Tropic Thunder (2008)

Það eru nokkrar góðar ástæður fyrir að mæla eindregið með þessari mynd. Í fyrsta lagi mæli ég með því að fólk sjái hana til að sjá Tom Cruise dansa og bölsótast í hlutverki framleiðanda Tropic Thunder- mig langar næstum að sjá myndina aftur, svo skemmtilegur var hann. Í öðru lagi þarf að sjá þessa mynd til að fylgjast með Robert Downey Jr. í hluverki svarts manns ( reyndar var hann líka flottur sem ástralinn) en svo vel fór hann með hlutverkið að maður þurfti að minna sig á að þetta væri Downey, en ekki einhver allt annar. Svo mæli ég með myndinni til að sjá treilerana í byrjun, mjög skemmtilegt. Svo til viðbótar við þetta þá á Jack Black oft góða spretti, sérstaklega þegar hann er bundinn við tré, og Ben Stiller er frábær sem Simple Jack. Ekki má heldur gleyma Nick Nolte sem unun er að horfa á sem hermanninn sem samdi söguna Tropic Thunder.Þó handritið mætti vera aðeins meira slípað og myndin renna betur, þá er þetta átta stjörnu mynd hiklaust vegna framangreinds.

 Ben Stiller hefur ávallt náð að skemmta áhorfendum með sínum wacky myndum, þar sem hægt er að nefna myndir eins og Zoolander og Cable Guy. Nýjasta mynd hans, Tropic Thunder, er engin undantekning. Fjallar um hóp kvikmyndagerðamanna sem ákveða að gera flottustu stríðsmynd ever. In fact, þeir ætla sér að gera hana svo real, að þeir senda aðalleikarana út á alvöru stríðssvæði til að taka upp myndina án þess að þeir hafa enga hugmynd um. Tropic Thunder er, að mínu mati, frábær skemmtun. Með virkilega fínum húmor, miklum sprengingum og látum, og frábæra frammistöðu frá einum aðila. Ben Stiller skilar ávallt sínu, þó hann sé farinn að vera fastur í hálfgerðu rútínu hlutverki. Jack Black er einnig ágætur í hlutverki sem einn af aukaleikurunum. En sá sem er hvað skemmtilegastur í myndinni er Robert Downey Jr. Túlkun hans á svertingja er vægast sagt sprenghlægileg, og hef ég aldrei hlegið jafn mikið yfir grínframmistöðu. Það sem að ég var einnig að fíla er að þeir sýna svona fake trailera í byrjun þar sem aðalsöguhetjur myndarinnar Tropic Thunder koma við sögu. Og eru þessir trailerar algjörir snilld, og hló ég alveg virkilega fyndið af þeim. En yfir heildina, er þetta fínasta skemmtun sem allir ættu að geta notið í botn.

Mér finnst eiginlega eins og sumir séu hálf blindaðir af hinni stjörnuprýddu framleiðslu þessarar myndar ásamt öllu skemmtilega brjálæðinu. Ég hef heyrt fólk nota orð eins og "sprenghlægileg" og "frábær" til að lýsa henni, en sjálfum finnst mér það vera ofaukið. Tropic Thunder er vafalaust klikkuð mynd, krydduð ýmsum fínum bröndurum og skrautlegum leikurum. Hins vegar nær hún aldrei neinum hápunkti og finnst manni út alla myndina eins og eitthvað meira hafi vantað. Kannski meiri satíru sem er ekki svona augljós.Ben Stiller er mistækur grínisti, og jafnvel enn mistækari leikstjóri. Tropic Thunder er pínu lík Zoolander að því leyti að það eru mjög takmarkaðir brandarar til staðar, sem oft eru notaðir aftur og aftur. Einnig eiga þessar myndir það sameiginlegt að heill hellingur af frægu fólki sést við nánast hvert horn, sem er auðvitað skemmtilegt til áhorfs, en þetta kemur út eins og Stiller sé meira að skemmta sjálfum sér með vinum sínum heldur en áhorfendum.Tropic Thunder græðir hins vegar betur á stórstjörnunum heldur en Zoolander gerði. Robert Downey Jr. er þ.á.m. stórskemmtilegur, enda gæti hann ekki verið lélegur þótt hann reyndi. En þótt að frammistaða hans hafi virkað er persóna hans frekar ómerkileg, og sama má eiginlega segja um Jack Black. Báðir tveir eru hæfileikaríkir menn, en þeir fá í raun bara einn tiltekinn brandara út á sitthvor karakterinn út alla myndina, og verða þeir pínu þreyttir þegar lengra líður á. Það sama verður að segjast um Tom Cruise, sem fær mjög stórt "gestahlutverk." Hefðu þeir minnkað skjátímann hans þá hefði djókurinn virkað, en kallinn er svo aldeilis mjólkaður í hvert sinn sem hann sést að ég fékk bara faktískt leið á honum. Ben Stiller fær aðeins meira að gera og kemur hann mun betur út. Samt, ef ég ætti að fara að nefna nöfn varðandi hvaða leikari fékk mig mest til að hlæja, þá yrði ég að segja Matthew McConaughey.Það sem að heldur myndinni gangandi er þó auðvitað húmorinn, og þessi mynd getur nefnilega verið andskoti fyndin á köflum. Mér fannst samt eins og hún hafi eytt mest öllu púðrinu í fyrsta hálftíma myndarinnar, og persónulega hló ég hvað mest innan við fyrstu 5 mínúturnar (tiltekið Tobey Maguire móment). Eftir það náði myndin aldrei sömu hæðum og fljótlega hætti hún að vera virkilega fyndin og endaði með því að vera bara... nokkuð skondin. Auk þess skemmdi það mikið fyrir að nokkrir bestu brandararnir voru sýndir í trailerunum (eins og "prop head" grinið).Þegar uppi er staðið er hér um að ræða nokkuð fína gamanmynd sem hefur gott afþreyingargildi, en mér finnst hún hvergi standast hæpið. Mér finnst hún engan veginn vera meðal fyndnari myndum ársins. Frekar kysi ég að horfa aftur á Forgetting Sarah Marshall.6/10