IceGuys – Kvikmyndin er lang vinsælasta kvikmyndin á landinu aðra vikuna í röð en tekjurnar námu rúmri 21 milljón króna og samtal eru þær orðnar 45,5 milljónir króna. Sýningargestir eru samtals orðnir 18.500
Alfreð Ásberg hjá Sambíóunum segir í fréttatilkynningu frá Atlavík, framleiðanda kvikmyndarinnar, að þetta sé stærstu opnun íslenskrar myndar í nokkur ár.
„Það er frábært að fá íslenska grínmynd í bíó enda er allt of lítið af íslenskum grínmyndum í boði og viðtökurnar sýna að það er eftirspurn eftir þeim,“ segir Alfreð í tilkynningunni. „Þetta er langstærsta opnun á íslenskri bíómynd í nokkur ár. Myndin hefur líka fengið frábæra dóma hjá gagnrýnendum og Morgunblaðið talaði meðal annars um hörkuskemmtilega mynd með góðum húmor, hasar og grípandi tónlist,“ bætir Alfreð við.
Klipparar Iceguys sóttu innblástur víða
Nýjar myndir á lista
Kötturinn með Höttinn frá Samfilm kom ný inn í annað sætið með 4,342,945 króna í tekjur og 2569 í aðsókn. Þetta er góð byrjun fyrir þessa nýju mynd og sýnir að hún hefur náð að vekja athygli áhorfenda. Einnig kemur Wild Horse Nine ný inn í þriðja sætið með 1,835,973 króna í tekjur og 777 aðsókn.
Stærsta droppið
Ekki gekk jafn vel hjá Clayface sem var í öðru sæti í síðustu viku. Myndin féll niður í fjórða sætið með 1,821,772 króna í tekjur og 863 aðsókn, en það er 44% minni aðsókn en í síðustu viku. Einnig er Skrímslaskólinn í miklu falli, en hún féll úr þriðja sæti niður í tíunda með 436,604 króna í tekjur og 345 í aðsókn, sem er 67% minni aðsókn en í síðustu viku.
