Arlington Road
Bönnuð innan 16 ára
SpennumyndSpennutryllirRáðgáta

Arlington Road 1999

Frumsýnd: 23. apríl 1999

How well do you know your neighbour?

7.2 76,991 atkv.Rotten tomatoes einkunn 63% Critics 7/10
117 MÍN

Michael Faraday, söguprófessor, býr ásamt tíu ára syni sínum, Grant, í úthverfi höfuðborgarinnar Washington. Tvö ár eru liðin frá því eiginkona Faraday var drepin en hún vann fyrir FBI og leitar þessi atburður mikið á prófessorinn. Fyrir tilviljun vingast hann við nágranna sína sem nýfluttir eru í hverfið, Oliver og Chery Lang. Faraday tekur þessum... Lesa meira

Michael Faraday, söguprófessor, býr ásamt tíu ára syni sínum, Grant, í úthverfi höfuðborgarinnar Washington. Tvö ár eru liðin frá því eiginkona Faraday var drepin en hún vann fyrir FBI og leitar þessi atburður mikið á prófessorinn. Fyrir tilviljun vingast hann við nágranna sína sem nýfluttir eru í hverfið, Oliver og Chery Lang. Faraday tekur þessum vinskap með opnum huga enda búinn að einangra sig í langan tíma. Það renna þó fljótt á hann tvær grímur þegar hann kemst að því að ekki er allt satt sem þeu segja um líf sitt. Óróleiki Faradays verður að sterkum grun um að Lang-hjónin séu alls ekki það sem þau líta út fyrir að vera, þau hafi eitthvað á prjónunum sem ekki þoli dagsins ljós.... minna

Aðalleikarar

Jeff Bridges

Michael Faraday

Tim Robbins

Oliver Lang

Hope Davis

Brooke Wolfe

Robert Gossett

FBI Agent Whit Carver

Mason Gamble

Brady Lang

Spencer Treat Clark

Grant Faraday

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (5)


Arlington road er hálf mislukkuð mynd. Þó ekki alslæm, myrk og á köflum kraftmikil en vekur bara ekki nógu mikla spennu. Jeff Bridges og Tim Robbins finnst mér yfirleitt báðir vera úrvalsleikarar en því miður var ég bara ekki að fíla þá nógu vel í þessari mynd. Ég meina þeir léku vel en voru bara ekki í nógu skemmtilegum hlutverkum. Myndin tollir þó í meðallagi fyrir ýmsa kosti svosem mjög flotta myndatöku ásamt myrku útliti en það er bara ómögulega hægt að gefa henni meira en tvær stjörnur. Þrátt fyrir allt má nú hafa örlítið gaman af Arlington road sé maður í rétta skapinu.
Fannst þér gagnrýnin hjálpleg? Nei

Það fyrsta sem mér datt í hug þegar ég sá posterið á Arlington Road var: "Guð minn góður, enn ein klisjumyndin um illa nágrannann..." Samt fór ég að sjá hana og ég sé sko ekki eftir því. Ég segi það satt, plottið í þessari mynd er eitt það furðulegasta og glæsilegasta sem ég hef nokkurn tíma augum litið! Það kastar þér fram og aftur, upp og niður og þegar myndin er búin hugsarðu: "Einmitt, mikið ofsalega gekk myndin upp." Þetta er myndin sem þú ættir að leigja þér ef þér leiðist og enginn er í kringum þig, því það er varla hægt að fylgjast nægilega með henni undir miklu áreiti, þá vill maður missa af ýmsum kvikmyndalegum smáatriðum sem vert væri að sjá. Ekki láta samt sumar af steríótýpunum og asnalegu klisjunum angra þig; maður tekur ekkert eftir þeim ef maður vill það ekki. Skemmtu þér vel!
Fannst þér gagnrýnin hjálpleg? Nei

Barastasta góð mynd í alla staði. Tim Robbins sérstakleg góður sem vondi manninn. Endirinn var hreinasta snilld. Takk fyrir mig að þessu sinni...
Fannst þér gagnrýnin hjálpleg? Nei

Þessi mynd er topp spennumynd. Jeff Bridges og Tim Robbins leika sinn leik af þvílíkri snilld og Joan Cusack er líka mjög góð í myndinni. Maður var alltaf spenntur yfir því hvað gerðist næst. Það sem toppar þessa mynd er endirinn sem er einn af bestu endum sem ég hef séð. Það er engin vafi á því að þessi mynd er bara hreinasta snilld.
Fannst þér gagnrýnin hjálpleg? Nei

Spennandi og afburða vel gerður tryllir sem fjallar um kennara nokkurn, leikinn af Jeff Bridges sem kemst að því að nýji nágranni hans (Tim Robbins) er ekki allur þar sem hann er séður. Ásamt því að vera mjög svo vel leikin þá er öll tæknileg vinnsla fyrsta flokks, sérstaklega myndataka og tónlist. Myndin heldur uppi spennu frá upphafi til enda og margt sem gerist í myndinni er allt annað en útreiknanlegt. Það er alveg óhætt að mæla með henni, hún fær þrjár stjörnur hjá mér.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn