Tropic Thunder
Bönnuð innan 16 áraÍ myndinni er ofbeldi
Myndin vísar til eða sýnir notkun vímuefna
Í myndinni er ljótt orðbragð
SpennumyndGamanmynd

Tropic Thunder 2008

Frumsýnd: 27. ágúst 2008

Myndin sem þeir halda að þeir séu að búa til...er ekki mynd lengur

7.0 348,475 atkv.Rotten tomatoes einkunn 81% Critics 7/10
107 MÍN

Nokkrir leikarar með mjög mikið sjálfsálit eru við tökur á stórri Víetnam-stríðsmynd að nafni Tropic Thunder. Tökurnar ganga skelfilega og þeir eru því sendir út í frumskóg fullan af földum myndavélum til að fanga betur stríðsástandið og vonandi ná trúverðugri frammistöðu úr þeim, en komast í hann krappan þegar þeir lenda í alvöru herskáum... Lesa meira

Nokkrir leikarar með mjög mikið sjálfsálit eru við tökur á stórri Víetnam-stríðsmynd að nafni Tropic Thunder. Tökurnar ganga skelfilega og þeir eru því sendir út í frumskóg fullan af földum myndavélum til að fanga betur stríðsástandið og vonandi ná trúverðugri frammistöðu úr þeim, en komast í hann krappan þegar þeir lenda í alvöru herskáum eiturlyfjasmyglurum.... minna

Aðalleikarar

Ben Stiller

Tugg Speedman

Tom Cruise

Les Grossmann

Jack Black

Jeff Portnoy

Robert Downey Jr.

Kirk Lazarus

Nick Nolte

Four Leaf Tayback

Steve Coogan

Damien Cockburn

UMFJALLANIR AF ÖÐRUM MIÐLUM


Svipaðar myndir


Gagnrýni (6)


Ég ætlaði að sjá þessa í bíó en missti af henni. Það er eins og myndir detti úr bíó á einni viku á þessu landi. Ég var ansi spenntur að sjá þessa enda frábær leikstjóri hér á ferð með góða hugmynd og ótrúlegt úrval leikara. Myndin var líka auglýst til dauða og fékk mikið hype. Helstu leikarar: Robert Downey jr., Ben Stiller, Jack Black, Tom Cruise, Nick Nolte og Steve Coogan. Downey jr. hefur fengið mesta athygli fyrir að leika leikara sem leikur svartan mann. Hann er mjög góður í því hlutverki en mér fannst Tom Cruise lang fyndnastur í þessari mynd, mjög óvænt. Það er mjög gaman að fylgjast með þessum leikurum en myndin er langt frá því að vera gallalaus. Stærsti gallinn er sá að það eru alltof fáir góðir brandarar í myndinni, þeir voru eiginlega allir í sýnishorninu. Ég hló lítið sem ekkert af henni. Svo varð allt grínið um þeir væru ekki að fatta að þetta væru raunverulegar aðstæður ansi fljótt þreytt. Allar plat myndir í mydinni voru vel heppnaðar, gervi trailerar í byrjun og Stiller með þroskahefta Jack (full retard). Ég varð fyrir vonbrigðum á heildina litið en það var samt þess virði að sjá hana.
Fannst þér gagnrýnin hjálpleg? Nei
Húmor sem virkar
Þó að ég sé ekki mikill aðdáendi Stillers og Black, þá ná þeir að halda mér við efnið og láta mig hlæja þegar við á í Tropic Thunder. Handritið var frumlegt og áhugavert, leikur þeirra Stillers og Black var sí svona á tímabili, Downey Jr stal senunni í þessari mynd.
Myndin nær að sýna fram á hvernig sumir leikarar eru "typecast" fyrir að leika aðeins í ákveðnum tegundum af kvikmyndum.

Loka einkunn: 7/10
Fannst þér gagnrýnin hjálpleg? Nei
Steikt og nokkuð góð
Yndislega skemmtileg svört gamanmynd um nokkra leikara(leiknir af Ben Stiller, Robert Downey Jr, Jack Black o.fl.) sem halda til Asíu til að taka upp stríðsmynd en brátt ramba þeir á ósvikna morðingja og átta sig aðeins of seint á því að þetta er orðið full alvara. Svarti og steikti húmorinn í þessari mynd Tropic Thunder nær hátt upp í gæðaskalanum og hló ég töluvert að öllum kaldhæðnu bröndurunum. Leikararnir standa sig með prýði, Ben Stiller er frábærlega ýktur og yfirdrifinn, Robert Downey Jr þokkalega svalur sem Ástrali sem þykist vera blökkumaður og Jack Black sem virðist gera lítið fyrir söguna til að byrja með kemur á fullt skrið seinni partinn og málar bæinn rauðan. Tropic Thunder á sér fáa punkta sem ekki virka og munar ekki miklu að ég gefi henni 9/10 en ég ætla að gefa henni 8/10 því hún er ekki beint frábær heldur stórgóð skemmtun. En ég ætla að sjá hana aftur svo sannarlega. Kemur örugglega til með að eldast vel.
Fannst þér gagnrýnin hjálpleg? Nei
Frábærir Cruise og Downey
Það eru nokkrar góðar ástæður fyrir að mæla eindregið með þessari mynd. Í fyrsta lagi mæli ég með því að fólk sjái hana til að sjá Tom Cruise dansa og bölsótast í hlutverki framleiðanda Tropic Thunder- mig langar næstum að sjá myndina aftur, svo skemmtilegur var hann. Í öðru lagi þarf að sjá þessa mynd til að fylgjast með Robert Downey Jr. í hluverki svarts manns ( reyndar var hann líka flottur sem ástralinn) en svo vel fór hann með hlutverkið að maður þurfti að minna sig á að þetta væri Downey, en ekki einhver allt annar. Svo mæli ég með myndinni til að sjá treilerana í byrjun, mjög skemmtilegt. Svo til viðbótar við þetta þá á Jack Black oft góða spretti, sérstaklega þegar hann er bundinn við tré, og Ben Stiller er frábær sem Simple Jack. Ekki má heldur gleyma Nick Nolte sem unun er að horfa á sem hermanninn sem samdi söguna Tropic Thunder.
Þó handritið mætti vera aðeins meira slípað og myndin renna betur, þá er þetta átta stjörnu mynd hiklaust vegna framangreinds.
Fannst þér gagnrýnin hjálpleg? Nei
Stríðsmynd með grín húmor!!!
Ben Stiller hefur ávallt náð að skemmta áhorfendum með sínum wacky myndum, þar sem hægt er að nefna myndir eins og Zoolander og Cable Guy. Nýjasta mynd hans, Tropic Thunder, er engin undantekning.

Fjallar um hóp kvikmyndagerðamanna sem ákveða að gera flottustu stríðsmynd ever. In fact, þeir ætla sér að gera hana svo real, að þeir senda aðalleikarana út á alvöru stríðssvæði til að taka upp myndina án þess að þeir hafa enga hugmynd um.

Tropic Thunder er, að mínu mati, frábær skemmtun. Með virkilega fínum húmor, miklum sprengingum og látum, og frábæra frammistöðu frá einum aðila. Ben Stiller skilar ávallt sínu, þó hann sé farinn að vera fastur í hálfgerðu rútínu hlutverki. Jack Black er einnig ágætur í hlutverki sem einn af aukaleikurunum. En sá sem er hvað skemmtilegastur í myndinni er Robert Downey Jr. Túlkun hans á svertingja er vægast sagt sprenghlægileg, og hef ég aldrei hlegið jafn mikið yfir grínframmistöðu.

Það sem að ég var einnig að fíla er að þeir sýna svona fake trailera í byrjun þar sem aðalsöguhetjur myndarinnar Tropic Thunder koma við sögu. Og eru þessir trailerar algjörir snilld, og hló ég alveg virkilega fyndið af þeim.

En yfir heildina, er þetta fínasta skemmtun sem allir ættu að geta notið í botn.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn