The Heartbreak Kid (2007)

Fullur efasemda tók ég þessa spólu um daginn úti á leigu. Maður hafði lítið heyrt talað um myndina, og greinilega um flopp að ræða. En þar sem þetta eru Farrelly bræður, þá ákvað ég að gefa þeim séns, enda hló maður duglega að Dumb And Dumber. Það er skemmst frá því að segja að það var rétt að maður nennti að hanga yfir ræmunni til enda. Hún var ekki fyndin, lítið um fáránleikahúmor Farrelly bræða ( eitt detta í gangstéttina-atriðii, eitt atriði þar sem manneskja dettur í sjóinn og eitt marglyttuatriði). Mig grunar að Farrellyarnir hafi þarna verið að reyna að feta sig frá fáránleikanum, og brydda upp á einhverri heimspeki, sem þó var talsvert dulin, og skilja þar með eftir í huga manns einhverjar vangaveltur í lok myndar; og þá spurninguna; hvenær eru maður geggjaður, hver er geggjaður, og hvað gerir mann bilaðan. Var Ben Stiller þá kannski sá bilaðasti af öllum? Eða er ég orðinn bilaður?Get því miður ekki mælt með þessu.

Þessi kvikmynd The Hearthbreak Kid er ágæt kvikmynd. Fín afþreying og Ben Stiller er náttúrulega bara snillingur. Ben Stiller leikur mann sem finnur aldrei þá einu sönnu ást. Í myndinni koma fyrir nokkrir grófir en fyndnir brandarar.



Þessi kvikmynd er góð ef þú ert í hláturstuði