Nýjasta mynd Robert De Niro, Scared Guys, fylgir í fótspor síðustu mynda kappans, Meet the Parents og Analyze This. Er þetta gamanmynd sem fjallar um geðlækni sem þjáist af víðáttufælni en þarf loksins að yfirgefa íbúðina sína til þess að bjarga elskhuga sínum frá morðingja. Er henni leikstýrt af Dean Parisot ( Galaxy Quest ) þannig að hún gæti orðið góð. Upphaflega átti Jim Carrey að leika aðalhlutverkið en hann hætti við til þess að leika frekar í The Majestic undir leikstjórn Frank Darabont. Skrítinn heimur þar sem Jim Carrey og Robert De Niro geta leikið sama hlutverkið.
