Carne trémula (1997)

Fylgst er með hinum seinheppna Victor allt frá því hann fæðist í strætisvagni við upphaf áttunda áratugarins, uns hann verður faðir (undir svipuðum kringumstæðum), röskum tveimur áratugum síðar. Undir tvítugt verður hann fyrir því óláni að lama lögreglumanninn David með voðaskoti í átökum á heimili Elenu, ungs og auðugs fíkils, sem stofnað hafði til skyndikynna við Victor skömmu áður. Málið er þó ekki einfalt því Sancho, kokkálaður, drykkfeklldur löggufélagi Davids kemur einnig við sögu í slysinu. Victor lendir í fangelsi, Elena hættir í dópinu, giftist David, sem verður fötluð körfuboltahetja. Sancho heldur stíft áfram sínum alkóhólisma, ámóta og Klara kona hans í framhjáhaldinu.