Jólatöfrar á stóra tjaldinu – Jóladagatal Sambíóanna 2025

Sambíóin bjóða í ár upp á glæsilegt Jóladagatal þar sem sígildar jólamyndir, ævintýri og ógleymanlegar jólaperlur fylla stóra tjaldið. Hér er eitthvað fyrir alla – fjölskyldur, vinahópa og þá sem vilja komast í einstaklega notalegt jólastuð áður en hátíðin gengur í garð.

Hér fyrir neðan er öll dagskráin, í tímaröð, ásamt stuttum kynningum á hverri mynd.

12. desember – Christmas Vacation

Sambíóin Kringlunni – kl. 19:30

National Lampoon’s Christmas Vacation (1989) er ein vinsælasta jólamynd allra tíma. Fjölskyldumaðurinn Clark Griswold reynir að skapa fullkomin jól, en allt fer auðvitað á hliðina með stórkostlega skemmtilegum afleiðingum. Myndin er bæði hlý og sprenghlægileg, full af ógleymanlegum senum sem hafa gert hana að sígildri jólahefð.

Fullkomin mynd til að koma jólastemningunni strax af stað.

13. desember – Tvenn jólaævintýri

How the Grinch Stole Christmas (2000)

Egilshöll – kl. 17:00
Jim Carrey fer á kostum sem Grinch í þessari litríkri og skemmtilegu fjölskyldumynd sem margir telja algert jólamöst — hlý, fyndin og fullkomin fyrir alla aldurshópa.

The NeverEnding Story (1984)

Sambíóin Kringlunni – kl. 19:00 og 21:15
Tímalaust ævintýri þar sem ungur drengur dregst inn í töfraheiminn Fantasíu. Frábært tækifæri til að sjá þessa sígildu ævintýrasögu frá níunda áratugnum aftur á stóra tjaldinu.

14. desember – The Nightmare Before Christmas

Egilshöll – kl. 18:00, 20:00 og 22:00

Tim Burton og Danny Elfman skapa hér einstakt og ógleymanlegt hrollvekjandi tónlistar-jólaævintýri sem er orðin hefð hjá mörgum. Frábær mynd fyrir alla sem elska aðeins öðruvísi jólastemmningu.

15. desember – It’s a Wonderful Life (1946)

Sambíóin Kringlunni – kl. 19:00

Jólamynd jólamyndanna. It’s a Wonderful Life er ekki aðeins talin besta jólamynd allra tíma heldur er hún líka gjarnan nefnd meðal bestu kvikmynda sem gerðar hafa verið, óháð flokki. George Bailey sér hvernig lífið hefði orðið ef hann hefði aldrei verið til – og niðurstaðan er ein áhrifamesta og hlýjasta kvikmynd jólahátíðarinnar.

Sígild, áhrifarík og ómótstæðileg feel-good mynd sem er tilvalin á stóra tjaldið.

16. desember – A Very Harold & Kumar Christmas (2011)

Sambíóin Kringlunni – kl. 21:00

Óheflað grín, jólabrjálæði og sígild Harold & Kumar-stemning fyrir fullorðna áhorfendur. Myndin er bönnuð innan 16 ára.

17. desember – Tvær vinsælar jólamyndir

Elf (2003)

Sambíóin Kringlunni – kl. 19:00
Will Ferrell fer á kostum sem Buddy the Elf í einni skemmtilegustu og hjartahlýjustu jólamynd 21. aldarinnar — óþrjótandi orka, sakleysi og ómótstæðilegur jólahúmor.

Home Alone 2: Lost in New York (1992)

Egilshöll – kl. 17:30
Kevin McAllister er mættur aftur í New York! Jólafjör á hæsta stigi og ómótstæðileg 90s-nostalgía.

18. desember – The Holiday (2006)

Sambíóin Kringlunni – kl. 19:00

Ein huggulegasta jólarómantík sem hægt er að sjá á stóra tjaldinu. Cameron Diaz, Kate Winslet, Jude Law og Jack Black fara á kostum í þessari ástsælu jólaklassík.

19. desember – Home Alone (1990)

Sambíóin Kringlunni – kl. 19:00

Óumdeilanlega frægasta jólamyndin — og sú besta að mati margra. Kevin McAllister er einn heima og ver heimilið gegn tveimur heimskustu þjófum kvikmyndasögunnar, og úr verður ógleymanleg jólamynd sem hefur staðist tímans tönn og orðið hluti af jólahefð milljóna áhorfenda.

20. desember – The Muppet Christmas Carol (1992)

Sambíóin Kringlunni – kl. 16:40

Ein besta og ástsælasta kvikmyndaútgáfan af sögunni um Scrooge, þar sem Prúðuleikararnir setja sinn sérstaka svip á klassíska jólasögu Dickens. Einstaklega skemmtileg fjölskyldumynd sem hefur notið vinsælda í áratugi.

21. desember – E.T. the Extra-Terrestrial (1982)

Sambíóin Kringlunni – kl. 17:00

Steven Spielberg skapar hér tímamótasögu um vináttu og hugrekki. Frábært tækifæri fyrir fjölskyldur að upplifa þessa sígildu mynd á stóra tjaldinu fyrir jólin.

22. desember – Die Hard (1988)

Sambíóin Kringlunni – kl. 21:00

„Now I have a machine gun. Ho-ho-ho.“
Hin eilífa spurning: Er þetta jólamynd? Sambíóin segja: Já!
Bruce Willis tekst á við hryðjuverkamenn, skakkaföll í einkalífi og jólastressið allt í senn – í þessari ógleymanlegu aðventusprengju.

23. desember – The Polar Express (2004)

Sambíóin Kringlunni – kl. 16:40

Töfrandi jólaævintýri um trú, von og sjálfan jólaandann. Tilvalin mynd til að ljúka jóladagatalinu með einstökum hátíðartóni.
Allar jólasýningar Sambíóanna má finna hér

Einnig er hægt að fá ítarlegt yfirlit yfir sýningar á sígildum kvikmyndum bíóhúsanna á Nostalbíó hér

Að lokum má nefna að framleiðandi kvikmyndaspilsins Bíótöfrar verður með sérstakar kynningar á spilinu á jóladagatals­sýningum í Kringlunni. Frábært tækifæri til að kynna sér leikinn, spjalla og fá jólagjafahugmynd á staðnum.

Christmas Vacation

Christmas Vacation 1989

Gaman · 97 mínÖllum leyfðIMDb 7.5

Clark Wilhelm Griswold langar að halda hin fullkomnu Griswold fjölskyldujól. Eftir margra mánaða undirbúning býður hann bæði foreldrum sínum og tengdaforeldrum, og einnig frænda sínum Louis og elliærri frænku sinni…

Gefa einkunn

How the Grinch Stole Christmas

How the Grinch Stole Christmas 2000

Gaman, Ævintýri, Fjölskylda · 104 mínÖllum leyfðIMDb 6.4

Myndin er byggð á þekktri bók eftir Dr. Seuss. Inni í snjókorni er töfralandið Whoville. Í Whoville búa the Whos, og þar elska allir jólin. En fyrir utan bæinn býr Trölli, sem óskemmtilegur náungi sem hatar jólin, og…

Gefa einkunn

The NeverEnding Story

The NeverEnding Story 1984

Drama, Ævintýri, Fjölskylda · 102 mín6 áraIMDb 7.3

Myndin segir frá Bastían Balthasar Búx, sem á ekki sjö dagana sæla þar sem hrekkjusvín í skólanum leggja hann í einelti. Dag einn tekst honum að flýja kvalara sína inn í bókabúð og í framhaldinu kemst hann yfir bók eina…

Gefa einkunn

The Nightmare Before Christmas

The Nightmare Before Christmas 1993

Ævintýri, Fjölskylda, Söngleikur · 76 mín6 áraIMDb 7.9

Jack Skellington, graskerskóngur Halloweenbæjar, er orðinn leiður á að gera það sama á hverju ári á Halloween, eða Hrekkjavökuhátíðinni. Einn daginn þvælist hann inn í Jólabæ, og heillast svo af hugmyndinni um jólin, að…

Gefa einkunn

It's a Wonderful Life

It's a Wonderful Life 1946

Drama, Ævintýri, Fjölskylda · 130 mín6 áraIMDb 8.6

George Bailey hefur eytt öllu lífi sínu í þjónustu við fólkið í Bedford Falls. Honum hefur alltaf langað að ferðast en aldrei séð sér það fært því hann vill ekki að ríki aurapúkinn Mr. Potter nái yfirráðum í bænum…

Gefa einkunn

A Very Harold and Kumar Christmas

A Very Harold and Kumar Christmas 2011

Gaman, Ævintýri · 90 mín16 áraIMDb 6.2

Það eru liðin sex ár frá því að þeir Harold og Kumar flúðu úr Guantanamo-fangabúðunum. Á þessum árum hafa þeir fjarlægst hvor annan verulega og um leið eignast nýja vini. Nú er jólahátíðin að ganga í garð og þótt þeir…

Gefa einkunn

Elf

Elf 2003

Gaman, Ævintýri, Fjölskylda · 97 mínÖllum leyfðIMDb 7.1

Buddy var á munaðarleysingjahæli sem barn en stalst í burtu í poka jólasveinsins og endaði á norðurpólnum. Seinna, þegar hann er orðinn fullvaxinn maður, sem óvart var alinn upp af álfum, þá leyfir jólasveinninn honum…

Gefa einkunn

Home Alone 2: Lost in New York

Home Alone 2: Lost in New York 1992

Gaman, Ævintýri, Fjölskylda · 120 mín6 áraIMDb 6.9

Kevin McCallister er mættur aftur. Í þetta skiptið er hann í New York borg með nóg af peningum og kreditkortum, og ákveður að skemmta sér eins og hann getur, og breyta borginni í sinn eigin leikvöll. En Kevin er ekki…

Gefa einkunn

The Holiday

The Holiday 2006

Gaman, Rómantík · 138 mín6 áraIMDb 7.0

Iris er ástfangin af manni sem er að fara að giftast annarri konu. Hinum megin á hnettinum áttar Amanda sig á því að sambýlismaður hennar hefur verið henni ótrúr. Konurnar hafa aldrei hist og búa langt í burtu frá…

Gefa einkunn

Home Alone

Home Alone 1990

Gaman, Fjölskylda · 103 mín6 áraIMDb 7.8

Það eru komin jól og McAllister fjölskyldan er að undirbúa að fara í frí til Parísar í Frakklandi. Yngsti fjölskyldumeðlimurinn Kevin lenti í rifrildi við eldri bróður sinn Buzz og var sendur upp í herbergið sitt sem…

Gefa einkunn

The Muppet Christmas Carol

The Muppet Christmas Carol 1992

Gaman, Drama, Ævintýri · 85 mínÖllum leyfðIMDb 7.8

Endursögn af hinni sígildu sögu Dickens um nirfilinn Ebenezer Scrooge. Draugar fortíðar, nútíðar og framtíðar heimsækja hann til að sýna honum heiminn og tilveruna í nýju ljósi.

Horfa:Disney+
Gefa einkunn

E.T.

E.T. 1982

Vísindaskáldskapur, Ævintýri, Fjölskylda · 115 mín6 áraIMDb 7.9

Myndin fjallar um geimveruna E.T. sem verður viðskila við félaga sína og ílengist á jörðinni. Ungur drengur, Elliot, finnur hana og platar hana heim til sín þar sem systkini Elliots kynnast geimverunni. Fljótlega verður…

Gefa einkunn

Die Hard

Die Hard 1988

Spenna, Spennutryllir, Glæpa · 131 mín16 áraIMDb 8.2

New York löggan John McClane er nýkomin til Los Angeles til að eyða þar jólunum með eiginkonu sinni. Til allrar óhamingju, þá er ekki útlit fyrir gleðileg jól á þeim bænum. Hópur hryðjuverkamanna, undir forystu Hans…

Gefa einkunn

The Polar Express

The Polar Express 2004

Gaman, Ævintýri, Fjölskylda · 99 mínÖllum leyfðIMDb 6.6

Myndin fjallar um ungan dreng sem fer um borð í kraftmikla töfralest á aðfangadagskvöld á leið til norðurpólsins og heim til jólasveinsins. Það sem fylgir í kjölfarið er ævintýri um dreng sem efast, en lendir í miklum…

Gefa einkunn