Stuck on You (2003)

Ég sá þessa mynd á spes Popp Tíví sýningu sem var fyrir 2 vikum. Ég skemmti mér mjög vel á þessari mynd. Matt Damon og Greg Kinnear eru góðir saman sem bræðurnir. Hún er samt ekki nálægt því jafn góð og fyrri myndir þeirra félaga, eins og Kingpin eða There's Something About Mary, en samt mikil skemmtun fyrir fólk á öllum aldri. Hún fær 3 stjörnur.

Þetta er svo sem ágætis skemmtun, en er ekki neitt rosalega góð. Hér er um að ræða mynd eftir Farrelly bræður sem gerðu t.d. There is somthing about Mary og Me, myself and irene. Þessi fjallar um síems-tvíbura sem búa í einhverju krummaskurði í Bandaríkjunum. Annarr þeirra á skyndibitastað en hinn er leikari. Þeir ákveða svo að fara til L.A. til þess að leyfa Walter (sem er leikarinn) að upfylla drauma sína um að leika eitthvað alvarlegra en bara einn á sviði í smábænum sem hann býr í. Þegar þangað er komið hitta þeir Cher sem leikur sjálfa sig og hún gefur honum hlutverk í þáttum sem hún leikur í og þá byrja hjólin að snúast fyrir þá félaga. Þetta er ekki besta mynd þeirra Farrelly bræðra, þó voru brandararnir fínir og maður hló alveg en þegar yfir er litið er þetta frekar slöpp mynd. Leikurinn hjá Matt Damon og Greg Kennyer var ágætur en hjá Cher var hann alveg hörmulegur og hefði myndin verið mun betri ef Cher væri ekki í henni, það var bara leiðinlegt þegar hún birtist á tjaldinu. Hún er búin að fara í svo margar strekkingar að manni líður illa að horfa á hana. Þau ykkar sem langar að sjá hana ráðlegg ég ykkur að bíða þangað til hún kemur út á leigu.

Nýjasta kvikmynd þeirra Farrelly bræðra (There is something about Mary, Dumb and dumberer) nefnist Stuck on You. Þeir bræður hafa verið þekktir fyrir jaðarhúmor sem á það til að fara fyrir brjóstið á mörgum. Þeir taka þá fyrir sem minna mega sín í þjóðfélaginu og gera svolítið grín að þeim. Stuck on You fer aðrar leiðir og sýnir aðra hlið á þeim bræðrum. Húmorinn og söguþráðurinn nær meiri dýpt og myndin sýnir mannlegt eðli og hvað það er í rauninni skammt á milli hláturs og gráturs. Stuck on You fjallar um bræðurna Bob (Matt Damon) og Walt (Greg Kinnear). Þeir búa í litlu sveitarþorpi í Bandaríkjunum og hafa það bara stórfínt. Það eina sem hrjáir þá að þeir eru fastir saman á mjöðminni. Aðgerð er erfið því annar þeirra hefur stærri hlutann af lifrinni og því ákváðu þeir að vera bara svona. Þeir bræður eru mjög ólíkir. Walt er framsækinn og vill verða leikari en Bob er til baka og nægjusamur. Bob felst þó á að fara með Walt til Hollywood að freista gæfunnar. Þar byrjar ævintýrið fyrir alvöru og hjólin fara að snúast. Stuck on You fer hárfína línu á milli þess að vera dramamynd og gamanmynd. Farrelly bræður sýna sínu alvarlegu hlið og ferst það vel úr hendi. Stuck on You er um sigur mannsandans og sýnir okkur að það er hægt að ná langt þrátt fyrir að lífið sé ekki alltaf dans á rósum. Vel heppnuð mynd sem fær mann til að hugsa.

Mjög góð ræma sem heldur manni þokkalega við efnið.

Myndin var alls ekki það sem ég bjóst við, hún var ekki jafn findin þ.e. það var ekki jafn mikið af aulahúmor og ég bjóst við, þess í stað hafði hún mun meira til brunns að bera.

Farrelli snillingarnir klikka alls ekki með þessari ræmu þó svo að þeir færi sig töluvert mikið frá fyrri aulahúmor (sem virkaði vel) í átt að meiri alvöru þar sem grábroslegur hversdagsleikinn er meira viðfangsefni heldur en í Dumb & Dumber.

Get vel mælt með henni þar sem ég skemmti mér konunglega yfir áhorfinu.

Þetta er nokkuð fyndin mynd á tímum og Matt Damon og Greg Kinnear eru mjög fyndnir sem bræðurnir tveir. Það eru mörg fyndin atriði í myndinni sem hægt er að hlæja að en það sem vantar í þessa mynd miðað við hinar myndirnar sem bræðurnir gerðu er að skemmtanagildið er ekki eins mikið og í hinum myndunum. Annars er þessi mynd bara hin fínasta skemmtun.

Verð bara að segja að þetta er slakasta mynd Farrelly bræðra hingað til. Það er Voða lítill söguþráður, fjallar bara um Walt (Greg Kinnear) and Bob(Matt Damon)sem eru samvaxnir og hvernig þeir lifa sínu lífi. Myndin var frekar þunn og var kannski ekki við öðru að búast þar sem ég fór á þessa mynd til að hlægja að asnalegum bröndurum sem hafa einkennt Farrelly bræðurna. jújú það stökk á mér bros endrum og eins en ekkert meira. Síðan er verið að reyna mynda einskonar tilfinningarþrungið andrúmsloft milli kynjanna þegar einn af þeim verður svo ástfanginn en allt er svo erfitt vegna þess hvernig hann er en þetta verður allt soldið asnalegt og nær ekkert til manns.


frekar bara súr mynd.

Það er athugavert að sjá hversu mikið Farrelly-bræðurnir hafa þroskast upp úr neðanbeltishúmornum og ósmekklegum greddubröndurum. Stuck on You er langt frá því að vera með þeim fyndnustu eða eftirminnilegustu myndum frá bræðrunum (Dumb & Dumber og Kingpin hafa alltaf verið efstar á blaði hjá mér), en hún er þó a.m.k. upplyfting frá Shallow Hal, sem mér þótti alltaf einum 'of' sykursæt. En hvað með það. Stuck on You er í raun svona ''einna brandara mynd,'' eins og má orða það. En ef hún er eitthvað, þá er hún oft á tíðum virkilega fyndin, en þá á allt öðruvísi hátt heldur en hinar voru. Í þessu tilfelli er húmorinn almennt lágstemmdari og gengur meira út á línur heldur en atvik, sem þarf alls ekki að vera neikvætt. Það sem gerir hana svona fyndna er óborganlegur ''samleikur'' þeirra Matt Damon og Greg Kinnear. Einhvern veginn ná þeir að halda þessum 'eina' brandara (sem gengur einfaldlega út á samvöxt þeirra) sífellt ferskum og án þess að hann fari út í of mikinn ósmekkleika. Aftur á móti er það hún Cher sjálf (já, hún!) sem virðist eiga einhver bestu augnablikin. Er gert mátulegt grín að henni og ferli hennar í myndinni. Það sem bræðurnir hins vegar klikka á er söguþráðurinn. Þeir fara vissulega eftir sínum föstu formúlum en myndin er svo þunn að það hefði mátt skera aðeins meira af lengdinni eða a.m.k. fylla litríkari aukapersónur inn í hana. En burtséð frá því þá gera þeir góða hluti með efnið. Því líkt og með flestar aðrar myndir þeirra, þá hefur hún hjartað á réttum stað og boðskap sem kemst mjög vel til skila. Þetta er prýðisgóð gamanmynd sem er bæði tímans og peninganna virði. En þá bara vegna Damon & Kinnear... ekki spurning.6/10