The Crew (2000)

Fjórir fyrrum mafíósar sem búa í niðurníddu strandhóteli í Miami, gera áætlun um að flæma burt alla ungu íbúana sem eru smátt og smátt að leggja undir sig hótelið, með tilheyrandi hækkun á leigu. Þeir taka lík af manni sem finnst á ströndinni og láta líta út fyrir að hann hafi verið drepinn í mafíuárás, og láta fylgja með skilaboð sem segja að búast megi við fleiri drápum. Til allrar óhamingju þá reynist líkið vera af öldruðum föður eiturlyfjabaróns. Baróninn segir drápurum föður síns stríð á hendur, og telur að óvinir sínir hafi framið morðið. Nektardansmær fréttir af því hvernig fjórmenningarnir tengjast málinu og hótar að láta eiturlyfjabaróninn vita af því, nema þeir geri sér greiða og drepi stjúpmóður sína. Á sama tíma leitar einn maður að löngu glataðri dóttur sinni, sem er rannsóknarlögreglumaðurinn sem rannsakar málið, og er að reyna að slíta sambandinu við fyrrum kærasta sinn og félaga í lögreglunni.