Aumingja McTiernan

Leikstjórinn John McTiernan ( The 13th Warrior ) þurfti nýlega að yfirgefa Smoke And Mirrors sem hann var að gera með hjónakornunum Michael Douglas og Catherine Zeta-Jones til þess að reyna að bjarga því sem bjargað verður með síðasta verkefni sitt, en það var endurgerðin á Rollerball. Myndin er víst þvílíkt slátur að annað eins hefur ekki sést, enda hefur myndinni verið frestað um óákveðinn tíma til þess að hann geti reynt að gera eitthvað með hana. Hvort einhver atriði verða tekin upp aftur, eða hvort myndin verður klippt upp á nýtt, liggur ekki ljóst fyrir á þessari stundu. Það sem vitað er, er að ferill þessa ágæta leikstjóra er á góðri leið með að fara í vaskinn eftir ýmis klúður undangenginna ára, þeirra á meðal helvítið sem var 13th Warrior.