Hot Tub Time Machine
Öllum leyfðÍ myndinni er sýnd nekt og/eða þar er að finna kynferðislega hegðun eða tilvísanir
Myndin vísar til eða sýnir notkun vímuefna
Í myndinni er ljótt orðbragð
GamanmyndVísindaskáldskapurÆvintýramynd

Hot Tub Time Machine 2010

Frumsýnd: 31. mars 2010

Kick Some Past

6.4 153,289 atkv.Rotten tomatoes einkunn 63% Critics 6/10
99 MÍN

Fjórir vinir sem allir eru orðnir hundleiðir á sínu tilbreytingarsnauða lífi, uppgötva að þeir geta ferðast aftur í tímann í heitum potti. Þetta nýta þeir sér óspart til að ferðast til níunda áratugarins þegar þeir voru upp á sitt besta.

Aðalleikarar

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (1)

Partýmynd sem heldur dampi
Alveg sama hvað aðrir hefðu sagt við mig um Hot Tub Time Machine þá hefði ég samt farið á hana bara útaf nafninu, sem minnir á eitthvað úr óborganlegri C-mynd. Sem betur fer tókst mér að hafa aulalega gaman að allri vitleysunni, og það er einungis hægt ef menn gera sér grein fyrir því hvað heildin er mikil steypa. Myndinni er samt svo nett sama um það hvað hún er oft kjánaleg og yfirdrifin í bæði gríni og smekkleysu. Hún er bara þannig, og ánægð með það. Sjálfsöryggið er algjörlega í botni og með hjálp frá góðum húmor og þrælskemmtilegu samspili leikaranna verður hún að ljómandi góðri kvöldskemmtun, sem á þó líklegast meira erindi til þeirra sem þekkja betur til '80s tímabilsins heldur en flestir unglingar gera í dag.

Ef Back to the Future myndi eignast barn með The Hangover (þrátt fyrir 24 ára aldursmun... skammist ykkar!), þá yrði þessi mynd afraksturinn. Húmorinn setur sér samt ekki þroskuð markmið, og það kemur oft fyrir að manni finnst barnalætin vera fulláberandi. Samt er nógu mikið af góðum einkahúmor og asnaskap til að halda manni vakandi og með glottið límt við varirnar allan tímann. Leikararnir fjórir hjálpa líka heilmikið til. John Cusack haltrar samt örlítið á eftir öllum hinum. Hann er fínn en bara ekki nærri því jafn hress og félagar hans. Craig Robinson, Rob Corddry og Clark Duke eru allir þrír einmitt dúndurskemmtilegir, saman og í sitthvoru lagi. Corddry nýtur sín klárlega mest en Robinson fær að mínu mati langbestu senuna. Vil helst ekki segja neitt um hana, en hún viðkemur ákveðnu símtali. Tilvísun hans í titil myndarinnar var líka mögnuð. Mér finnst einnig heldur skondið hvað Duke er lágstemmdur og vandræðalegur þrátt fyrir að vera yngstur. Síðan höfum við þá Crispin Glover og Chevy Chase (hann er semsagt enn á lífi??), sem gera ekkert rosalega mikið og fá í rauninni bara einn brandara á mann til að endast út alla myndina. Maður fattar samt fljótt '80s tenginguna þeirra og þess vegna er fínt að hafa þá.

Annars geta menn sagt hvað sem þeir vilja um þennan áratug. Ég ætla að hrósa honum sterkt fyrir að bjóða upp á minnisstætt hlaðborð af mörgum hættulega grípandi lögum, og aðstandendur myndarinnar virðast vera sammála mér. Tónlistin í Hot Tub er nefnilega asskoti lífleg og vel valin.

7/10

Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn