A Walk to Remember
Öllum leyfðÍ myndinni er ljótt orðbragð
RómantískDrama

A Walk to Remember 2002

She didn't belong. She was misunderstood. And she would change him forever.

7.4 191006 atkv.Rotten tomatoes einkunn 27% Critics 8/10
101 MÍN

Hrekkur sem nemandi í Beaufort í Norður Karólínu, verður fyrir, endar illa og nemandinn er fluttur á spítala. Landon Carter, sem er vinsæll nemandi sem er ekki með nein sérstök framtíðarplön, er sagður ábyrgur, og er neyddur til að taka þátt í samfélagsþjónustu eftir skóla í refsingarskyni, en meðal þess sem hann þarf að gera er að leika aðalhlutverkið... Lesa meira

Hrekkur sem nemandi í Beaufort í Norður Karólínu, verður fyrir, endar illa og nemandinn er fluttur á spítala. Landon Carter, sem er vinsæll nemandi sem er ekki með nein sérstök framtíðarplön, er sagður ábyrgur, og er neyddur til að taka þátt í samfélagsþjónustu eftir skóla í refsingarskyni, en meðal þess sem hann þarf að gera er að leika aðalhlutverkið í skólaleikritinu. Jamie Sullivan tekur einnig þátt í þessu sama, en hún er prestsdóttir, metnaðargjörn og á ekkert sameiginlegt með Landon. Þegar Landon ákveður að hann vilji gera þetta allt saman af heilum hug, þá biður hann Jamie um aðstoð og byrjar að eyða sífellt meiri tíma með henni. Smátt og smátt fer hann að verða skotinn í henni, sem hann áttti ekki von á að gerðist. Þau hefja ástarsamband, í óþökk vina hans og föður Jamie. En þegar leyndarmál kemur í dagsljósið, reynir á sambandið, og Landon og Jamie þurfa að líta í eigin barm. ... minna

Aðalleikarar

Mandy Moore

Jamie Sullivan

Shane West

Landon Carter

Peter Coyote

Reverend Sullivan

Daryl Hannah

Cynthia Carter

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (1)


Mig langaði ferlega mikið að gefa þessari mynd þrjár stjörnur. Ástæðan er sú að hún er svo allt öðruvísi en flestar unglinga-ástarsögu-formúlu-myndir, að hún á margfalt hrós skilið fyrir. Þið vitið hvaða formúlu ég er að tala um: Halló stelpan og töff strákurinn, þessi týpíska öskubusku-saga, þar sem halló stelpan er sett í makeover og verður allt í einu svaka falleg og töff strákurinn missir andlitið og fellur fyrir henni og hún verður vinsæl og allir lifa hamingjusamir til skólaloka...

Nei hér er sko allt önnur saga á ferðinni, og miklu raunsærri og þannig séð fallegri. Hér er það töffarinn sem fær makeover, og þarf að takast á við sjálfan sig. Fyrst þarf hann að sætta sig við að hann laðast að halló stelpunni, og svo þarf hann að finna hugrekkið til að fara á móti vilja hópsins og hætta að vera aðaltöffarinn. Í rauninni er þetta þroskasaga hans og reyndar líka fleiri sögupersóna. En svo er ekki allt sem sýnist og endirinn ef til vill ekki það sem maður átti von á í upphafi. Mér finnst ýmislegt í seinni hlutanum draga myndina niður, en vil helst ekki skemma myndina fyrir ykkur með að segja hvað það er. Ég læt mér nægja að segja að sumt verði of fullkomið og annað full væmið. kannski myndin innihaldi bara aðeins of amerísk gildi fyrir Íslending eins og mig... en ég samt verð að hrósa henni fyrir að taka á þessu öskubusku efni á réttan hátt. því af hverju í ósköpunum má ekki bara öskubuska vera í sínum hallærislega an þægilega kjól? á ekki prinsinn bara að elska hana eins og hún er? í þessari mynd gerir hann það.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn