Vanishing on 7th Street (2010)

Spennutryllirinn Vanishing on 7th Street gerist í stórborginni Detroit. Luke Ryder (Hayden Christensen) er þekktur sjónvarpsmaður sem uppgötvar dag einn, þegar hann er á leið í vinnuna, að hreinlega allir borgarbúar virðast hafa gufað upp. Um borgina standa yfirgefnir bílar á víðavangi, þar sem fólk hefur verið eru nú einungis fatahrúgur og auk þess er rafmagnið smám saman að fara. Eftir að hafa vafrað um í nokkurn tíma rekst Luke á Rosemary (Thandie Newton), hinn munaðarlausa James (Jacob Latimore) og einfarann Paul (John Leguizamo). Ákveða þau að halda hópinn, því ókunn ógn herjar á þau í ofanálag. Hvar sem myrkrið leynist eru þau ofsótt af skuggamyndum fólks og skepna sem virðast helst af öllu vilja drepa þau. Fjórmenningarnir reyna hvað þau geta að halda sig í ljósinu, en það er erfitt þegar rafmagnið er farið og sólin kemur sífellt seinna upp...