


PS: Tími er dýrmætur farið og gerið eithvað nytsamlegt með þessum litla tíma sem er eftir af þessari tilgángslauri æfi ykkar !!! ;/

Þá er lengsta bíóhlé kvikmyndasögunnar komið á enda, og eftir heilmikla óþolinmæði verð ég að játa sjálfan mig pínu svekktan yfir lokaniðurstöðunni. Það munar öllu að geta séð Kill Bill sem loks þá heild sem henni var ætlað að vera, en eftir að hafa horft á seinni helminginn (vol. 2) finnst mér eins og þetta hefði frekar átt að vera tvær myndir frá upphafi því sitthvoru hlutarnir eru alltof, alltof ólíkir, bæði í stíl og frásögn.Kill Bill vol. 1 var tryllt kvikmyndaveisla sem hélt frábærum dampi. Þetta var flottur óður til austurlenskra mynda með smá kryddi af spagettívestra að hætti Sergio Leone. Vol. 2 er andstæðan við það. Hún reynir að vera meira í stíl við hægan vestra með fáein atriði sem minna á asískar bardagamyndir. Hugmyndin um þessa skiptingu er reyndar mjög sniðug, en afraksturinn er svoddan vonbrigði. Ekki það að þetta sé slæm mynd til áhorfs, því hún er frekar góð. Hún bara smellur engan veginn við hinn hæper-helminginn, og ef ég ætti að líta á hana sem staka einingu, þá er myndin bara viðburðarlítil, teygð og m.a.s. leiðinleg sum staðar. Það er ýmislegt sem ég fíla við myndina, þá vel. Tónlistarnotkunin er mergjuð og stílbrögðin eru oft álíka brjáluð og í Vol. 1. Svo er hún svo ótrúlega vel leikin, og ég á eiginlega erfitt með að muna hvenær Uma Thurman var seinast svona góð. Hlutverkið er kröfuharðara í þessari lotu og kemur konan þrusuvel út. Michael Madsen er einnig sterkur og Daryl Hannah er ljómandi skemmtilegur kvendjöfull sem maður elskar að hata. Húmor spilar einnig stóran þátt, þó næstum alveg í höndum Gordon Liu, sem er geysilega eftirminnilegur og vægast sagt sprenghlægilegur sem bardagagoðið Pai Mei.David Carradine set ég stórt spurningarmerki við. Hann hefur frábæra rödd, en sem Bill, hinn ofursvali töffari sem hefur verið mikið hæpaður upp úr síðustu mynd, virkar hann bara frekar leiðinlegur. Einræðurnar sem hann fær eru líka voða óspennandi, en það er meira handritinu að kenna. Quentin Tarantino hefur náttúrlega ekki gert mynd með löngum samtölum í svolítinn tíma, og það sést. Samræðurnar reyna að vera hnyttnar, en þær verða bara teygðar af engri ástæðu. Til dæmis fáum við að heyra Bill tala um dauðan fisk í u.þ.b. 5 mínútur. Við þessu verð ég eiginlega bara að spyrja: Til hvers í andskotanum?? Auk þess er myndin yfir tveir tímar að lengd, þegar hún gat léttilega orðið einn og hálfur tími. Það er ekki einu sinni söguþráður til staðar lengur, heldur bara fylgjumst við með mismunandi aðstæðum og langdregnum flashback-senum. Quentin þó!Ég fílaði reyndar ofbeldið! Það mun vissulega aldrei toppa Blue Leaves-kaflann í seinustu mynd, en það er ennþá harðara hérna. Stóra uppgjörið milli Hannah og Thurman er án efa einhver hrottalegasti og sársaukafyllsti 'bitch-fight' sem ég hef séð í bíómynd, en þess vegna varð hann alveg dásemd til að fylgjast með. QT hefur aldrei verið þekktur fyrir að sýna áhorfandanum mikla miskunn hvað varðar ósmekkleika og felur brandaranna oft í ógeðsatriðum.Kill Bill Vol. 2 er slakasta Tarantino-myndin til þessa. Það er líka margfalt meira svekkjandi að horfa á hana þar sem að byrjunin á "myndinni" lofaði svo hrikalega góðu.6/10

Þá er bara búið að sjá volume 2 af Kill Bill eftir Tarantino sem alltaf nær einhvern megin að gefa frá sér snilldarverk í einu formi eða öðru. Kill Bill vol.1 var einstök á sinn hátt og líka vol.2. Þessar tvær myndir þó sú sama báðar eru öðruvísi og geta verið tvær aðskildar myndir en þó þá er vol.1 með litla persónusköpun og blóðug bardaga-atriði en vol. 2 er með mikla perónusköpun og lítil bardaga-atriði. Vol. 2 er lengri en vol. 1 og að mínu mati nær hún að toppa vol. 1 naumlega. Núna er ´The Bride´ að halda áfram hennar ´DeathListFive´ og er núna að miða á Budd, Elle og Bill fyrverandi starfsfélaga. Michael Madsen sem lék Budd fannst mér standa sig rosa vel. Daryll Hannah er bara hreint grimm og eins og ´The Bride´ segir: ´bitch´. Og ég er sammála því. Hún Hannah nær því að leika hana eins og ekkert væri auðveldara. Hann David Carradine sem leikur Bill er eins og búast mátti stórfenglegur. Kill Bill vol. 2 hefur að bjóða meiri Tarantino og minna af Kínverskum bardögum og svona Hong Kong stíla. Vol. 1 gerist nú mest öll í Japani en vol. 2 bara í Bandaríkjunum. Kill Bill vol. 2 er mjög vel heppnaður seinni hluti og alls ekki slakari en sá fyrri, eins og ég sagði þá er meira af Tarantino þá á ég við samræður sem eru þvílíkt langar en þvílíkt góðar. Húmor sem er einstakur (kannsi ekki alltaf fyndinn) og grimmd sem er mjög raunveruleg þó Kill Bill sé byggð af hluta á súrreal ploti og persónum. Hann kann að blanda þessu öllu saman segi ég. Takið eftir honum Samuel L. Jackson sem Rufus organspilarann í kapellunni í byrjun myndarinnar, hann kemur með sitt litla cameo þar. Saman vol. 1 og vol. 2 er Kill Bill og þá ein besta Tarantino myndin. Hún toppar Jackie Brown en er nálægt reservoir Dogs en Pulp Fiction stendur hæst uppi sem besta mynd Tarantinos. Kill Bill er bara ein önnur snilld hans Tarantinos. Það þarf nú að bíða eftir að Tarantino gerir EKKI snilldarmynd.