Fyrstu myndirnar af Dumb and Dumber to leikurunum Jim Carrey og Jeff Daniels á tökustað myndarinnar hafa verið birtar á Twitter. Á annarri þeirra glugga þeir í nýútkomna barnabók Jim Carrey, sem við sögðum frá fyrr í dag, en á hinni brosa þeir breiðu heimskulegu brosi í myndavélina.
Sjáðu myndirnar hér fyrir neðan:
Það er skammt stórra högga á milli hjá Daniels, en á sunnudaginn var hann valinn besti leikarinn í drama seríu á Emmy verðlaunahátíðinni í Bandaríkjunum fyrir hlutverk sitt sem Will McAvoy í sjónvarpsþáttunum Newsroom.
Dumb and Dumber to er framhald hinnar sígildu og sprenghlægilegu gamanmyndar Dumb and Dumber.
„Það eru nokkrir hlutir sem við munum gera í Dumb and Dumber to sem munu láta klósett atriðið [ í fyrstu myndinni] líta út fyrir að vera glatað. Það mun fölna í samanburði en ég get ekki ljóstrað upp um hvað það er, en bara sagt að það verður toppað. Það besta við að leika í myndinni er að ég fæ að vinna með grín snillingi,“ sagði Daniels við E! online fréttaveituna á rauða teppinu á Emmy verðlaunahátíðinni, en grín snilllingurinn sem hann vísar til er að sjálfsögðu Carrey.