Crouching Tiger Hidden Dragon (2000)

Ég er reyndar afar hrifnæmur og þær eru ekki fáar myndirnar sem ég gef fjórar stjörnur. Crouching tiger hidden dragon er þó tvímælalaust í topp tíu hjá mér, ef ekki bara í topp fimm. Ég er búinn að kaupa mér hana á DVD og hyggst horfa á hana a.m.k. einusinni í viku héðan í frá.


Bardagaatriðin í myndinni eru alveg hreint dásamleg og ein sér þess virði að sjá myndina fyrir. Æ, ég veit það ekki, þetta er bara ein af þessum myndum sem maður situr dolfallinn yfir og segir svo Shit yfir kreditlistanum.


Ég vara þó jarðbundna Hollywood aðdáendur við. Þessi mynd er ekki stöðluð eftir geldingafyrirskipun kanans í menningu og listum. Það eru nokkur atriði þar sem að náttúruöflunum er storkað og það ekki kallað Yedi mind trick eða Spermal flux generator. Ég vara einnig fólk með nýjungafælni og andleysissýki til að sjá þessa mynd, fyrir slíkt fólk er hún móðgun.


Það er tvennskonar fólk sem ég veit að þolir ekki þessa mynd: 15 ára unglingsstúlkur sem þússt eigilega fannst hún glötuð og 17 ára sportbílaeigendur sem þola ekki þegar annað tungumál en enska hljómar í eyrum þeirra (þrátt fyrir að þeir skilji það tungumál varla), enda er stundum erfitt að lesa textann og skrifa SMS til 15 ára unglingsstúlknanna bæði í einu.


En fyrir hrokafulla þá er þessi mynd tær snilld!


Shit!

Crouching Tiger Hidden Dragon eða bara eins og hún heitir á frummálinu Wu hu zang long var sýnd hér á landi á Kvikmyndahátíð Reykjavíkur fyrir nokkru, og frumsýnd hér eitthvað seinna. Þetta er einhver besta mynd sem ég hef nokkurn tíman séð, og ég trúi því bara ekki að ég hafi gleymt að setja þessa á topp10 listann minn!Hún er í 27 sæti yfir bestu kvikmyndir allra tíma á imdb ( hún er með 8.6 í meðaleinkunn ) og það ekki að ástæðulausu. Þessi ótrúlega kvikmynd Ang Lee´s hefur allt það sem góð kvikmynd þarfnast, persónusköpun, spennu, frábæran leik, slatta af dramatík, fáar sem engar klisjur, frábær bardagaatriði, og ótrúlega fallegt og flott umhverfi. Hún fjallar um tvo kínverska hermennn Li Mu Bai ( Chow Yun-Fat ) og Yu Shu Lien ( Bondgellan, Michelle Yeoh ) sem leita af 400 ára gömlu sverði, Grænu Auðnunnar sem hafði verið stolið úr geymslu, sem og Li Mu Bai berst við erkifjanda sinn Jade Fox, sem eitt sinn hafði drepið meistara Bai´s. Inn í það blandast unglingsstúlka sem kann sitthvað í bardögum, og fylgst er með ævintýum hennar. Þetta er hreint útsagt stórkostleg og töfrandi kvikmynd, með stórkostlegum bardagaatriðum, og hjálpar það andrúmsloftinu að það er enga ensku að finna hér, aðeins kínversku ( enda á hún að gerast í Kína fyrr á öldum ). Ef ég er ekki á einhverju þá er myndin ( samkvænt mínum skilningi ) byggð á kínverskum goðsögnum sem áttu að geta ögrað þyngdaraflinu með ýmsum loftfimleikum. Chow Yun Fat sem sást hér fyrir allmörgum árum aðallega í Hong Kong hasarmyndum hans John Woo´s, bregður sér hér frá Hollywood hasarmyndum, og gerir mjög vel hér. Einnig er Michelle Yoeh mjög góð sem Shu Lien, og ja allir í myndinni eru mjög sannfærandi, þannig að leikurinn fær A+ hjá mér. Svo er tæknilega hliðin einnig fullkomin, stórkostleg bardagaatriði sem að mínu mati slá út öll atriðin í The Matrix. Leikstjórnin er frábær, enda er hann Ang Lee ( sem mun næst leikstýra The Hulk ) engin aukvissi á því borði. Allt umhverfi er stórkostlegt, og landslagið í Kína mjög flott. Þegar allt er tekið til alls er þetta bæði heillandi og töfrandi mynd sem á skilið hrós hvar sem er, mynd sem allir kvikmyndaáhugamenn ættu að horfa á, jafnvel mörgu sinnum. Án efa mestaraverk!

Stórkostleg mynd! ótrúlega falleg og mikið fyrir augað. Vissi ekki alveg við hverju ég átti að búast þegar ég sá hana fyrst og það sló mig útaf laginu að sjá fyrsta bardagaatriðið því ég hélt að ég væri að sjá einhverja svona klassíska asíska bardagamynd.. en annað kom heldur betur á daginn. Leikararnir standa sig allir mjög vel (síst fannst mér sú sem lék Jade Fox)og gaman að sjá mynd á máli sem maður heyrir aldrei. Þessi er yndisleg.

Þessi mynd er algjör, takmarkalaus og kristaltær snilld! Hins vegar vil ég benda fólki sem getur ekki horft á kínverk ævintýri og verður að hlægja að ævintýralegum stökkum og bardagakúnstum að halda sig frekar við Stallone og Van Damme. Stemmingin í hádramatískum bardagaatriðum á það til að skemmast ef einhver bjáni verður að hlægja fyrir aftan mann.

Þessi mynd er argasta snilld,tæknibrellurnar eftir þá sömu og gerðu Matrix og það er það eina sem segja þarf um þær, hún er líka geðveikt vel leikin og söguþráðurinn er líka snilld, leikstjórinn Ang Lee fer hér kostum með þessari mynd sem sló aðsóknarmet í USA yfir hvað erlend mynd náði miklum peningum í kassan! SNILLD OG EKKERT ANNAÐ FJÓRAR STJÖRNUR!

Fín mynd með Chow Yun Fat, vel leikin. Mér fannst samt myndin heldur langdregin en bardagaatriðin voru flott og mér fannst þau mjög lík Matrix. En hefði verið betra að hafa hana á ensku en ég átti von á leiðinlegri mynd vegna þess að hún var á öðru tungumáli en svo sá ég að þetta var mjög góð mynd. Það er allt í lagi að sjá hana.

Ég get lýst þessari mynd með einu orði: snilld. Þetta er frábær mynd. Þyngdaraflslausu bardagasenurnar eru ótrúlegar. Myndin gerist í Kína og er um bardagamann sem ætlar að draga sig í hlé og gefa goðsagnakennt sverð sem hann átti en þá upphefjast ótal ævintýri.

Mér er óhætt að fullyrða að ég hafi sjaldan séð betri kvikmynd frá Asíu en þessa einstöku kvikmynd frá Taiwan, en hún heitir á frummálinu "Wo Hu Zang Long". Það er hreinlega allt sem gerir þessa kvikmynd ógleymanlega. Hún hlaut enda mikið hrós og lof um allan heim og hlaut ennfremur tíu verðskuldaðar óskarsverðlaunatilnefningar fyrir árið 2000 (engin kvikmynd gerð utan Bandaríkjanna hefur hlotið fleiri); sem besta kvikmynd ársins, fyrir leikstjórn snillingsins Ang Lee, búningahönnun, fyrir kvikmyndalagið "A Love Before Time", kvikmyndaklippingu og handrit byggt á áður útgefnu efni. Hlaut fjóra óskara; sem besta erlenda kvikmyndin, fyrir bestu kvikmyndatónlistina, listræna leikstjórn og kvikmyndatöku. Þetta er ævintýraleg mynd um tvær bardagahetjur í Kína fyrr á öldum sem eru á höttunum eftir stolnu sverði en í kjölfarið fylgja bardagasenur sem ögra náttúrulögmálum svo ekki sé meira sagt. Í alla staði vel gerð mynd með einstaklega skemmtilegum og vel útfærðum bardagaatriðum. Myndatakan er fyrsta flokks og söguþráðurinn er í senn heillandi og spennandi. Leikstjórinn Ang Lee fer hér á þjóðlegar kínverskar slóðir og blandar saman gríni, alvöru og kung fu bardögum á hreint magnaðan hátt. Leikarinn Chow Yun Fat leikur Li Mubai, mikinn meistara frá Wu-Tang og eiganda Grænu auðnunnar, sverðs sem er einstakt í heiminum. Hann vill leggja flökkulífið og sverðið á hilluna og setjast í helgan stein með Yu Shu Lien (Michelle Yeoh). Þau hafa þekkst um árabil og tilfinningar þeirra eru sterkar, þótt ýmislegt hafi orðið til þess að þau gætu ekki notið þeirra. Yu Shu Lien rekur öryggisþjónustu og tekur að sér að fara með sverðið í geymslu. Þar er sverðinu stolið og böndin berast að morðingja meistara Li Mubai. Fleiri eru að leita að Jaðeúlfinum, konu sem grunað er að feli sig í þjónustuliði landsstjórans. Dóttir hans, Jen, á að giftast fljótlega en hún er ekki viss hvort hún vilji sætta sig við rólegt líf giftrar aðalsfrúr og öfundar Shu Lien af því frjálsa lífi sem hún lifir. Þetta er mjög sterk mynd, eins og við er að búast frá Ang Lee og bardagatriðin eru alveg óaðfinnanleg, enda er hér vanur maður á ferð, enginn annar Yuen Woo Ping (Matrix og margar aðrar bardagamyndir), við stjórnvölinn. Leikararnir standa sig allir frábærlega, bæði í dramatískum atriðum og ekki síst í háskalegum bardögum. Chow Yun Fat er einkar trúverðugur í hlutverki meistarans, en allir sem til hans þekkja vita að hann hefur ekki verið í Kung Fu myndum hingað til og kunni ekkert slíkt þegar hann hóf að vinna við þessa mynd. Ég var afar hrifinn af því hve vel leikurunum tókst að láta bældar tilfinningar skína í gegn. Ef hægt er að horfa framhjá fljúgandi fólki og gefa sig ævintýrinu á vald þá er hægt að hafa sannkallað gaman af þessari mynd og lifa sig inní hana út í ystu æsar. Chow Yun-Fat (Replacement Killers) og Michelle Yeoh (Tomorrow Never Dies) eru yfirveguð í túlkun sinni á bardagahetjunum. Þau hafa aldrei leikið betur. Hin unga Ziyi Zhang, sem er í hlutverki Jen Yu, mun koma fram í myndinni Rush Hour 2 á þessu ári og hún á svo sannarlega framtíðina fyrir sér sem leikkona, hún sannar það í þessari mynd með mögnuðum leik sínum. Semsagt; þetta er heillandi og meistaralega gerð úrvalsmynd sem á að vera við allra hæfi. Hún stendur svo sannarlega fyrir sínu og verðskuldaði allt hrósið og átti skilið þá óskara sem hún hlaut. Hún er hreinlega einstök og ég mæli með henni við þá sem ekki hafa séð hana. Þeir sem hafa séð hana þeir vita hversu góð hún er. Hún er ómissandi fyrir alla sanna kvikmyndaáhugamenn. Alls ekki missa af henni!

Það eru svona myndir sem gera það þess virði að fara í bíó. Eftir heldur dapurt ár fyrir kvikmyndir þá er ekki annað hægt að segja en að árið 2001 byrji mjög vel: Crouching Tiger, Hidden Dragon á örugglega eftir að komast á marga topp 10 lista eftir ár. Á sýningunni sem ég var viðstaddur fór það ofsalega í taugarnar á mér þegar fólk hló að ýmsum mikilvægum atriðum. Ég skildi það bara ekki af hverju fólk var að sýna þessari snilldarmynd svo mikla óvirðingu, en fékk þó útskýringu á því eftir myndina: "Ég bjóst bara ekki við þessu" var sagt, og er því hægt að snúa hlátrinum upp í hrós, en hrós er eitthvað sem Crouching Tiger á svo sannarlega skilið. Ang Lee hefur hér gert ótrúlega góða, fallega og skemmtilega ævintýramynd sem á eftir að verða klassísk eftir nokkur ár. Myndir segir frá kínversku "hermönnunum" Li Mu Bai og Shu Lien sem leita að 400 ára gömlu sverði og erkifjanda sínum, hinni alræmdu Jade Fox. Ekkert merkilegt við það, nema hvað að þetta fólk, frábærlega leikið af Chow Yun-Fat og Michelle Yeoh, ögrar náttúrulögmálunum með því að fljúga, ganga á lóðréttum veggjum og hreyfa sig mjög, mjög hratt. Þau gera í öðrum orðum það sem Wachowski-bræðurnir þorðu ekki að láta sína karaktera gera. Allt er þetta náttúrulega snilldarvel gert, en það eru landslagið, sérstakir tökustaðirnir og frábær myndatakan, sem er alltaf á hreyfingu, sem gera þetta svo einstakt. Bardagarnir virðast líka mun eðlilegri, ef svo má að orði komast, en þeir sem voru í The Matrix, og er Lee ekkert að velta sér upp úr "sjáðu-hvað-ég-get-gert-flott" stælum. Fyrsta frábæra mynd ársins - farðu og sjáðu hana!