Blade II (2002)

Já vinir mínir drógu mig á þessa vitleysu og svo var planið að kíkja í bæinn eftir myndina og fá sér nokkra bjóra, nema hvað að eftir þennan vanskapnað þá einhvern vegin duttum við bara úr stuði og fórum heim, ég sé mjög svo eftir því að hafa ekki gert það sama og félagi minn þegar að hann labbaði út fyrir hlé og fékk sér subway.

Stundum er sagt að myndir hafi hluta af pakkanum í því sem að gerir myndir lélegar (s.s leiðinlega tónlist, ömulega leikstjórn, leiðinlegar tökur, fáránlegar línur sem að eiga að gefa manni gæsahúð því að þær eru svo hnitmiðaðar og töff, leiðinlega leikara og enþá fáránlegri bardagaatriði) nema hvað að þessi mynd er sko sannarlega með allann pakkann, og ég er nokkuð viss um að ég gleymdi einhverju í upptalningunni.

Þessar ógeðslegu ostalínur sem að leikararnir létu út úr sér í þessari mynd gaf manni sko enga gæsahúð, eina tilfinninginn sem að ég get sagt að ég hafi fundið fyrir var velgja. Þetta er mynd sem að líkt og vampírurnar í myndinni ætti aldrei að sjá dagsins ljós.

Árið 1998 kom út skemmtilega öðruvísi mynd í vampíruheiminn, Blade. Hún fór dálítið öðruvísi leið en aðrar myndir í sama flokki og má segja að hún hafi breytt aðeins stefnunni. Wesley Snipes mannaði þessa mynd ásamt snillingnum Kris Kristofferson, en ég hef nú aldrei verið hrifin af Snipes. Það má í raun og veru segja að þessi mynd hafi frekar verið bardaga-spennumynd í stað hryllingsmyndar en útaf því að þetta fjallar nú einusinni um vampírur þá sleppur þetta. Nú fjórum árum seinna kemur framhaldið og ætlaði ég mér alltaf að fara á hana í bíó en mistókst það einhvernvegin þannig að ég varð að sætta mig við sjónvarpið og græurnar. Ég var farinn að halda að gæinn á videoleigunni hafi látið mig fá nýjustu Jackie Chan myndina...


Eric er mættur aftur og er búinn að vera að leita að gamla félaga sínum Whistler sem að lifði víst af fyrri myndina. Hann kemst að því að erkióvinir hans, vampírurnar, eru með hann og það er nú ekki málið að redda því. Á meðan fáum við að kynnast nýrri tegund vampíra... Gæar sem líta út eins og nosferatu og þola silfur og hvítlauk. Ekki nóg með það heldur ef þær bíta aðrar vampírur þá fjölga þær sér. Vampírukynstofninum er ógnað af þessu og fá þá Eric(Blade) sér til hjálpar til að útrýma þeim. Eric kynnist þá Nyssa sem er dóttir einhvers æðstu vampíru og gengi sem hafði verið þjálfað til að drepa hann... skemmtilegt.

En getur Eric treyst erkióvinum sínum meðan þau reyna að útrýma þessum nýju vampírum?


Þessi mynd er ekkert annað en sýning. Hvert bardagaatriðið á fætur öðru og ekki vantaði techno tónlistina sem fylgir þeim.

Sum atriðin voru meira að segja bara ílla gerð, t.d. þegar Eric(Blade) hittir Nyssa fyrst þá er þetta eins og maður sé að horfa á Tekken eða einhvern álíka bardagatölvuleik. Sorglegt en satt... hefðu átt að sleppa að tölvugera bardagana.

Tónlistin er ekki uppá marga fiska og er Eric gerður svo hrikalega, hallærislega, of svalur að það er ekkert fyndið.

Það eina góða við þessa mynd eru nýju vampírurnar sem voru vægast sagt hrikalega flottar, förðunin fær stóran plús og hönnunin á þeim, þó að hún hafi verið svolítið Sci-Fi.

Fyrri myndin er án efa mikklu betri og ekki nærri því eins ýkt.

Jæja, þá er ég loksins búin að sjá hana og mikið skemmti ég mér vel! Tæknin er enn betri, hraðinn enn meiri og sagan enn magnaðri en í þeirri fyrri. Halló!! Hvað er svona slæmt við þessa mynd?? Ég skil ekki þá sem fíla hana ekki, ef einhver fílaði Blade I hlýtur hann að fíla þessa enn frekar. Ég er mjög ánægð með útkomuna ásamt þeim sem sáu hana með mér eitt vídeókvöldið. Ég er bara spæld að hafa ekki farið í bíó á hana, það er eiginlega skylda þegar kemur að svona myndum. Það vantar ekki blóðsúthellingar hér frekar en í fyrri myndinni og Wesley Snipes er enn betri. Tónlist og hljóð í hágæðaflokki. Nú er sá gamli (Kris Kristofferson) orðinn grunsamlegur og getur maður ekki annað en grunað hann um græsku í myndinni. Hvað sem því líður magnast myndin upp frá fyrstu mínútu, styrkur leikara er mikill og endirinn er mjög óvæntur en áhrifamikill. Bara algjör snilld -vonandi að Blade III fylgi þessari eftir. Hér er það annar leikstjóri og handritshöfundar en í þeirri fyrri, en jafnvel enn ókunnugri fyrir mér. Það er þó ljóst að hvorug myndin var gerð af viðvaningum. Vampíruáhugamenn! Látið ekki Blade-myndirnar vanta í safnið, þær eru ómissandi.

Vampýrubaninn Blade er mættur aftur og í þetta sinn gengur hann í lið með óvinum sínum til að kljást við nýja og verri sort af vampýrum. Þetta er fín mynd,ekkert síðri en forveri sinn. Fullt af flottum hasaratriðum og vel skrifuðum samtölum. Leikarinn Wesley Snipes hefur misstigið sig oftar en ekki í gegnum tíðina en Blade myndirnar eru án alls efa með skárri myndum hans og titilpersónan með skárri hlutverkum hans. Kris Kristofferson er líka góður sem Whistler þrátt fyrir að minna örlítið á bónda. Blade 2 fær þrjár stjörnur og gaman væri að sjá hvernig til tækist með þriðju myndina.

Þetta er ömulegast mynd sem ég nokkrum tíman séð!!!!

Ég var næstum því sofnuð á henni !!! Frá fyrstu til síðustu mínútu var bara barist með einhverjum tryllitækjum og svo inn á milli eitthvað smá drama. Hún fjallaði um einhvern karl sem hét Blade sem var á móti vampírum en svo báðu vampírurnar Blade um að hjálpa sér að drepa einhverjar aðrar verur sem sugu blóð um vampírum og svo eitthvað þannig. Og þessi Blade átti alltaf að vera svo rosalega svalur með sólglerugun. Ég vara ykkur við að sjá þessa mynd en samt veit ég að það eru til spennufíklar sem fíla svona myndir þannig að þem finnst þetta kannski skemmtilegt.

Eg varð fyrir þvílíkum vonbrigðum með Blade 2. Þetta er án efa einhver heimskulegasta vampýrumynd allra tíma ( fyrir utan fjandans Leslie Nielsen myndina! ). Það er enginn ástæða til að fara yfir söguþráðinn ( ég er viss um að flestir viti um hvað myndin fjallar um=Blóð, Blade, lélegir leikarar, blóð, engin persónusköpun, þreytandi og ofnotaðan hasar, cheesy línur, mjög lélegt handrit...you get the point... ).


Leikurinn í myndinni er hryllilega lélegur. Það er eins og flestir leikararnir séu að reyna toppa hvorn annan í að vera lélegur. Ron Perlman var hryllilega ömurlegur í sínu hlutverki ( átti hann að vera ógnandi? ), Leonor Varela ( kellingin ) var hreint útsagt fáranlega tilgerðarleg. Norman Reedus var og er hræðilega lélegur leikari og sýnir og sannar það með þessari mynd. Wesley Snipes getur verið skemmtilegur á köflum sem Blade en hann tekur hlutverki sitt aðeins of alvarlega. Allt bloodpackið ( inniheldur fyrrnefndu kellinguna ) var ömurlega fyndið þegar það átti að vera röff, töff og mean! Sá eini sem var góður var Kris Kristofferson.


Tónlistin var ÖMURLEG. Hvenær ætlar fólk að skilja að það er ekki gaman að horfa á bardagaatriði með teknó-tónlist? Og talandi um bardagaatriði, bardagaatriðin í Blade 2 eru ömurleg!!! Ég hef séð öll þessi atriði áður í öðrum og betri myndum. Það er eins og Blade 2 gangi út á það að stela úr öðrum myndum.


Tæknibrellurnar eru virkilega lélegar. Myndin er svo mikið cgi-uð að það hún verður hreinlega leiðinleg á köflum. Handritið er einhver mesta þvæla sem ég veit um. Línurnar sem leikararnir fara með eru hörmulega fyndnar ( ATH. þær eiga ekki að vera það ). Og djöfulli er handritið götótt! Er það bara ég eða var það sagt afhverju Whistler var haldið á lífi? Algjörlega fáranlegt. Það eina kúlaða við myndina eru þessar nýju vampýrur ''Reapers''. Þær eru svo úber að maarr nennnir hreinlega ekki lengur að horfa á Blade drepa venjulegar og aulalegar vampýrur. Maarr vill alltaf sjá meira af reaperunum.


Allt í allt er þetta hrikalega léleg mynd sem á sem á aðeins skilið hálfa stjörnu fyrir reaperana!!!

Jæja.. fyrsti kvenmaðurinn til að skrifa um Blade II :) alveg í takt við áhorfendur í salnum í gær en það voru 99% karlmenn! Það er líka greinilegt að Blade er stílaður inn á karlkynið og ekkert slæmt um það að segja svosem. Ég bjóst nú aldrei við að fara að sjá Blade II því ég gafst upp á að horfa á forverann, alveg fannst mér það hriiiiiikalegt bull og aðalhetjan vægast sagt glötuð. En svo urðu aðstæður til þess að ég skellti mér í bíó og mér fannst bara alveg ágætt :) Kannski vegna þess að ég hafði akkúrat ENGAR væntingar til myndarinnar, bjóst eiginlega við að deyja úr leiðindum. Myndin er fínn hasar og flott bardagaatriði (fyrir utan þetta altölvugerða sem var hörmulegt) og í stuttu máli sagt fínasta afþreying, svo lengi sem maður hefur það í huga að taka myndina ekki of alvarlega.. :)

Gríðarlega leiðinleg og klisjuleg mynd sem féll ekki að væntingum. Óævintýraleg og söguþráðurinn gengur einungis út á það sama, drepa, drepa, drepa algerlega heilalaust. Maður nánast sofnaði útaf leiðindum. Þetta er í fyrsta sinn sem mér dettur í hug að fara út í hléi. Þráaðist þó við.

Ég fór á þessa mynd með því hugarfari að framhaldsmyndir eru oftast lélegri en fyrri myndin og gekk það dæmi upp hjá mér.Það sem mig finnst eyðileggja þessa mynd eru margir hlutir,í fyrsta lagi er bardagaatriðið við gelluna asnalegt(einsog fram kom hér að ofan),einfaldur söguþráður og mjög svo rembingsleg tilraun til að gera þessa mynd svala(Tekið skal fram að gagnrýnandi er mikill vampýrufan og vampýrur eiga ekki að vera einsog í Blade2).En afþreyingarlega séð gat ég horft á þessa mynd og ekki verið með hugann fyrir utan bíóið(of upptekinn við að finna slæma punkta).Mynd sem skilur ekkert eftir sig nema umræður um hvað hún var slöpp.Fær eina stjörnu fyrir 2 tíma af áhyggjulausu dái heila míns.

Blade 2 er allveg hrein snilld með hörku góðum leikurum. Blade er hér komin aftur í æsispennandi mynd með geðveikum tæknibrellum. Hér segir frá Blade(Wesley Snipes) sem reynir að finna Wistler(Kris Kristoferson)sem var drepinn í fyrstu myndinni. En hann finnur hann og þeir ætlast til að halta því áfram að drepa vampírur en vampírurnar eru í vanda út af einskonar djöflum sem er bara hægt að drepa með sólarljósi. Vampírurnar svíkja Blade,Wistler og vin þeirra Scud,sem svíkur þá eiginlega líka. Frábær mynd með geðveikum leikurum og mergjuðum tæknibrellum. Hér er mynd sem enginn má missa af og þessa er hægt að horfa á aftur og aftur.

Þessi mynd er fínasta skemmtun. En mér fanst mjög slæmt hvað sum bardaga atriðin voru illa gerð. Hún er mjög dimm og á tímabili sést ekkert hvað er í gangi. Maður veit hverjir eru að slást en svo sést enginn munur á þeim fyrr en bardaginn er búinn. Einnig er þessi mynd full brútal fyrir minn smekk.

Þessi mynd er ekki eins skemmtileg og fyrri myndin en eins og komið hefur fram þá er hún MIKLU svalari. Blade er náttúrulega OFUR töffari og þá meina ég meiri töffari en í fyrri myndinni.

Þ.a. þessi mynd er svalari en fyrri myndin en ekki skemmtilegri að mínu mati.

Jæja þá er Blade mættur aftur vopnaður silfri og hvítlauk til að murka lífið úr vampírum. Fyrri myndin var ágætis ræma. Maður bjóst við að þessi væri betri sem var rétt. Takturinn í myndinni er hraður út í gegn og heldur sér alveg. Slagsmálin eru góð og sannar Welsey að hann sé ekki síðri harðhaus eins og Jet Li og Seagal. Wesley gerir Blade aðeins afslappaðri núna en í fyrri myndinni. Sem sagt góð mynd fyrir þá sem fíla aksjón, slagsmál og pínu blóð.