A Knight's Tale (2001)

Mjög slöpp og illa leikin mynd. Heath Ledger er aldeilis ekki að standa sig í þessary mynd. A Knight´s Tale er mynd með týpísku Amerískum og fyrirsjáanlegum endi og aulabrandarar koma mikið fyrir. Ég get ekki gefið henni meira en 1/2 stjörnu.

Ótrúlega flott mynd! ég fór að sjá hana á frumsýningu og ég hreinlega vissi ekki við hverju ég átti að búast! Ég skellti mér nú samt og ég sá ekki eftir því! Þessi mynd hafði nánast allt! Flotta hetju, flottan vondan kall, spennu, rómantík, hugrekki, húmor, skemmtilegan söguþráð og flotta myndatöku. Heath Legder var einstaklega flottur sem hinn fátæki wannabe riddari, hann á bjarta framtíð fyrir sér sem leikari og ekki skemmir fyrir að hann er mjög myndarlegur!! Vinir hans í myndinni voru hrein snilld og ótrúlega fyndnir. Gellan í myndinni er voða sæt en það vantar kannski aðeins upp á hæfileikana en það reddast svosem alveg. Burtreiðarsenurnar voru ekkert smá flottar og fléttan af nútímatónlistinni og nútímatalinu inn í gamaldasgsumhverfi eru savolítið skrýtin fyrst en með opnum huga verður það bara flott!! Ég mæli sterklega með þessari mynd fyrir allsherjarskemmtun! Snilldar gamanmynd. Þeir sem stóðu að þessari voru alls ekki að taka sig alvarlega og það sést vel í myndinni. Sambland miðalda við 20. aldar menningu tekst oftast snilldar vel og gefur myndinni einstakan, en undarlegan, feeling. Ekkert er verið að hafa allt of miklar áhyggjur af plotti, vondi kallinn er bara vondur, hann þarf enga ástæðu. Margar persónurnar í myndinni eru algjör snilld og ber þar hæst nakta ritarann. Bardaga atriðin eru mjög vel gerð og þótt bandarískri væmni sé nokkuð fyrir að fara er hún óvenjuvel gerð og atriðið með föðurinn er hreinlega með þeim bestu sem ég hef séð lengi. Tónlistin í myndinni er hreint út sagt frábær, bæði það sem samið er sem bakgrunns tónlist og svo 20. aldar rokktónlistin sem spila stóran þátt í sumum af bestu atriðum myndarinnar (sér í lagi ballið). Til þess að hafa gaman af þessari mynd verður maður, að ég held, að vita hverju er að búast við og alls ekki taka neinu alvarlega. Þessi er must fyrir alla sem hafa gaman að komedíum og er fyllilega 3 stjörnu virði ef ekki meira vegna frumlegheita

Þrátt fyrir að leikstjóri myndarinnar, Brian Helgeland, eigi vafalaust í sér betri mynd en þessa, er ég ekki viss um að hann eigi eftir að skila af sér einhverju mikið skemmtilegra. Því skemmtileg er myndin, reyndar mun skemmtilegri en ég hefði fyrirfram átt von á. Ég var fyrirfram mjög skeptískur á þessa blöndu af hinu nútímalega og hinu miðaldalega, en eftir vandræðalegt byrjunaratriði þar sem áhorfendur syngja We Will Rock You eftir Queen, þá er það ekki svo áberandi. Það sem er áberandi eftir það, er hversu vel burtreiðaratriðin eru af hendi leyst, og hversu skemmtilegar aukapersónur myndin hefur. Náunginn sem leikur Chaucer (Geoffrey Chaucer sem skrifaði Canterbury Tales) fer alveg á kostum. Hann hreinlega eignar sér hvern ramma sem hann er í, og maður gat ekki annað en hlegið að honum. Aðrir standa sig líka ágætlega, þó aðalleikarinn Heath Ledger hafi lítið getað gert annað en að vera sætur, en það er jú það sem hann fær borgað fyrir og má því segja að hann hafi skilað sínu. Maður fær þó á tilfinninguna að hann gæti leikið fengi hann rétta handritið upp í hendurnar. Þrátt fyrir að myndin sé full af götum, og framvinda myndarinnar svo hefðbundin að orðið klisja gæti vel átt við, þá er hún samt lifandi og tekur sig ekki OF alvarlega miðað við margar aðrar sumarmyndir sem maður hefur séð undanfarið. Hún er því ágætis skemmtun búist maður ekki við of miklu.

A Knight's Tale hefur vakið athygli fyrir að blanda saman hlutum úr nútímanum við sögu sem á að gerast fyrir hundruðum ára, enda byrjar myndin á því að áhorfendur á burtreiðum syngja og dansa við Queen lagið We Will Rock You. Ég hélt jafnvel að hér væri eitthvað frumlegt í bígerð og að myndin kæmi á óvart en það kemur í ljós að tilgangurinn með þessu virðist frekar hafa verið að segja áhorfendum strax í byrjum að búast ekki við sögulegri nákvæmni. Söguþráðurinn er á þá leið að ungur verkamaður tekur þátt í burtreiðum fyrir hendi húsbónda síns og kemst að því að hann hefur meðfædda hæfileika fyrir þessa íþrótt. Áður en maður veit af er hann síðan farinn að keppa við konungsborið fólk og þarf að halda því leyndu að hann sé ekki kominn af aðalsættum um leið og hann er kominn með augastað á hástéttarstúlku sem hann þarf að sanna sig fyrir. Það er óneitanlegt að myndin hefur nokkurt afþreyingargildi þar sem myndin býður upp á mikið af því sem meðaláhorfandinn vill helst sjá; þá helst rómantík, hasar og húmor. Aftur á móti er ekki þar með sagt að mér hafi þótt myndin góð þó mér leiddist ekki. Eins og sagt er um bardagaaðferðir söguhetjunnar á einum tímapunkti í myndinni þá er enginn stíll til staðar. Það að blanda nútímalegum hlutum í söguþráðinn virðist bara gert af handahófi hér og þar og þjónar engum tilgangi nema þá helst að gera misheppnaða tilraun til húmors. Myndin fer í gang sem létt gamanmynd en eftir miðbikið stökkbreytir hún sér í eitthvað sem minnir meira á Braveheart og allt í einu erum við beðin að taka alvarlega eitthvað sem byrjaði í fáránleika. Að þessu sögðu eru sína einstaka leikarar ágæt tilþrif, svo sem aðstoðarmenn söguhetjunnar og faðir. Heath Ledger er þolanlegur sem söguhetjan og var betri í Patriot, en þar hafði hann líka aðeins bitastæðara hlutverk. Í stuttu máli er þetta þokkaleg afþreying en maður verður að velta fyrir sér hvað maðurinn sem gerði á sínum tíma gæðamyndina LA Confindential er hér kominn út í. Hvað sem því líður er hér komin ein óvenjulegasta myndin í ár - en það er ekki endilega jákvætt í þessu tilfelli.

Ótrúlega flott mynd! ég fór að sjá hana á frumsýningu og ég hreinlega vissi ekki við hverju ég átti að búast! Ég skellti mér nú samt og ég sá ekki eftir því! Þessi mynd hafði nánast allt! Flotta hetju, flottan vondan kall, spennu, rómantík, hugrekki, húmor, skemmtilegan söguþráð og flotta myndatöku. Heath Legder var einstaklega flottur sem hinn fátæki wannabe riddari, hann á bjarta framtíð fyrir sér sem leikari og ekki skemmir fyrir að hann er mjög myndarlegur!! Vinir hans í myndinni voru hrein snilld og ótrúlega fyndnir. Gellan í myndinni er voða sæt en það vantar kannski aðeins upp á hæfileikana en það reddast svosem alveg. Burtreiðarsenurnar voru ekkert smá flottar og fléttan af nútímatónlistinni og nútímatalinu inn í gamaldasgsumhverfi eru savolítið skrýtin fyrst en með opnum huga verður það bara flott!! Ég mæli sterklega með þessari mynd fyrir allsherjarskemmtun!

A Knight's Tale er heldur ójöfn blanda af gamanmynd og hetjumynd, og ég held að hún hefði tekið sig betur út hefði hún einungis ákveðið að vera hið fyrrnefnda. Myndin er mestmegnis í léttum dúr en þó leynast ýmsar alvarlegar senur sem draga mann samstundis úr sögunni. Eins mikið og ég kann vel við persónusköpunina og finnst hún virka ágætlega þá finnst mér alls ekki passa að taka afganginn á myndinni alvarlega. Ég veit ekki hvað ykkur finnst, en mér finnst myndin hvergi eiga rétt á því að vera þannig þegar hún gerist á fimmtándu öld og hefst á því að hópur fólks syngi Queen-lagið We Will Rock You!Það kemur á óvart hvað Heath Ledger ber aðalhlutverkið vel. Maður fann fyrir hæfileikum hans í 10 Things I Hate About You og jafnvel í The Patriot (þeirri "frábæru" mynd). Ledger hefur útgeislun og húmor sem skiptir miklu máli þegar viðkomandi þarf að halda heilli mynd á floti. Ég viðurkenni hins vegar að mér fannst Paul Bettany vera langbestur á skjánum. Á tímabili hefði ég frekar viljað sjá hann bera myndina í aðalhlutverkinu. Aðrir leikarar, svosem Alan Tudyk, Mark Addy, Shannyn Sossamon og Rufus Sewell (sem var frábær í Dark City) eru ágæt en skilja ekkert eftir sig.Með hverju hrósi sem ég gef myndinni fylgir eitt stórt "en." Myndin flæðir skítsæmilega *en* hún hefði vel mátt vera hálftíma styttri. Hún er fyndin, *en* ekki nógu fyndin. Þið fattið mig. Á endanum get ég alveg kallað þetta ágæta mynd en einhvern veginn finnst manni eins og Brian Helgeland, sem hefur ótrúlega góða titla að baki, hafi klúðrað mjög skemmtilegri hugmynd.6/10

Þessi mynd kom mjög á óvart því hún er ÖMURLEG, LEIÐINLEG og HEIMSKULEG. Þetta er ekki spennumynd. Þetta er kellingarmynd. Ef þú átt við svefnvandarmál að stríða þá ráðleggi ég þér að kaupa miða á þessa mynd því að þetta er góður hátt í þriggja tíma svefn. Þannig að þú getur komið með náttfötin og Tedda bangsa því yfir þessum leiðindum áttu eftir að dotta oftar en einu sinni og oftar en tvisvar.

Snilldar gamanmynd. Þeir sem stóðu að þessari voru alls ekki að taka sig alvarlega og það sést vel í myndinni. Sambland miðalda við 20. aldar menningu tekst oftast snilldar vel og gefur myndinni einstakan, en undarlegan, feeling. Ekkert er verið að hafa allt of miklar áhyggjur af plotti, vondi kallinn er bara vondur, hann þarf enga ástæðu. Margar persónurnar í myndinni eru algjör snilld og ber þar hæst nakta ritarann. Bardaga atriðin eru mjög vel gerð og þótt bandarískri væmni sé nokkuð fyrir að fara er hún óvenjuvel gerð og atriðið með föðurinn er hreinlega með þeim bestu sem ég hef séð lengi. Tónlistin í myndinni er hreint út sagt frábær, bæði það sem samið er sem bakgrunns tónlist og svo 20. aldar rokktónlistin sem spila stóran þátt í sumum af bestu atriðum myndarinnar (sér í lagi ballið). Til þess að hafa gaman af þessari mynd verður maður, að ég held, að vita hverju er að búast við og alls ekki taka neinu alvarlega. Þessi er must fyrir alla sem hafa gaman að komedíum og er fyllilega 3 stjörnu virði ef ekki meira vegna frumlegheita.

Ég fór á óvissusýningu í Borgarbíó á Akureyri fyrir stuttu og var þá þessi mynd sýnd. Í fyrstu var ég alls ekki spenntur yfir henni, en þegar hún var aðeins komin af stað þá fannst mér hún vera mjög góð. Þessi mynd er einfaldlega um fjóra alheimska gaura sem byrja að æfa sig í einhverjum (veit ekki hvað þetta heitir) hestaslagsmálum. Þar blanda þeir sig inn í alls kyns vandamál. Þið verðið bara að sjá myndina, það er nokkuð erfitt að lýsa henni. Þrjár stjörnur fyrir góða mynd.

thíhí! æj, já, það er ósköp erfitt að vita hvað maður á að halda stundum yfir þessari mynd. hún má þó eiga það að hún gerir það sem hún á að gera, þ.e. skemmta manni. hún er skemmtileg, og maður kemur brosandi út úr bíó. mér finnst eiginlega bara nokkuð gaman að sjá nútímtónlist, dönsum, og klæðaburði blandað saman við settið. þetta er riddaramynd fyrir unglingaung fólk. Ég vil ekki endilega gera útaf við leikhæfileika Shannon Sossamon, eins og sá sem skifar að ofan - karakterinn hennar er bara svo ferlega óspennandi - en kannski leikkona með meiri útgeislun hefði getað gert þetta betur. ég er sammála að Heath Ledger er nákvæmlega Mel Gibson II, eða hinn nýji Mel Gibson (fyrir stelpur sem finnst gamli Mel vera orðinn soldið hrukkóttur). sumsé töff og sætur ástrali. endirinn var hræðilega fyrirsjáanlegur og íllmennið ótrúverðugt (allt í einu bara hatar hann William út af lífinu). en myndin var samt sem áður skemmtileg og það besta við hana voru skemmtilegar burtreiðasenur og frábærir aukakarakterar (Paul Bettany stelur senunni af mikilli snilld - og hinir eru líka stórskemmtilegir). þetta er ekki mynd til að taka alvarlega, en ef maður er tilbúinn til að taka henni sem það sem hún á að vera, þ.e. léttri skemmtun, þá getur alveg verið þess virði að sjá hana.

Mér fannst þessi mynd bráðskemmtileg. Að vísu var þetta alger klisja en ég er löngu hætt að vænta nokkurs af bandarískum kvikmyndum svo ég varð ekki fyrir neinum vonbrigðum.Þetta var skemmtileg afþreying, fyndnir aukaleikarar og flottir búningar. Hvers er meira að vænta frá Hollywood. Ég skil ekki fólk sem fer með þá von í brjósti að sjá eitthvað nýtt og meiriháttar í hvert sinn er þeir fara á bandaríska mynd í bíó. Svo verða þeir fyrir svaka vonbrigðum. Það er lang best að vænta einskis og hlusta ekki of mikið á hvað aðrir segja um myndina. Ef þið viljið skemmta ykkur vel þá er þessi mynd fyrir ykkur. Farið í bíó, ekki vænta þess að sjá eitthvað nýtt í þessari mynd því það er ekki til staðar.Þetta er skemmtileg afþreying og ekki spilla sætir aðalleikarar, skemmtið ykkur vel!

Um daginn fór ég ókeypis í bíó. Það á maður ekki að gera því að myndirnar sem manni eru gefnar eru lélegar. Því hef ég komist að á tveimur boðsýningum með nokkurra mánaða millibili. Sú fyrri var Remember the Titans, og eitt að því fáa ég get sagt gott um A Knight´s Tale er einmitt að hún er ekki alveg jafn vond og RTT. Myndin snýst um ljósa hetju sem berst við dökka illmennið um frægð, frama og fallegu stelpuna (sem reyndar er einhver fegursti kvenmaður sem ég hef séð). Og að lokum: Á þeim tíma sem myndin á að gerast þá var ekkert til sem heitir heimsmeistarakeppnin í burtreiðum.