Pearl Harbor (2001)

Frá Jerry Bruckheimer. Manninum sem bræddi hjörtu okkar alla með myndum á borði við Armageddon, Top Gun og síðast enn ekki síst Coyote Ugly, kemur mynd um stolt, hugrekki, kjark og Hawaii skyrtur. PEARL HARBOR. Mynd sem alla vega ég mun aldrei gleyma....... Sökum þess að ég þurfti að eyða 800 kalli og þremur tímum af minni ævi sem ég fæ aldrei aftur til baka. En ég meina ok, þegar þú ert að horfa á þessa mynd, ég meina þá fer maður að hugsa. Af hverju??? Jerry, þú ert búinn að gera mynd um hversu frábært land Bandaríkin eru í raun og veru. En kom on?? Dan Akroyd??? Plís!!! En svona án djóks þá er Pearl Harbor einhver mest leiðinlegasta, væmnasta, tilgangslausasta mynd sem gerð hefur verið!!! Vel gerð..... Ok, ég viðurkenni það... Enn hvar er sagan, draman og tja... Almennt vit í þessari mynd???? Ég bara spyr!!!! Framvegis ætla ég að forðast allt sem stendur á Produced by Jerry Bruckheimer!!!

Ég held að einhver vinur kvikmyndaiðnaðarins ætti að taka sig til og taka Jerry Bruckheimer úr umferð með einum eða öðrum hætti. Þessar myndir hans eru byrjaðar að vera slíkar dellur að það hálfa væri mikið meira ein nóg. Þetta er án vafa mesta vindhögg kvikmyndasögunnar, fáránlega löng ástarvella sem er eins og búast mátti við brjálæðislega væmin. Taka skal fram að ég varð ekki fyrir neinum vonbrigðum þó þar sem ég vissi að um Bruckheimer væri að ræða. Árásin er það eina þolanlega í þessari mynd sem ég mæli með að fólk forðist eins og flestar aðrar myndir Jerry Bruckheimer (í það minnsta þessar nýjustu).

GEÐVEIK MYND! Ég var mjög sáttur við þessa mynd. Fyrri partur myndarinnar var kannski frekar slakur(sá partur er samt góður fyrir stefnumótapörin) en hún var svo skemmtileg eftirá. Árásin var frábær og senurnar sem komu á eftir hana voru með gott skemmtanagildi. Ben Affleck er mjög vanvirtur sem leikari og sama má segja með Josh Hartnet. Kate Bekcinsale var stórfín. (auka)Persónurnar voru góðar. Pearl Harbor er bara hin besta skemmtun og ég mæli með henni fyrir þá sem eru að leita að svipaðri stemmningu og Saving Private Ryan og The Thin Red Line. Myndin er ALLTOF vanmetin. HVAÐ ER AÐ YKKUR ÞARNA UPPI? sjáið þið ekki hvað myndin er flott? Hún slær út Titanic hörmungina.

Pearl Harbor er sögð í hér um bil þremur hlutum, sá fyrsti er þegar við kynnumst persónunum, sá næsti er bara árásin sjálf (sem var pottþétt besti parturinn), svo gerist þriðji parturinn eftir árásina og eitthvað fleira sem skiptir litlu máli því að þetta verður allt svo rosalega væmið. Ég skil ekki hvernig hópur svona góðra leikara hefðu getað tekið við slíkum hlutverkum(mér leist illa á persónurnar). Árásin sjálf var(eins og ég sagði) var í meira en hálftíma en einnig var hún albesti partur myndarinnar, þó að þetta hafi ekki verið neitt annað en tæknibrellur allann tímann. Ben Affleck og hinn gaurinn voru lélegir. Pearl Harbor var sú allra mesta vonbrigði sem ég sá í sumar, mér fannst líka trailerinn vera bara nokkuð fínn. Ég mæli alls ekki með Pearl Harbor því að hún er ofurlangdregin.

Það er ekki hollt fyrir mann eins og Michael Bay að gera mynd eins og þessa. Bay er allur í útlitinu og setur oftast innihald í aftursætið. Það á aðeins við hann - allavega hingað til - að gera "skemmtilegar" myndir, en ekki "góðar" myndir (þó svo að The Rock hafi verið fjári góð, þrátt fyrir að vera engin gæðaræma). Hann hefur ekki þroskast nægilega sem leikstjóri til að kunna að framkalla dramatískan kraft. Lítið t.d. bara á hve lélegur endirinn á Armageddon var...Pearl Harbor er ein af þessum myndum sem þurfti að gera svo margt rétt til að virka, en í staðinn hefur hún aðeins fáeina kosti og fjölmarga galla. Fyrst og fremst er ekki hægt fyrir leikstjóra að ætlast til þess að þú sem áhorfandi eyði þremur tímum í sögulega bíómynd þegar handritið er soddan viðbjóður. Bay hefði greinilega átt að ráða einhvern til að fara betur yfir handritið því þessi mynd er illa lyktandi af klisjum og formúlubundnum samræðum sem eru svo lélegar að það er nánast grín. Þetta þykir mér samt vera ógurlega skrítið því þessi mynd er skrifuð af sama manninum og pennaði epísku gæðamyndina Braveheart. Hvað skeði eiginlega?? Svo er myndin eiginlega bara löng að óþörfu, og hefði endilega mátt skera úr aukapersónum því þær gera sama og ekkert fyrir heildina - enda manni ósköp sama um þær.Það vantar ekki góða leikara í myndina, þ.e.a.s. ef þið teljið Ben Affleck og Kate Beckinsale vera góða leikara. Þau eru a.m.k. fráleit saman, og vondu samræðurnar gera þau aðeins hallærislegri. Aðrir leikarar, eins og Alec Baldwin, Jon Voight, Cuba Gooding Jr. og Tom Sizemore eru mjög fínir þrátt fyrir að vera meira til skrauts. Josh Hartnett er fínasti súkkulaðisdrengur og var hann hiklaust skástur á skjánum. Tel ekki ólíklegt að hann geri góða hluti í framtíðinni.Tölvubrellurnar eru annars það langbesta við þessa teygðu upplifun. Pearl Harbor-árásin sjálf var algjör snilld, þrátt fyrir að vera fátt annað en æfing í tæknibrellum og í raun var manni skítsama um persónurnar. Engu að síður virkaði þessi árás eins og ein brjáluð stuttmynd í sjálfu sér. Maður situr eftir hálf þreyttur eftir þetta sjónarspil og það er öruggt að segja að myndin toppi sig aldrei eftir þennan tímapunkt.Eins og allar Bay-myndir þá er Pearl Harbor útlitslega öflug en innihaldslega er þetta klárlega versta mynd mannsins til þessa. Armageddon var ekkert mikið skárri í gæðum en það var auðveldlega hægt að skemmta sér yfir henni. Þessi er bara einfaldlega leiðinleg.4/10

Pearl Harbor er frábær mynd sem engin ætti að missa af. En þetta er engin mynd fyrir einhverja töffara heldur er þetta mynd aðalega fyrir kvennkynið. Með aðalatriðin fara Ben Affleck ( Good Will Hunting, Armageddon ) og Josh Hartnett ( Halloween 20 ) þeir eru frábærir og ættu Óskarinn skilið. Þetta eru sætir leikarar og á uppleið. Þeir sem hafa áhuga á rómantík og stríðsmyndum ættu að sá þess mynd. EKKI LÁTA ÞESSA MYND FRAMHJÁ ÞÉR FARA !!!!!

Mér fanst þessi mynd léleg. Það var alltaf að segja að þessi mynd muni sökva Titanic en ég held að myndin sé langt undir skipinu. Það sem gerði þessa mynd lélega er að ástasagan var ömuleg, hún var allt of löng og allt of fyrirsjávanleg og allt of amerísk. Það besta við þessa mynd voru bardaganir sem maður þurfti að minsta kosti bíða í tvö klukkutíma að sjá. Þessvegna gef ég þessari mynd bara tvær og hálfa stjörnu.

Þvílík vonbrigði. Ég hafði að vísu heyrt lélega dóma um þessa mynd áður en ég sá hana, en bjóst samt ekki við þessu svona slæmu. Myndin er allt of löng. Leikararnir eru bara þarna og sýna engan stórleik, maður hefur það helst á tilfinningunni að þeir væru að ná sér í auðveldan pening. Tæknileg útfærsla er fín, en það er bara ekki nóg og heldur myndinni ekki uppi. Persónurnar eru illa skapaðar og maður fann ekki til samúðar með neinum, þessi lélegi ástarþríhyrningur var hálf aumkunarverður. Eitt það aumasta í myndinni var hlutverk Cuba Gooding Jr. Hann var settur inn í myndina til að hafa smá Politically Correct negra með. Maður hefur séð það aumt, en þetta var það aumasta sem maður hefur séð í pólitískri rétthugsun. Hvað næst? Það tekur því ekki að ræða um sögufölsunina og bullið sem boðið er upp á í þessari mynd. Það yrði of langt mál. Ég vona að þessi mynd fái enga Óskara næst þegar því dóti verður útdeilt.

Mér fannst þetta með betri myndum sem ég hef séð. Þetta er ein besta stríðsmynd sem gerð hefur verið, þó ekki eins góð og Saving Private Ryan. Þó svo að það hefði mátt vera minna um rómantík þá er árásin rosalegt sjónarspil. Það er hrein snilld hvernig árásin var gerð. Pearl Harbor er dýrasta mynd sem um getur og má segja að peningunum var vel varið. Ef þú ert mikið fyrir stríðsmyndir þá er þetta mynd fyrir þig.

Ég fór á þessa mynd með því hugarfari að hún væri léleg bandarísk vella með glæsilegum brellum. Hún fór langt fram út mínum björtustu vonum. Eina ástæðan fyrir því að mér tókst nokkurn tímann að lifa í gegnum fyrsta eina og hálfa tímann, sem var N. B. sá allra væmnasti sem ég hef nokkurn tímann séð, var sú að mér tókst á köflum að leiða hugann að einhverju skemmtilegra og áhugaverðara eins og úr hverju bíósætið sem ég sat í væri nú eiginlega gert, bómul eða gerviefni. Að lokum komst ég að þeirri þaulhugsuðu (hafði enda nógan tíma) niðurstöðu að það væri trúlegast úr einhverri gerviefnablöndu. Ekki það að ég hafi reynt að horfa á myndina, því miður var lofssöngurinn á bandaríkin og væmnin of yfirþyrmandi til að nokkur HEILVITA maður gæti mögulega notið einhvers af myndinni þarna í byrjun. Það sást í einn ljósan punkt í svartnættinu þegar Ben Affleck hóf að berjast á Evrópuvígstöðvunum. Ljósið slokknaði strax aftur þegar kom í ljós samkv. myndinni að það eina sem Bretar hefðu gert í stríðinu væri að hrósa Bandaríkjunum fyrir hugdirfsku og djörfung.... As if. Fljótlega eftir að hafa komið sér aftur fyrir í sætinu, úr gerviefnablöndunni, eftir hlé tók við virkilega vel gerð og útfærð árásin á Pearl Harbour. Ég fór bara á myndina fyrir þetta atriði og ég hefði notið myndarinnar mun betur ef þetta rúmlega hálftíma atriði hefði verið eina uppistaðan í myndinni. Ýkjurnar sem viðgengust þar dróg það samt því miður of langt niður (það vita allir að Zero-vélarnar eru mun liprari og betri en P-40). Ég nenni ekki eyða orðum á seinasta hluta myndarinnar sem er hreinlega algjörlega mislukkaður og mjög aum tilraun Bay/Bruckheimer til að láta líta út fyrir að bandaríkjamönnum hefði tekist að hefna ófarana við Pearl Harbour og vinna orrustuna. Myndin færa hálfa stjörnu fyrir tvö hluti. Í fyrsta lagi heppnaðist vel að búa til þrúgað andrúmsloft í árásinni og einnig kom mér mest á óvart að Japanir voru ekki gerðir að einhverjum vondum grýlum heldur sá maður að þeir voru líka mennskir (mjög ólíkt bandarískum kvikmyndum). Hinsvegar á sér stað nauðgun á mannkynssögunni sem ætti að kæra fólk og handtaka fyrir. Árásin er gerð svo dramatísk og allt í kringum hana. Einungis 2400 manns létust - sem er ekkert miðað við óteljandi fleiri átök í WWII og engu flugmóðursskipi bandaríkjamanna var grandað og þar með höfð bandaríkjamenn en slatta mikil áhrif í Kyrrahafi. Eitt orrustuskip var eyðilagt til frambúðar- restin (vel yfir 10 stk.) voru viðgerðarhæf og voru kominn í fremstu línu átakanna innan tíðar. Áherslunar í myndinni eru kolvitlausar - mynd sem heitir Pearl Harbour á að fjalla um árásina í forgrunni en ekki svona eitthvað hálfkákk eins hér á sér stað. Handritið er þynnra en Always Ultra og lekur öllu í gegn. Leikurinn er svona lala - segi ekki meira um það. Það þarf að banna bandaríkjamönnum að gera sannsögulegar kvikmyndir. Ef fólk vill sjá alvöru mynd um átökin í Pearl Harbour vil benda því að taka Tora! Tora! Tora! á næstu leigu.....

Mér finnst þessi mynd fullkomin! Ástæðan fyrir því að hún hefur fengið svona lélega dóma hér fyrir ofan er vegna þess að meirihlutinn sem gagnrýnir eru strákar/kallar! Þetta er ekki mynd fyrir þá! Þetta er nefnilega ekta stelpu/konumynd í gegn! Söguþráðurinn finnst mér æðislegur og sorglegt að þeir sem vilja sjá hana vita hvað gerist fyrir aðalpersónurnar, hverjar deyja og svo fleira (því að þeir sem hafa verið að skrifa um hana eyðileggja með dómum sínum). Tæknibrellurnar eru frábærar (og meira að segja strákarnir/kallarnir viðurkenna það!). Það sem er líka eitt af því besta við þessa mynd eru leikararnir, en þeir fara að kostum og þá sérstalega strákarnir Ben Affleck (sem leikur Rafe) og Josh Hartnett (hann leikur Danny) en þeir eru svo sætir að allt sem var kvenkyns inni í salnum þegar ég sá hana bráðnaði þegar þeir komu á tjaldið! :) Maður lifði sig líka svo mikið inn í myndina að ég grét tvisvar sinnum (og var ekki sú eina)! Ég mæli pottþétt með þessari mynd! Peningarnir sem þeir hjá Disney eyddu í hana borguðu sig svo sannarlega!