Annað sýnishornið úr nýju Star Wars-myndinni, Star Wars: The Force Awakens, var afhjúpað fyrr í dag.
Í sýnishorninu fáum við að sjá ýmsa kunnuglega hluti og má þar m.a. telja stormsveitarmenn, hjálminn hans Svarthöfða og geislasverð. Stórstjörnur kvikmyndaseríunnar, Han Solo og Chewbacca, bregða svo fyrir í endann á stiklunni.
Myndin gerist 30 árum eftir að Return of the Jedi gerðist og vísar titilinn á myndinni í mátt Sith og Jedi-meistaranna. Máttur þessi gefur handhafa sínum vald til þess að m.a. ýta og toga hlutum án snertingar við þá.
J.J. Abrams leikstýrir og með aðalhlutverk í myndinni fara Adam Driver, Daisy Ridley, John Boyega, Mark Hamill, Harrison Ford og Carrie Fisher.
Myndin er væntanleg í kvikmyndahús þann 18. desember næstkomandi. Hér að neðan má sjá þessa stórkostlegu stiklu.