The Rainmaker 1997
Aðgengilegt á Íslandi
Frumsýnd: 8. apríl 1998
135 MÍNEnska
Rudy Baylor er atvinnulaus ungur lögfræðingur. Samt sem áður er hann eina von eldri hjóna sem eiga í deilum við tryggingafélagið sitt, sem vill ekki borga fyrir aðgerð sem gæti bjargað lífi sonar þeirra. Rudy lærir að hata fyrirtækjamenningu Bandaríkjanna um leið og hann verður ástfanginn af ungri giftri konu.
Aðalleikarar
Leikstjórn
Handrit
Svipaðar myndir
Gagnrýni (4)
Mér fannst þetta alveg hin ágætasta skemmtun. Virkilega vel skrifuð og leikinn mynd. Fullt af stórleikurum, eins og Matt Damon, Danny Devito, Mickey Rourke o.fl. skila sínum hlutverkum vel frá sér. Þó þetta sé nú ekki besta mynd Coppola, þá er hún alveg þess virði að sjá. Lögfræðidrama sem klikkar ekki.
Þessi mynd er einfaldlega frábær, Francis Ford Coppola er hreinn snillingur, þó að þetta sé ekki besta mynd sem hann hefur gert er þessi mynd frábær.
Það er enginn annar en óskarsverðlaunaleikstjórinn Francis Ford Coppola sem leikstýrir þessari stjörnumprýddu kvikmynd eftir skáldsögu Johns Grishams "en hann hefur skrifað kvikmyndahandrit t.a.m. The Pelican Brief, The Firm, The Client og A Time To Kill". Myndin hefur fengið mjög góða dóma gagnrýnenda og þeir eru ófáir sem halda því fram að hér sé komin besta myndin eftir sögum Grishams. Matt Damon leikur Rudy Baylor, nýútskrifaðan lögfræðing úr 2. flokks lagaskóla í Tennessee, sem fær vinnu hjá einkar vafasömum náunga að nafni Bruiser Stone. Þar kynnist hann Deck Shifflet "Danny DeVito", en hann virðist öllum hnútum kunnugur í heimi lögfræðinnar og málavafstursins þótt hann sé ekki fyllilega löggiltur lögfræðingur. Deck segir Rudy að hann eigi sér enga framtíð hjá Bruiser Stone og telur hann á að opna sína eigin lögfræðistofu með sig sem sérlegan aðstoðarmann. Þeir félagar hella sér síðan út í að finna sér sín eigin mál. Ekki líður á löngu uns þeir hafa fengið á sína könnu 3 mál sem í fyrstu virðast ekkert eiga sameiginlegt, en eiga, þegar betur er að gáð, eftir að tengjast með ýmsum hætti. En það er ekki allt unnið með því að fá þessi mál til meðferðar eins og Rudy á eftir að komast að - það þarf líka að flytja þau fyrir dómstólum og helst vinna. En hvað er hægt að ætlast til af ungum lögmanni þegar hann lendir á móti einum reyndasta lögmanni borgarinnar "Jon Voight" í snúnu tryggingarmáli, manni sem hefur í kringum sig heilan her til að sinna málinu og þekkir til í hreinlega öllum skúmaskotum lögfræðinnar? Möguleikar Rudys eru hverfandi - þangað til hann uppgötvar slóð sem gæti leitt hann að því eina sem fært gæti honum sigur: Sannleikanum! Auk fyrrnefndra leikara má minnast á Claire Danes, Andrew Shue "Melrose Place", Mickey Rooney, Danny Glover og óskarsverðlaunaleikkonuna Teresu Wright. Vönduð og vel leikin kvikmynd að hætti meistara Coppola sem ég mæli með og gef ég henni þrjár stjörnur.
Í þessari mynd eru ágætir leikarar en það er ekki þeim að kenna að myndin er svolítið langdregin og mér finnst leiðinlegt að segja að mér leiddist á henni. En það er ágætt að hún endaði vel.
Tengdar fréttir