Charles Manson sería fær framhaldslíf

NBC hefur gefið grænt ljós á nýja þáttaröð, þá aðra í röðinni, af sjónvarpsseríu David Duchovny, Aquarius, þar sem hann leikur lögreglu í Los Angeles sem eltist við glæpamanninn Charles Manson, leiðtoga Manson fjölskyldunnar, sem var alræmt glæpagengi á sjöunda áratug síðustu aldar.

david duchososo

Manson situr nú í ævilöngu fangelsi.

Serían var ákveðið tilraunverkefni hjá NBC sjónvarpsstöðinni bandarísku nú í vor, en öll serían, 13 þættir, var boðin til áhorfs í einu lagi á netinu, eftir frumsýningu fyrsta þáttarins í sjónvarpi. Þó að áhorf í sjónvarpi hafi ekki verið mjög mikið, þá var áhorfið á netinu svo mikið að ákveðið var að panta þáttaröð nr. 2.

„[…] Aquarius hefur fengið góða dóma hjá gagnrýnendum, laðað til sín milljónir áhorfenda, og hleypt fjöri í sumardagskránna okkar. Það er ekkert leyndarmál, að áhorfsvenjur fólks eru að breytast, þannig að við tókum nýjan pól í hæðina varðandi hvernig við myndum bera Aquarius á borð fyrir áhorfendur. Metfjöldi hefur séð seríuna á NBC Digital, og þetta hefur hjálpað okkur að ná til áhorfenda sem annars hefðu mögulega misst af þessari frábæru dramaseríu,“ sagði Jennifer Salke hjá NBC.

Miðað við fyrstu 24 tímana sem serían var í boði, þá var Aquarius sú vinsælasta í sögu NBC.com og NBC appsins, og hjálpaði NBC Digital ( NBC.com, NBC app og Hulu ) að ná mestu umferð yfir eina sumarhelgi, frá upphafi.

Yfir 28 daga tímabil er Aquarius næst vinsælasta nýja serían á NBC.com og NBC appinu frá upphafi, á eftir The Blacklist.

Helstu leikarar aðrir eru Emma Dumont, Grey Damon, Gethin Anthony og Claire Holt.