U Turn (1997)

U-turn er ein af bestu Ruglaðu-mig-í-hausnum myndum sem ég hef séð.Oliver Stone er í pottþéttum málum með þessa mynd,fullt af geðveikum leikurum og ágætis plott í gangi.Sean Penn er mjög góður í þessari mynd,en það sem er skemmtilegast við þessa mynd eru aukaleikararnir.Má þar nefna Joaquin Phoenix sem overprotectar kærustu sína(Claire Danes)og Jon Voight sem heimilisleysinginn.Það þarf ekkert að analysa karakterana í þessari mynd(þeir eru allir SNARGEÐVEIKIR)hvort sem það er lögreglustjórinn eða maðurinn á bílaverkstæðinu sem by the way er leikinn frábærlega af hinum magnaða Billy Bob Thornton.Ef þig langar að sjá mynd sem er í geggjaðri kantinum taktu þá þessa.

Hvað eru allir að pæla með því að dissa Oliver Stone? U-Turn sannar enn og aftur að Stone er kóngurinn. Myndin er afskaplega vel tekin og skapar smá film-noir stemming sem sakar ekki. Sean Penn stendur sig æðislega og ekki má gleyma Nick Nolte, Claire Danes, Jon Voight og að sjálfsögðu Billy Bob Thornton. Handritið er geðveikt og endurinn kemur á óvart. U-Turn er einstök flétta sem ætti ekki valda vonbrigðum.

Svei mér þá, ef þetta er hreinlega ekki ein af betri myndum seinni ára. Fjallar um Bobby Cooper, leikinn af Sean Penn, sem á leið sinni til Las Vegas festist á einhverjum bandarískum Patreksfirði. Þar hittir hann nú aldeilis hvert inbríd-ógeðið á fætur öðru, ríkasta mann bæjarins, vergjarna eiginkonu hans, blindan betlara, spilltan lögreglustjóra, slagsmálahund og brókarsóttarsjúka vinkonu hans og síðast en alls ekki síst bifvélavirkja úr helvíti. Er vægt til orða tekið að manninum leiðist staðurinn allnokkuð, en leiðin út úr bænum er torfarnari en leiðin inn. Myndin er gargandi kolsvört snilld sem allir kvikmyndaáhugamenn verða að sjá.