The Royal Tenenbaums (2001)

Gene Hackman leikur ríkan mann að nafni Royal Tenenbaum. Hann yfirgaf börnin sín (Ben Stiller,Gwyneth Paltrow,Luke Wilson) og konuna sína (Anjelica Houston).En hann fær krabbamein í maga og á sex vikur eftir ólifað og vill eiða þeim með fjölskyldu sinni. Mjög áhugaverð og skrýtin mynd.

Ég er ekki ein á báti með það að segja að þessi mynd hafi ekki uppfyllt mínar væntingar þegar ég horfði á hana á hvíta tjaldinu. Ég fór á myndina með réttu hugarfari með vinkonu minni, ánægð og bjóst við alveg ágætri mynd. Við höfðum frétt af öllum þessum úrvals leikurum og bjuggumst nú ekki við neinu slöku.

Ánægðar sátumst við niður með popp og kók og myndina byrjaði......eftir 15 mín fórum við aðeins að pæla um hvað myndin væri, við gátum ekki með nokkru móti fattað það. Einhver stelpa alltaf að reykja inn á klósetti....ég man ekki meir af myndinni, áhuginn datt gjörsamlega niður eftir korter. Leikararnir komu alltaf og fóru af skjánum, eins og einhver flash mynd og maður náði ekki alveg hvað persónurnar áttu að vera.

20 mín vorum við byrjaðar að tala saman um að fara út úr hléinu. Og það gerðum við, fórum bara inn á næstu mynd, Jimmy Neutron sem var hálfnuð, og við hlóum ÞÁ í fyrsta skiptið.

Ég á sjálf erfitt með að trúa því en Jimmy Neutron var miklu skemmtilegri, hún hafði allavega söguþráð og eitthvað takmark.

Þessi mynd fær hálfa stjörnu fyrir það að leikararnir voru góðir (erfitt að mótmæla því) og ekkert annað.

Þið verðið að afsaka en þetta var ömurleg mynd.

The Royal Tenenbams er grínmynd í hæsta gæðaflokki. Það er ekki hægt að setja hana í neinn grínmynda flokk því að þessi mynd er ekki lík neinni annari það verður bara að gera nýjan flokk fyrir hana. Þessi mynd hefur öðruvísi húmor í sér sem geri hana skemmtilega og maður veit aldrei hvað er að fara að koma. Þessi mynd er skipuð mörgum fræugm leikurum er fara þar fremst í flokki Gene Hackman(Crimson Tide), Gwyneth Paltrow(Sliding Doors), Ben Stiller(Zoolander),Bill Murray(The man who knew to little), Danny Glover(Lethal Weapon myndunum og Predtor 2) og síðast en ekki síst bræðurnir Luke Wilson(Blue Streak) og Owen Wilson(Shanghai Noon). Gene Hackamn er maður sem óttast að konan sín sem að hann er búin að vera gifur í mörg ár (en samt ekki saman) sé að fara að giftast öðrum mann (Danny Glover). Hann vill ekki hafa það þannig að hann reynir að koma sér aftur heim með því að vilja þekkja krakkana meira en þeir voru undrabörn þegar þau voru minni. Ben Stiller var með fjármálin á hreinu og hann var mjög ríkur á því hversu góður hann vara í að fjárfesta. Gwyneth Paltrow var bóka og leikrita höfundur af guðs náð og hafði selt fullt af bókum og leikritum en hætti síðan skindilega. Luke Wilson var tennis snillingur sem að hætti skindilega í tennis og fór út á sjó til þess að vera einn. Bill Murray er maður Gwyneth Paltrow, Owen Wilson er strákurinn sem að átti heima á móti fjölskildunni og var mjög fátækur. Hann var svo oft hjá þeim að hann var bara eins og 4 krakkinn á heimilinu. Þegar Gene lætur sem að hann sé veikur fær hann að vera heima hjá fjölskildunni sinni og allir krakkarnir koma heim og eru þar en sumum finnst hann vera svolítið grunsamlegur þarna á heimilinu. Síðan flækist sagan mjög mikið og margt gerist sem að manni hefði aldrei dottið í hug. Ég get eiginlega ekki sagt neitt mikið meira því að ekki vil ég eyðileggja fyrir ykkur myndina. Þetta er mjög góð mynd sem að ég mæli með ef ykkur langar að sjá eithvað nýtt og öðruvísi. Farið þá og takið þessa mynd.

The Royal Tenenbaums fékk óskarstilnefningu fyrir besta frumsamda handritið. Owen Wilson og Wes Anderson áttu skilið að vinna verðlaunin frekar en Robert Altman og Bob Balaban fyrir Gosford Park. Owen Wilson og Wes Anderson eru einir skemmtilegustu handritshöfundar í Hollywood og ég hlakka til að sjá næstu mynd þeirra. Wes Anderson leikstýrir myndinni mjög vel og er ekki síðri í því starfi en handritshöfundarstarfinu. Ef við förum dálítið út í söguþráðinn þá er hann svohljóðandi: Royal Tenenbaum (Gene Hackman) hefur misst allt samband við fjölskylduna. Reyndar er fjölskyldan líka eitthvað sundruð. Richie Tenenbaum (Luke Wilson) var frægur tenniskappi en fór út á sjó út af ástarsorg. Margot Tenenbaum (Gwyneth Paltrow) læsir sig inn á baði alla daga. Eiginmaður hennar Raleigh St. Clair (Bill Murray) hefur miklar áhyggjur af henni. Chas Tenenbaum (Ben Stiller) lifir með sonum sínum Ari og Uzi og ofverndar þá svo sannanlega frá lífinu. Etheline Tenenbaum (Anjelica Huston) er móðurin og fyrrverandi kona Royals sem er að fara giftast Henry Sherman (Danny Glover). Owen Wilson leikur Eli Cash sem er fjölskylduvinur Tenenbaum-fjölskyldunnar. Royal missir hótelíbúðina sína og þykist vera dauðvona og fær að flytja inn til Tenenbaum-fjölskyldunnar sem er nýsameinuð og allir fjölskyldumeðlimir eiga heima undir sama þaki. Ég ætla ekki að fara meira út í söguþráðinn og ætla loka þessari gagngrýni með því að mæla með henni fyrir þá sem fíliðu Rushmore en ef þið þolduð hana ekki mundi ég sleppa að sjá þessa.

Ég var einhvern veginn mjög hrifinn af þessari mynd. Hún toppar m.a.s. Rushmore, sem er ein af uppáhaldsmyndunum mínum. Allir leikarar eru frábærir og myndin verður aldrei slöpp. Sjáið hana.

The Royal Tenenbaums er nýjasta mynd leikstjórans stórskemmtilega Wes Anderson, en síðasta mynd hans var Rushmore. Líkt og Rushmore er þetta eins konar blendingur af gamanmynd og drama. Söguþráðurinn gengur út á að fjölskyldufaðir sem yfirgaf fjölskyldu sína fyrir löngu síðan snýr aftur til þess að sættast við börnin sín þrjú og fyrrverandi konu sína, en þó með vafasamar ástæður fyrir hendi. Margir þekktir leikarar koma hér fyrir og ber þar helst að nefna Gene Hackman, sem stendur sig óaðfinnanlega í hlutverki Royal Tenenbaum. Ben Stiller ásamt Owen bræðrunum standa sig líka vel en Gwyneth Paltrow kemur sérstaklega á óvart sem þunglyndislegri týpa en hún hefur áður leikið og sýnir að hún er allavega ekki algerlega einhæf. Það er engin spurning að þetta er ekki mynd sem allir hafa gaman af, myndir Wes Anderson eru of sérvitrar til þess að höfða til allra. Þeir sem höfðu ekki gaman af Rushmore eiga líklega ekki eftir að hafa gaman af þessari heldur. Fyrir mitt leyti mæli ég samt fyllilega með þessari mynd og smelli á hana þremur og hálfum stjörnum.

Hér er á ferð einstaklega frumleg og hressileg mynd með dramatískum undirtón. Einvalalið leikara, með Gene Hackman í broddy fylkingar, stendur sig frábærlega og kemur sögunni óaðfinnanlega til skila. Eins vel gerð og frumleg sem þessi mynd er þá er hún þó alls ekki fyrir alla, þarna er á ferðinni mjög fágaður húmor sem oft þarf að leita að.

Ömurleg Mynd!!!! Ég fór með skólanum á þessa mynd og við vissum ekkert hvað við vorum að fara að horfa á en svo þegar við byrjuðum að horfa á myndina þá sáum við hvað þetta var hræðilega valið af skólanum að láta okkur fara a þessa ömurlegu mynd. Það voru þónokkrir sem fóru út í hléinu en ég gat það því miður ekki vegna þess að eg kom með rútu. Ef ég hefði getað farið út af þessari mynd þá hefði ég hiklaust gert það. Það er skrýtið hvað þetta er leiðinleg mynd af því að það eru alveg úrvalsleikarar sem leika í Royal Tennenbaums en þeir leika bara ekki nógu vel í þessari mynd. Ég mæli eindregið með að þið sleppið að fara á þessa ömurlegu mynd í bíó - og sleppa með þvi að eyða peningum í vitleysu.

Frábær!!!


Ég fór á þessa mynd fullur eftirvæntingar og kom út fullur eftirvæntingar...Wes Anderson er snillingur og ég hlakka strax til að sjá næstu mynd hans!


Það kom mér ekki á óvart að þessi mynd nái ekki til fjöldans. Hluti slæmu gagnrýninnar sem myndin hefur fengið kemur frá ungum krökkum sem t.d. sáu hana á skólasýningu. Þessi húmor er alls ekki fyrir alla og ég trúi því vel að ef að athyglin er ekki 100% á tjaldinu þá sé auðvelt að missa þráðinn og finnast hún leiðinleg. Gagnrýnandi DV sagði að í raun ætti myndin að vera bönnuð innan 16 ára sökum húmors. Ég tek undir það.


En, nóg um það.


Þegar ég hugsa um sjálfa myndina get ég ekki annað en brosað. Rétt eins og í Rushmore er persónusköpunin ótrúleg og standa leikararnir sig allir frábærlega. Gwyneth Paltrow sýnir á sér nýja hlið og þó hún fari misvel í fólk þá sýnir hún breidd hennar sem leikkonu.


Ég veit ekki hvort hægt sé að tala um gáfaðan húmor, en ef svo er, þá eru leikstjórinn og handritshöfundurinn með hann á hreinu. Persónulega fannst mér allt passa fullkomlega saman - leikurinn, persónurnar, leikmyndin og tónlistin, sem var sérstaklega skemmtileg.


Í rauninni hefur þessi mynd fengið ósanngjarna gagnrýni. Mér finnst þetta líkt því að ráðast á mynd með Arnold Schwarzenegger af þeim sökum að leikurinn sé slæmur. Myndir með Arnie eiga að snúast um hasar og tæknibrellur, og því réttast að fara með því hugarfari í bíó. Það sama á við um The Royal Tenenbaums. Þó einhverjir komi hlægjandi út og myndin fá góða gagnrýni þýðir það ekki að þetta sé grínmynd og því má alls ekki taka henni sem slíkri, ekki frekar en Rushmore.


Þessi mynd fellur máski í sama flokk og myndir Woody Allens, sem einnig eru ekki fyrir alla og fá oftast dræma aðsókn og lélega gagnrýni frá fjöldanum. Snilldin í myndunum byggist að mestu á skemmtilegum persónum í skemmtilegum samræðum við skemmtilegar aðstæður og gerir þær því að perlum í huga kvikmyndaunnenda, fremur en annarra.


En eitt í lokin. Einn sjúkraliðinni í myndinni heitir Brian Tenenbaum. Ég fletti honum upp á imdb.com og þar sá ég að hann lék bæði í Rushmore og myndinni Bottle Rockets sem Wes Anderson leikstýrði árið 1996. Kannski er hann hugmyndin að sögunni um The Royal Tenenbaums...?

Það er ekki hægt að neita því að The Royal Tenenbaums olli mér mjög miklum vonbrigðum. Ég átti von á mjög miklu, þar sem í myndinni er bæði einvalalið leikara, og eru þetta sömu aðilar og færðu okkur hina frábæru Rushmore. Þessi mynd er töluvert slakari en hún og allan damp vantar í myndina. Hún er nokkuð skemmtilega skrifuð, en persónur myndarinnar eru eins og þær séu hannaðar til þess að vera skrítnar, frekar en að þeim sé leyft að vera skrítnar af sjálfu sér. Það er kannski erfitt að útskýra muninn, en maður finnur hann strax og maður sér myndina. Hún er einnig frekar ójöfn í byggingu, og fullmargar persónur eru til staðar fyrir mynd sem er ekki lengri en þetta. Það veldur því að hver og ein fær ekki nógan tíma til þess að þróast, og verða þær því of grófar og óljósar fyrir vikið. Það veldur því að samúð manns með þeim er ekki eins mikil og hefði annars kannski verið. Þetta er afar slæmt, því allur grunnur myndarinnar byggist á því að manni sé ekki sama um þessa furðulegu Tenenbaum fjölskyldu. Hins vegar eru ljósir punktar inni á milli. Allir leikarar standa sig með prýði, enda varla annað hægt því þeir eru hver öðrum betri. Góð og fyndin augnablik koma á stundum, en þau eru því miður of fá og langt á milli þeirra. Það er varla hægt að mæla með þessari kvikmynd nema fyrir harða Wes Anderson/Owen Wilson aðdáendur en víst er að þessi mynd stendur bæði Rushmore og Bottle Rocket langt að baki hvað varðar frumlegheit og handritasköpun.

Fussum svei, ótrúlega ömuleg mynd og mykil vonbrigði.

Myndin er um furðulega fjölskyldu, Tenenbaum-fjölskylduna, sem misst hefur öll tengsl. Royal (Gene Hackman) er fjölskyldufaðirinn, Etheline (Anjelica Huston) er móðirin, og svo eru það börnin þrjú Chas (Ben Stiller), Richie (Luke Wilson) og Margot (Gwyneth Paltrow), sem eru öll jafn gáfuð og þau eru furðuleg. Royal er leiður á að hafa engin sambönd við fjölskylduna, svo hann þykist vera að drepast til að sameina fjölskylduna, en eftirá breytist allt og því meira sem tíminn líður styrkjast bönd þessarar fjölskyldu...........

blablabla það kemur mér ekki á óvart þó svo að einhverjir labbi út af þessarri mynd.

Hún er furðulega sett upp í einhverskonar kafla og er það kanski athiglisvert (fyrir það fær hún stjörnuna) en maður ætti samt hvorki að eiða tíma né peningum í hana hvorki fyrir bíó né video.

Bara bíða eftir að hún komi í sjónvarp ef það þarf að sjá hana á annað borð : (