Righteous Kill (2008)

 Ég varð mjög vonsvikin eftir að hafa séð Righteous Kill, þar sem ég beið og beið eftir neistanum sem kom aldrei. Pacino og De Niro náðu sér aldrei á strik, ásamt því að handritið var ekki nógu gott. Það vantaði alla spennunan og neistann á milli Pacino og De Niro. Kannski var maður að vonast eftir því sama og í Heat á sínum tíma. Þeir áttu fáa en stutta góða spretti í myndinni, þar sem handritið náði ekki að setja þá á fullt skrið.Loka einkunn: 7/10

Skítsæmileg sakamálamynd með Robert De Niro og Al Pacino í aðalhlutverkum sem lögreglumenn í morðrannsókn. Righteous Kill hefur skemmtilega umgjörð en hún verður aldrei neitt sérstaklega spennandi fyrr en alveg undir lokin. Pacino og De Niro eru því miður bara alls ekki góðir saman hér. Samleikur þeirra er bara svo slappur og skortir allan neista. Aðrir leikarar hér á borð við John Leguizamo, Donnie Whalberg og Brian Dennehy koma heldur ekki vel út. Righteous Kill er alls ekki sem verst, alveg horfanleg og nokkrir fínir kaflar en hún er eiginlega í heild of slöpp til að ég geti gefið henni einkunn yfir meðallag. Ég gef henni tvær stjörnur eða 6/10 og það er bara vegna þess að mér leiddist aldrei yfir henni.