Pirates of the Caribbean: At Worlds End (2007)

Pirates of the Caribbean: At Worlds End er góð mynd og fylgir restini af seríunni og er spennandi fyndin allan tímann.Þetta er 3 myndin og ein af þeim mörgum þetta árið hún er sú besta númer 3 sem ég er búinnn að sjá og vill ég sjá fleiri svona myndir og gef ég Ted Elliott og Terry Rossio 4 stjörnur.Snildar mynd allir ættu að sjá.

Jæja! Eftir langa bið er hún loksins komin, Pirates of the Caribbean. At world's end.

Ég er einn af þeim sem að fannst fyrsta Pirates myndin alveg frábær. Svo kom mynd númer tvö og þó að hún væri kannski ekki alveg eins skemmtileg var hún mjög áhugaverð.

Nú er komin þriðja myndin og er hún mikið sjónarspil. Formúlan er óaðfinnanleg eins og fyrri daginn og myndin lætur manni alls ekki leiðast þó hún sé í lengri kantinum. Jack Sparrow er frábær í myndinni að venju og svo er virkilega gaman að fá Geoffrey Rush aftur inn. Í þessari mynd er baráttan á milli Jack Sparrow, Elisabeth Swann og Will Turner annars vegar og Lord Cutler Beckett og Davy Jones hins vegar. Bardagaatriðin í myndinni eru hreit mögnuð og tæknibrellurnar frábærar.

Það eina sem að ég set út á myndina er að sum atriðin eru ansi skrýtin og ég hreinlega skildi þau ekki almennilega, t.d. þar sem koma fyrir mörg eintök af Jack Sparrow.

En að öðru leyti er þetta frábær ævintýramynd og hvet ég alla sem kunnu að meta fyrri myndirnar til að sjá þessa því hún er virkilega skemmtileg og vel leikin.

Takk fyrir !

Fyrsta Pirates myndin var fín þegar maður sá hana í bíó árið 2003. Seinni myndin voru töluverð vonbrigði og svo er komið þetta kjaftæði. At Worlds End er hreint og beint fíflaleg, alltof andskoti langdregin(yfir þrír tímar ertu ekki að grínast?) en fyrst og fremst er handritið svo hugmyndasnautt og formúlukennt að það slagar hátt upp í Lord of the rings(já mér finnst það slappar myndir). Það eina góða við At Worlds End er frammistaða Johnny Depp sem er til fyrirmyndar líkt og fyrri daginn og basically á hann hálfa stjörnu og svo fær myndin hálfa í viðbót út af nokkrum flottum hasartæknibrelluatriðum. Fyrir utan Depp og kannski Geoffrey Rush líka er enginn leikari í myndinni að standa sig og ég verð að segja að ég varð fyrir gífurlega miklum vonbrigðum hversu lítinn skjátíma Keith Richards fékk sem faðir Jack Sparrow's. Ég bjóst við miklu meira og betra af honum. Sorry en þessi mynd sökkar og vonandi koma ekki fleiri nema að þær verði eitthvað í líkingu við Curse of the Black pearl. Jack Sparrow á skilið betri mynd en þetta.

Þetta sumar ætlar aldeilis að ganga undir heitinu 'framhaldsmyndasumar.' Það hefur að vísu ekki átt sterkt upphaf. Spider-Man 3 var vonbrigði og Shrek the Third ennþá slakari. Nú er enn einn þristurinn kominn og miðað við fyrri gengi var ég farinn að hafa dálitlar áhyggjur í væntingum mínum. Viti menn... Ég þurfti ekki að hafa neinar áhyggjur.Pirates of the Caribbean: At World's End er klárlega ein stærsta og hugsanlega skemmtilegasta mynd ársins, allavega hvað sumarið varðar. Við fáum hérna allt í hendurnar það sem einkenndi hinar myndirnar, nema nú er sett í hágír og útkoman er alveg dúndurgóð. Það gæti hugsanlega farið illa í fólk hvað myndin er löng. Hún verður annars aldrei langdregin eða eitthvað leiðinleg, en maður finnur samt sem áður fyrir lengdinni og myndin tekur sér góðan tíma í að stilla upp atburðarásinni áður en að einhver svakalegasti og best uppbyggði lokaþriðjungur sem ég hef séð í kvikmynd að undanförnu stígur fram. Þrátt fyrir hæga uppbyggingu er flæðið sumsé stöðugt, og skemmtanagildið týnist aldrei.Söguþráðurinn er reyndar, rétt eins og í Dead Man's Chest, gerður örlítið flóknari en hann í raun þurfti að vera. Þetta finnst mér vera örlítill galli. Allir þessir snúningar eru settir inn bara til þess að flækja hlutina eða krydda upp á samspil persónanna, en sumt af þessu fannst mér vera óþarft, og hefði ekkert verið að því að keyra myndina bara á einfaldri braut án þess að gefa áhorfendum hausverk. Til móts við það þá er óhætt að fullyrða að þessi mynd sé sú innihaldsríkasta af öllum þremur. Hún virkar á öllum þeim levelum sem hinar gerðu, en þessi nær einhvern veginn að þola lengd sína best þar sem hún hefur svo gríðarlega mikið af upplýsingum að bera fram.Hasar myndarinnar er einnig rosalegur, og tæknibrellurnar eru sífellt að hljóta betri lýsingarorð hjá mér í hverri lotu (ég kemst ekki enn yfir það hvað Davy Jones er vel gerður!). Tónlist og umgjörð, gallalaust að venju, þarf ekkert að fara nánar út í það. Leikararnir eru jafn þéttir og áður, ef ekki betri. Johnny Depp vekur alltaf kátínu í rullunni sem er löngu orðin sígild. Chow Yun-Fat er sömuleiðis skemmtilegur og er alltaf gaman að sjá nýtt andlit. Einnig var ég hæstánægður með endurkomu Geoffrey Rush, en hann er hugsanlega mest sannfærandi sjóræninginn af þeim öllum, og geislar af honum fyrir vikið. Hann engu að síður stelur þessari mynd. Já, meira að segja skákar hann Depp kallinn. Orlando Bloom og Keira Knightley halda áfram að forðast stereótýpurnar sem þau voru í fyrstu myndinni, og þau gera það mjög vel. Will Turner og Elizabeth Swann eru mun ófyrirsjáanlegri karakterar en áður og gerir það þau loks að jafningjum Depps. Gleymum síðan ekki skemmda töffaranum Keith Richards, sem á faktískt ógleymanlega innkomu inn í sitt litla gestahlutverk.Leikstjórn Gore Verbinski verður einnig að fá gott orð á sig. Þessi maður er búinn að standa sig eins og hetja með því að matreiða okkur bíófíklunum (sem og mainstream-hópum) einn skemmtilegasta og ferkasta þríleik undanfarinna ára. Sjóræningjamyndir voru löngu orðnar útdauðar (allt Cutthroat Island að þakka!) og venjulega sá maður ekki margar góðar slíkar, en Verbinski hefur tekið ýmsar áhættur með geirann sem skiluðu frá sér massagóðri heild. Ég er mjög sáttur með þessar myndir og finnst mér alltaf vanta meira af svona stórmyndum þar sem að leikarar fá að njóta sín eins mikið og brellurnar meðan að áhorfandinn fær sitt skemmtanagildi út úr öllu.Hefði Pirates verið sömu vonbrigðin og Spidey eða Shrek voru, þá hefði ég tapað bjartsýni mínu á þessu bíómyndasumari. Sem betur fer fór það ekki svo. At World's End skilur stórt flykki eftir sig í afþreyingargildinu og ég stend á þeirri skoðun um að hún sé besta Pirates-myndin. Ekki amalegt.8/10Ég hvet samt Disney til að gera EKKI fleiri myndir! Leyfið þessu að ljúka með stæl, segi ég, enda virðist þessi þriðja gefa fullkomna ljúkun á þróun persónanna. Hins vegar, ef mikil þörf eru á nýrri sjóræningjamynd, þá er alltaf hægt að gera eitthvað með Monkey Island.