Jimi: All Is by My Side (2013)

Í myndinni er sagt frá Jimmy James, óþekktum gítarleikara, sem fór frá New York borg til Lundúna í Englandi árið 1966. Ári síðar sneri hann aftur sem Jimi Hendrix. Myndin varð til eftir að Ridley uppgötvaði lag Hendrix, "Sending My Love ot Linda," sem fjallaði um fyrirsætuna Linda Keith, sem hlustaði á Hendrix á tónleikum í London árið 1966, og lék lykilhlutverk í að hvetja hann áfram á framabrautinni. Jimi Hendrix er af mörgum talinn einn albesti gítarleikari sem komið hefur fram á sjónarsviðið, en hann lést aðeins 27 ára að aldri 18. september 1970. Mynd þessi er eftir leikstjórann og handritshöfundinn John Ridley sem hlaut Óskarsverðlaunin í ár fyrir handrit sitt að myndinni 12 Years a Slave og skrifaði einnig t.d. söguna Three Kings sem David O. Russell leikstýrði árið 1999. Jimi: All Is by My Side gerist árið 1966 í London en þangað flutti Hendrix að áeggjan Chas Chandlers, bassaleikara The Animals, sem taldi að í London myndi hann kynnast fólki sem gæti hjálpað honum að koma sér áfram í bransanum. Það leið heldur ekki á löngu uns Hendrix var búinn að sanna hæfileika sína í tónlistarheimi Lundúna sem m.a. leiddi til þess að Paul McCartney aðstoðaði hann við að fá boð um að spila á hinni frægu Monterey-tónlistarhátíð þar sem Hendrix sló algjörlega í gegn. Ári síðar gaf hann út hina frægu plötu Electric Ladyland. En Hendrix átti við áfengis- og fíkniefnavanda að stríða sem varð honum að fótakefli ....