Apt Pupil (1998)

Unglingspiltur uppgötvar að gamall maður sem býr í hans nágreni er fyrrverandi nasistaforingi sem tók virkan þátt í útrýmingu gyðinga í helförinni. Þar sem pilturinn er mjög áhugasamur um þetta tímabil semur hann við gamla manninn um að hann muni ekki segja til hans ef hann fái að heyra sögur úr stríðinu, nánar tiltekið úr gyðingabúðunum. Samskipti þeirra tveggja og þær afleiðingar sem þau hafa er síðan rauði þráðurinn í myndinni. Það sem drengurinn sagðist í upphafi hafa mestan áhuga á var að skilja hvers vegna nasistarnir í útrýmingarbúðunum frömdu þessi ódæðisverk og hvað þeir voru að hugsa. Myndinni tekst samt engan vegin að gera þessu skil. Hún á sínar stundir eins og til dæmis ógnvekjandi draumasenur úr "gyðingasturtuklefunum" en yfir heildina er lítið hérna til að mæla með. Mörgum finnst þessi mynd fara óvarlega með eins viðkvæmt mál og gyðingamorðin og ég verð nú að vera sammála því að hluta til.