Maid in Manhattan
Öllum leyfðÍ myndinni er ljótt orðbragð
GamanmyndRómantískDrama

Maid in Manhattan 2002

Frumsýnd: 14. mars 2003

This Christmas ... love checks in.

5.2 80008 atkv.Rotten tomatoes einkunn 39% Critics 6/10
105 MÍN

Marisa Ventura er einhleyp móðir, fædd og uppalin í New York, og vinnur sem þerna á fyrsta flokks hóteli á Manhattan. Örlögin haga því svo til að Marisa hittir Christopher Marshall, myndarlegan erfingja valdamikillar fjölskyldu, sem heldur fyrir misskilning að hún sé gestur á hótelinu, og þau eyða kvöldi saman. Þegar í ljós kemur hver Marisa er í raun og... Lesa meira

Marisa Ventura er einhleyp móðir, fædd og uppalin í New York, og vinnur sem þerna á fyrsta flokks hóteli á Manhattan. Örlögin haga því svo til að Marisa hittir Christopher Marshall, myndarlegan erfingja valdamikillar fjölskyldu, sem heldur fyrir misskilning að hún sé gestur á hótelinu, og þau eyða kvöldi saman. Þegar í ljós kemur hver Marisa er í raun og veru, þá komast þau að því að þau koma úr tveimur gjörólíkum heimum, þó svo að vegalengdin á milli þeirra sé ekki svo löng, á milli Manhattan og Bronx.... minna

Aðalleikarar

Jennifer Lopez

Marisa Ventura

Ralph Fiennes

Christopher "Chris" Marshall

Natasha Richardson

Caroline Lane

Stanley Tucci

Jerry Siegel

Tyler Posey

Ty Ventura

Frances Conroy

Paula Burns

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (8)


Mynd sem engin skúringakona ætti að láta framhjá sér fara, alveg ómissandi fyrir alla þá sem vilja taka til í herberginu sínu.
Fannst þér gagnrýnin hjálpleg? Nei

Maid in Manhattan er ein af þessum myndum sem maður er búinn að gleyma um leið og maður gengur út úr bíóinu. Þessi mynd fjallar um þernuna Marisu Ventura sem vinnur á hóteli og líkar ekki alveg nógu vel í vinnunni. Hún vill fá stjórnunarstarf, stefna hærra í metorðastiganum. Henni verður það á að máta föt sem gestur hótelsins á (veit ekki hvers vegna í ósköpunum) og í því kemur maður sem er að bjóða sig fram til þings. Hann fellur fyrir henni og hún honum en hún villir á sér heimildir og úr verður klisjukenndur farsi. Inn í þetta spilast vinkonur þernunnar, sonur hennar og aðstoðamaður þingmannsins (sá fyndni). Myndin er hvorki fugl né fiskur og afskaplega bandarísk. Myndin se sambland af Pretty Woman og Þyrnirós. Ralph Finnes finnur sig engan veginn og Jennifer Lopez er engin leikkona. Ljósi punktur myndarinnar er Stanley Tucci sem leikur aðstoðarmann þingmannsins. Myndin hentar samt vel fyrir pör sem fara saman í bíó til að vera með hvort öðru, og þá er myndin aukaatriði.
Fannst þér gagnrýnin hjálpleg? Nei

Fyrir nokkru skellti ég mér ásamt vinkonunum á þessa indælu mynd. Ég held að allir þurfi á svona hugljúfri hressingu að halda endrum og eins. Þetta er mynd sem fær hjartað til að slá, þó ekki sé nema meðan á sýningunni stendur. Bæði Lopez og Fiennes eru stórfín í sínum hlutverkum, -og ekki má gleyma þeim sem lék son hennar því sá var dásamlegur og vonandi að maður eigi eftir að sjá hann oftar. Eins og komið hefur fram er Maid in Manhattan sannkölluð öskubuskusaga í nútímalegri útgáfu og gengur vel upp. Persónurnar eru skemmtilegar og þá sérstaklega samstarfskonur Lopez á hótelinu sem hún vinnur á. Þetta er svona formúlan að sannri ástarsögu; hún er einstæð móðir sem vinnur hörðum höndum til að þau mæðginin tóri í erfiðum heimi; hann er ríkur stjórnmálamaður. Sonurinn er undrabarn sem verður fyrir síendurteknum vonbrigðum vegna fjarveru föður síns, svo þegar hann hittir skemmtilega þingmanninn með hundinn í lyftu hótelsins, fara hjólin að snúast. Gaman, alvara, spenna og ævintýri; allt í einni mynd. Þessi er fín á vídeókvöldið -jafnvel fyrir strákana!
Fannst þér gagnrýnin hjálpleg? Nei

Maid in Manhattan er mynd sem kom mér virkilega á óvart, ég var búinn að heyra að hún væri virkilega góð en var samt svolítið fanatískur á það. Ralph Fiennes færir sig upp metorðastigann minn með hverri myndinni sem hann leikur í, það er alltaf hægt að stóla á hann. Jennifer Lopes stendur sig mjög vel í myndinni og hún fer batnandi með hverri mynd sem hún leikur í.

Myndin er þessi venjulega Hollywood ástarsaga en engu að síður er hún fyndin og skemmtileg. Ég get alveg mælt með því að fólk sjái hana en hún er engu að síður videomynd frekar en bíómynd.
Fannst þér gagnrýnin hjálpleg? Nei

Myndin er um Marishu(Jennifer Lopez) sem er ræstingarkona á fínu hóteli svo kynnist hún manni sem er mikils metinn og hann verður ástfangin af henni en hann heldur að Marisha sé önnur en hún er og hún lætur hann halda það. Þetta er ágætismynd en samt svolítið týpísk en fær samt 2og1/2 stjörnu hjá mér.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn