Zoolander (2001)

Drepfyndin mynd sem sýnir hvað fyrirsætur eru leiðinlegar (ekki móðgast ef þú ert fyrirsæta). Derek Zoolander (Ben Stiller,There's Something about Mary,Cable Guy) er fyrirsæta sem er á niðurleið því að hann niðurlægði sig fyrir framan alla á Vh1 fyrirsætu verðlaununum. En tískumeistarinn Mugatu (Will Ferrel,Old School) býður honum tískusamning gegn sýningu sem heitir Derelique eða eitthvað svoleiðis. En Mugatu heilaþvær hann til að drepa forsetisráðherra Malasíu og hann og vinkona hans og óvinur hans (Owen Wilson,The Royal Tenenbaums) sem hann sættist við.

Fremur slöpp mynd að flestu leyti. Það er þó eitt atriði sem dregur myndina upp úr skítnum og það er bensínslagurinn, snemma í myndinni. Snilldaratriði. Meira að segja fyndnara en gubb-atriðið í Problem child 2

Alls ekki besta mynd Ben Stillers. Lélegur söguþráður maður geispar bara þegar maður horfir á þessa mynd maður getur flissað af og til. Ben Stiller leikur þarna algjöran FÁVITA!

Lélega leikin mynd bæði hjá Ben Stiller og Owen Wilson þessi mynd er ekki peningana virði frekar myndi maður horfa á RÚV heldur en þennan vitleisisgang

Zoolander er fjölskyldu myndin hans Ben Stillers. Ekki fjölskyldu mynd í sömu merkingu og Disney myndir heldur eru allir nánustu ættingjar hans í myndinni. Ben sjálfur er í aðalhlutverkinu sem Zoolander. Hann er ekki bara fyrir framan myndavélina í næstum hverju einasta atriði heldur leikstýrir hann líka, framleiðir og skrifar handritið með Stuart Cornfeld og Scott Rudin. Faðir hans, Jerry Stiller leikur óheiðarlega umboðsmann Zoolanders, Maury Ballstein. Mamma hans Bens, Anne Meara leikur lítið hlutverk sem mótmælandi, hún hendir tómat í hundinn hans Mugatus og svo er eiginkonan hans Bens, Christine Taylor(Marcia úr The Brady Bunch myndunum) leikur fréttakonuna, Matildu sem hjálpar Zoolander.


Ég verð að viðurkenna það að ég hló oft og mörgu sinnum þegar ég horði á Zoolander. Ég hef alltaf haft gaman af Ben Stiller síðan ég sá hann í Heavyweights árið1995, síðan hefur hann leikið í mörgum grínmyndum sem ég hef haft gaman af ; The Royal Tenenbaums (2001), Meet the Parents (2000), Keeping the Faith (2000), The Cable Guy (1996), Flirting with Disaster (1996), Happy Gilmore (1996) og auðvitað There's Something About Mary (1998) svo náttúrulega hinni óhemjufyndni stuttmynd Mission Improbable (2000) þar sem Ben lék Tom Crooze.


Myndin fjallar um Derek Zoolander sem frægasta karlmannsmódel í heiminum. Hann hefur unnið þrisvar í röð ‘Model of the Year’ verðlaunin og býst við að vinna þau í fjórða sinn en tapar fyrir nýjasta módelinu, Hansel (Owen Wilson). Hansel er ferskur og fjölhæfur og nær þannig að yfirbuga vörumerka svip Zoolanders “Blue Steel”. Í sömu viku og hann tapar fyrir Hansel birtist grein um Derek í blaðinu Times, í henni er talað um hve heimskur hann er. Greinin var skrifuð af Matildu (Christian Taylor) sem að hann hafði leift að fylgja sér eftir, óaðvitandi um hvað greinin yrði. Ekki nóg með það heldur deyja þrír bestu vinir hans í sérkennilegu bensín bað + sígarettu slysi. Zoolander ákveður að hætta sem módel og helga lífi sínu líknarmálum. En umboðsmaður Dereks, Maury (Jerry Stiller) og tísku risinn Mugatu (Will Ferrell) fá hann til að hætta við. Mugatu segist vilja að Zoolander sé aðalmódelið fyrir nýju línuna hans “Derelicte”(flækingur) en það sem honum vantar í raun er einfeldningur sem hann getur heilaþvegið og látið drepa nýja forsetisráðherrann í Maleysíu. Nýi forsetisráðherrann ætlar nefnilega að setja ný barnavermdalög og þá getur Mugatu ekki látið börn vinna ódýrt fyrir hann.


Persónan Zoolander er nokkur ára gömul. Hún kom fyrst fram(að mér skilst) í stuttmynd sem var sýnd á tísku sýningu árið 1996. Ben Stiller er mjög góður sem ofurfyrirsætan og ég hló í hvert skipti sem hann setti upp “blue steel” svipinn eða hina tvo svipi sem hann notaði, þeir voru reyndar allir eins en enginn tók eftir því og þegar Mugatu hélt því fram voru allir voða hissa. Myndin er í raun ekki svo mikil satíra á módelbransann. Það er bara gert grín af augljósustu hlutunum, það er ekkert reynt að grafa neitt djúpt.


Sagan sjálf er í raun ekki nógu mikil til að fylla þessar 85 mínútur sem myndin er og stundum koma frekar þunn atriði en það eru mörg frábær sem koma líka. Walk-off einvígið á milli Zoolander og Hansel kepptu í, þar sem David Bowie var dómarinn var ótrúlega fyndið og svo auðvitað breakdans slagsmálin. Myndin er líka svo skemmtilega tekin. Full af litadýrð og poplögum frá níundaáratugnum. Það er líka mikið af þekktum leikurum sem koma fram. Jon Voight leikur pabba Zolanders, Vince Vaughn bróðir hans; Cuba Gooding Jr., Gary Shandling, Natalie Portman, Winona Ryder, David Bowie, Billy Zane og Fabio leika sjálfa sig og svo leikur David Duchovny gamalt handamódel!

- www.sbs.is

Ótrúlega fyndin mynd. Ben Stiller og Owen Wilson fara á kostum sem fyrirsæturnar. Þetta er ein af fyndnustu myndum ársins. Ef þið eruð ekki búin að sjá þessa snilldar rugl ræmu, drífið ykkur þá út á vídeóleigu og leigið þessa strax.

Þetta var nú meira ruglið. Það er nú samt hægt að hlæja yfir henni. Svona típísk ruglmynd, mjög skemmtileg. Mæli með henni. Ekki beint mynd sem á óskarinn skilið eða eitthvað svoleiðis en ágætis afþreying samt sem áður.

Úff...var að kippa þessari mynd útúr dvd spilaranum eftir að hafa pínt mig í að klára hana. Þessi mynd er mjög vond og á sér eiginlega aldrei uppreisnar von sökum einfalds húmors og lélégs hadrits. Líklega er Ben Stiller ein ástæðan fyri því hvers vegna svona mikið er gert úr þessari mynd en jafnvel hann stendur sig illa. Mæli með því að fólk láti þessa sitja kyrra á hillum myndbandaleiganna.

Fíflalæti geta verið skemmtileg, og Ben Stiller er einn af mörgum grínistum sem sýnir fram á það. Zoolander er ansi blandaður pakki. Stundum er hún algjör snilld, stundum vandræðaleg og jafnvel óþolandi. Það breytir því samt ekki að myndin svínvirkar þegar brandarnir hitta í mark og þess vegna þykir mér það í raun leiðinlegt að ég geti ekki mælt betur með henni yfir heildina.Stiller getur verið góður þegar hann tekur að sér aðalhlutverk, sérstaklega í gamanmyndum. Á bakvið vélina hef ég ekki eins hátt álit á honum. Þær myndir sem hann leikstýrði áður, Reality Bites og The Cable Guy, þótti mér ekkert sérstakar þannig að það segir ekki mikið fyrir mig að kalla Zoolander bestu myndina hans. Það sem angrar mig mest við samt mest við þessa blessuðu ræmu er að hún er bara alltof þunn til að áhorfandinn gleymt sér og einblínt á afþreyingargildið. Þrátt fyrir að vera undir 90 mínútur í lengd þá virkar myndin afar kaflaskipt og stundum jafnvel gleymir hún söguþræðinum. Ekki það að plott sé eitthvað forgangsatriði í svona mynd, en hvernig Zoolander fer með innihaldið er eins og að handritshöfundarnir hafi reynt með bestu getu að fylla upp í lengdina. Það er hellingur af litlum senum sem hafa ekkert með restina af myndinni að gera og þegar brandararnir feila í slíkum atriðum þjáist hún enn meira.Ef að mér hefði fundist Zoolander vera drepfyndin hefði mér verið skítsama um innihaldið og meðhöndlunina á því, enda hefði það þýtt að ég hafi náð að slökkva á heilanum og njóta ruglsins. Maður getur samt ekki að því gert, en stundum kviknar aftur á heilanum þegar maður situr í dágóðan tíma og bíður óþolinmóður eftir næsta góða brandara. Þannig leið mér út alla myndina. Þau fáeinu frábæru augnablik sem myndin hefur hafa oftast eitthvað að gera með Owen Wilson (sem var alveg frábær sem andstæðingurinn Hansel), gestahlutverkin (mikið rosalega á Stiller marga fræga vini) eða svipbrigði Zoolanders. Stiller teygir sína eigin brandara sem allir snúast um heimsku hans og fóru þeir að verða þreytandi eftir cirka 45 mínútur. Mig var frekar farið að langa til að sjá mynd um Hansel.Annars hefur Zoolander slatta af gömlum og góðum lögum sem setja aðeins meiri takt í alla myndina. Hún er líka óvenju vel tekin upp miðað við grínmynd og er litadýrðin nánast dáleiðandi á köflum. Í þokkabót er hún fljót að líða og ætti almennt að virka nokkuð vel á þá sem hreinlega elska myndir um fólk með lága greindavísitölu. Sjálfum fannst mér ágætt að horfa á myndina, en það er ekki nógu öflug niðurstaða þegar maður sest niður og vill horfa á góða gamanmynd. Ég myndi hins vegar ekki hika á valinu ef ég þyrfti á velja á milli hennar og sorpmynda á borð við Joe Dirt og Corky Romano.6/10

Ben Stiller hefur sóað hæfileikum sínum í þessari rosalegri kvikmynd fulla af lélegum toilet húmor þar sem hann notar margar stjörnur. The Cable Guy var miklu betri en Stiller veit að ef hann bætir ekki stöðu sína sem leikstjóri lendir hann á botninu og ég verð að segja að leikur hans í þessari mynd var hræðilegur!

Hún er ekkert sérlega góð, en hún er svosem ekkert sérlega slæm heldur. Það er synd að slíkur hæfileikamaður sem Ben Stiller er, sé að sóa þeim hæfileikum í svona aulahúmor. Þegar honum tekst vel upp, fær maður hárbeittan svartan húmor eins og sást í The Cable Guy. Þessi mynd, þrátt fyrir að eiga sína spretti, er alls ekki í þeim flokki, og virðist helst vera gerð með það fyrir höndum að geta fengið sem flesta fræga leikara í cameo hlutverk og láta ljós sitt skína. Hún þjáist einnig áberandi mikið af því að vera svona one-joke hugtak. Mér skilst að þessi Zoolander karakter hafi verið skapaður fyrir VH-1 verðlaunahátíð og einhverja stuttmynd af því tilefni. Þar hefði gamninu átt að ljúka því þetta ber alls ekki upp heila mynd og hún endurtekur sig óneitanlega mikið á köflum. Þó er einn og einn brandari sem hittir í mark (helst sá með finnsku dvergana og furðudýrin úr Afríku) en þeir eru of fáir og langt á milli. Því er varla hægt að mæla með þessari mynd nema fyrir harða Stiller aðdáendur (eða harða Billy Zane aðdáendur ef þeir eru til).

Sæmilegasta grínmynd og hin ágætasta afþreying. Fór á hana með engar væntingar og kom sáttur út, þó svo að það hafi líklega ekki verið nein nauðsyn að sjá þessa mynd í bíó þar sem hún hefði örugglega virkað alveg jafnvel á vídjó.

Fín kolruggluð gamanmynd með aulahúmor af bestu gerð. Stiller er í essinu sínu og sumir( með ekki alveg eins húmor og ég) grétu af hlátri. En ég hló ekki alveg jafn mikið en fannst hún fín samt.3 stjörnur fyrir húmorinn, en samt eiginlega ekkert annað.